სიკვდილი ძილს ჰგავს, რაც იმას ნიშნავს, რომ მკვდრები ვერაფერს გრძნობენ და ვერაფერს აკეთებენ. მაგრამ სიცოცხლის მომცემ ღმერთს შესწევს იმის ძალა, რომ მკვდრები გააცოცხლოს. ამის დასამტკიცებლად ღმერთმა იესოს ძალა მისცა, გაეცოცხლებინა რამდენიმე მიცვალებული (წაიკითხეთ ეკლესიასტეს 9:5; იოანეს 11:11, 43, 44).

ღმერთი გვპირდება, რომ მკვდრებს, რომლებიც მის მეხსიერებაში არიან, სიცოცხლეს დაუბრუნებს ახალ ქვეყნიერებაში, სადაც გამეფებული იქნება სიმართლე. ეს მოხდება ღვთის მიერ დანიშნულ დროს. ყოვლისშემძლე ღმერთი მოუთმენლად ელის იმ დროს, როცა მიცვალებულებს აღადგენს (წაიკითხეთ იობის 14:14, 15).

მიუხედავად იმისა, რომ მიცვალებულის სხეული იხრწნება, ღმერთს შეუძლია იგივე პიროვნება აღადგინოს ახალ სხეულში. მკვდრეთით აღდგენილები იცნობენ საკუთარ თავს, თავიანთ ოჯახის წევრებსა და მეგობრებს (წაიკითხეთ 1 კორინთელების 15:35, 38).

ძალიან ცოტა ადამიანი ზეციური ცხოვრებისთვის აღდგება (გამოცხადება 20:6). უმეტესობა კი სამოთხედქცეულ დედამიწაზე საცხოვრებლად აღდგება. მათ შესაძლებლობა მიეცემათ ხელახლა დაიწყონ ცხოვრება და ჰქონდეთ მარადიული სიცოცხლის იმედი (წაიკითხეთ ფსალმუნის 37:29; საქმეების 24:15).