Lmut n win ɛzizen teţţaǧǧa-d leḥzen d ameqran. Adlis Iqedsen yeqqar-ed belli lmut ţ-ţaɛdawt (1 Ikurintiyen 15:26). Di tmeɣri tis 27, nwala-d belli Yahwa a ţ-yekkes i dima. Meɛna, yella d acu ara yexdem ɣef ddemma n wid yemmuten yakan? Di tmeɣri-yagi, aţ-ţissineḍ akteṛ ɣef lweɛd yetɛeddan i ɣ-d-yefka Yahwa: yewɛed belli d imelyaṛen n lɛibad ara d-yesseḥyu si lmut yerna ad ɛicen di lfeṛḥ! Dɣa d ṣṣeḥ yezmer a-d-yeḍru wayagi? Wid ara d-yeḥyun si lmut, ad ɛicen deg igenni neɣ ɣef lqaɛa?

1. D acu i sen-yebɣa Yahwa i wid ɛzizen fell-aneɣ yemmuten?

Yahwa iḥar a d-yesseḥyu wid yemmuten. Yub, yellan d nnbi yesɛan liman d ameqran, yeţţuqenneɛ belli d lmuḥal a t-yeţţu Ṛebbi asm’ara yemmet. Yenna-yas i Ṛebbi: “A yi-d-tsiwleḍ, a k-d-rreɣ [seg uẓekka]” (ɣer-ed Yub 14:13-15).

2. Amek i neẓra belli a d-ḥyun wid yemmuten?

Asmi i gella Ɛisa ɣef lqaɛa, yefka-yas Ṛebbi tazmert a d-yesseḥyu wid yemmuten. Ɛisa yesseḥya-d yiwet n teqcict yesɛan 12 n sna akk-d mmi-s n yiwet n taǧǧalt (Marqus 5:41, 42; Luqa 7:12-15). Kra n lweqt mbeɛd, yemmut yiwen weḥbib-is isem-is Ilɛazar. Xas akken ṛebɛa wussan i gɛeddan ɣef lmut n Ilɛazar yerna yeţwanṭel, yesseḥya-t-id Ɛisa. Ɛisa yeẓẓull i Ṛebbi, mbeɛd imuqel ɣer uẓekka-nni, iɛeggeḍ: “Ilɛazar, ffeɣ-ed ɣer beṛṛa!” Dɣa “lmegget nni yeffeɣ-ed”, yedder! (Yuḥenna 11:43, 44). Xayel-ed acḥal i feṛḥen leḥbab n Ilɛazar akk-d yessetma-s mi t-walan gar-asen!

3. D acu-t usirem i gellan i wid ɛzizen fell-ak yemmuten?

Adlis Iqedsen yewɛed belli a d-yili “ḥeggu” n lmeggtin (Lecɣal 24:15). Wid i d-yesseḥya Ɛisa feṛḥen imi i d-uɣalen ɣer tudert ɣef lqaɛa. Ihi, mi mmuten, ur ulin ara s igenni (Yuḥenna 3:13). Kifkif daɣen, ur yeţɛeṭṭil ara Ɛisa a d-yesseḥyu imelyaṛen n lɛibad akken ad ɛicen i lebda ɣef lqaɛa ara yuɣalen d lǧennet. Yenna-d belli “wid meṛṛa yellan deg iẓekwan”, ula d wid iɣef ur necfi ara, a d-ḥyun axaṭer Ṛebbi yecfa meṛṛa fell-asen (Yuḥenna 5:28, 29).

 A NNADI A NEFHEM AKTEṚ

4. Ɛisa ibeggen-ed belli yezmer a d-yesseḥyu wid yemmuten

Wali amek i gexdem Ɛisa akken a d-yesseḥyu aḥbib-is Ilɛazar. Ɣret-ed Yuḥenna 11:14, 38-44, mbeɛd hedṛet ɣef yesteqsiyen-agi:

• D acu i d-yeţbegginen belli Ilɛazar yemmut s ṣṣeḥ? (walit afir 39).

• Ɛlaḥsab-ik, lukan s igenni i guli Ilɛazar asmi i gemmut, eɛni a t-iḥettem Ɛisa a d-yuɣal ɣer lqaɛa?

Walit BIDYU-YAGI.

5. D imelyaṛen n lɛibad ara d-yeḥyun!

Adlis Iqedsen yewɛed belli “iḥeqqiyen ad weṛten lqaɛa yerna ad ɛicen deg-s i lebda” (Ahellil 37:29, Ṭrejma n ddunit tajdiṭ, s tṛumit). Hedṛet ɣef westeqsi-yagi:

• Anda ara ɛicen wid ara d-yeḥyun?

Ɛisa ur d-yeţţarra ara ɣer tudert wid kan i gqedcen ɣef Yahwa. Ɣret-ed Lecɣal 24:15, mbeɛd hedṛet ɣef westeqsi-yagi:

• Anwa i tebɣiḍ aţ-ţeẓreḍ asm’ara d-ḥyun wid yemmuten?

• Amek i gesseǧhed usirem n ḥeggu n lmeggtin imawlan n Phelicity yerna iṣebber-iten?

 AYEN I D-NELMED

Adlis Iqedsen yewɛed belli d imelyaṛen n lɛibad ara d-yeḥyun si lmut. Yahwa yebɣa ad ɛicen yerna yefka-yas tazmert i Ɛisa akken a ten-id-yesseḥyu.

A d-nesmekti

• Amek i neẓra belli Yahwa akk-d Ɛisa ḥaren a d-sseḥyun wid yemmuten?

• Anda ara ɛicen imelyaṛen n lɛibad ara d-yeḥyun, deg igenni neɣ ɣef lqaɛa? Acuɣer i teţxemmimeḍ akka?

• D acu i k-iqennɛen belli zemren a d-ḥyun wid i tḥemmleḍ?