მეგობარი რომ შეინარჩუნო, უნდა ესაუბრებოდე მას. შენ უსმენ მას და ისიც გისმენს. აგრეთვე მეგობარზე კარგს ლაპარაკობ სხვებთან. ასევეა ღმერთთან მეგობრობაც. განვიხილოთ, რას ამბობს ბიბლია ამის შესახებ:

ყოველთვის ესაუბრე იეჰოვას ლოცვით. „[იყავით] ლოცვაში მდგრადნი“ (რომაელთა 12:12).

იკითხე ღვთის სიტყვა, ბიბლია. „მთელი წერილი ღვთივსულიერია და სასარგებლოა სასწავლებლად, სამხილებლად, გამოსასწორებლად“ (2 ტიმოთე 3:16).

დაეხმარე სხვებს ღვთის შესახებ ცოდნის მიღებაში. „წადით და მოიმოწაფეთ ყველა ხალხი. . . ასწავლეთ მათ ყოველივეს დაცვა, რაც მე გამცნეთ“ (მათე 28:19, 20).

 ურთიერთობა იქონიე ღვთის მეგობრებთან. „ბრძენკაცებთან მოსიარულე თავად დაბრძენდება“ (იგავნი 13:20).

დაესწარი კრების შეხვედრებს სამეფო დარბაზში. „ყურადღებით მოვეკიდოთ ერთმანეთს, წავახალისოთ სიყვარულისა და კეთილი საქმეებისათვის. . . შევაგონოთ ერთმანეთს“ (ებრაელთა 10:24, 25).

მხარი დაუჭირე სამეფოს საქმეებს. „თითოეულმა როგორც გულით აირჩია [ისე შესწიროს], არც შეწუხებით და არც ძალდატანებით. ვინაიდან სიყვარულით გამცემი უყვარს ღმერთს“ (2 კორინთელთა 9:7).