წარმოიდგინე, რომ ხიდან წყვეტ წვნიან, ლოყაწითელ ვაშლს, შეიგრძნობ მის სურნელს და კალათში დებ. ბაღში დიდი ხანია მუშაობ, მაგრამ დაღლას საერთოდ ვერ გრძნობ. იქვე, შორიახლოს, დედაშენიც ხალისიანად მუშაობს, თან ოჯახის დანარჩენ წევრებსა და მეგობრებს ემუსაიფება. ის ზუსტად ისე გამოიყურება, როგორც შენს ბავშვობაში გამოიყურებოდა; რთული დასაჯერებელია, რომ ის ოდესღაც ხანდაზმული იყო. დიდი ხნის წინათ გარდასულ ქვეყნიერებაში ავადმყოფობით ძალაგამოცლილმა თქვენს ხელში დალია სული. გახსოვთ ის დღე, როცა მის საფლავთან მწარედ მოთქვამდით. მაგრამ ახლა ის თქვენ გვერდითაა, ცოცხალი და ჯანმრთელი!

ასეთი დრო აუცილებლად დადგება, რადგან იეჰოვას არც ერთი დაპირება შეუსრულებელი არ რჩება. ამ ნაწილში განვიხილავთ იმ მოვლენებს, რომლებიც უახლოეს მომავალში უნდა მოხდეს არმაგედონის ომამდე; აგრეთვე გავიგებთ, როგორ შესრულდება სამეფოს დაპირებები არმაგედონის შემდეგ. რა ბედნიერება იქნება, როცა ღვთის სამეფო მთელ დედამიწაზე იმმართველებს და შექმნის ყველაფერს ახალს!