TIMEƔRI TIS 41

D acu i d-yeqqar Wedlis Iqedsen ɣef lɛalaqat n wusu?

SEL S

Aṭas n lɛibad i geţsetḥin ad hedṛen ɣef lɛalaqat n wusu. Adlis Iqedsen iheddeṛ-ed ɛinani ɣef temsalt-agi, acu kan s leqder. Ayen i d-yeqqar ɣef lɛalaqat n wusu, yeqqar-it-id i nnfeɛ-nneɣ. Yahwa d axellaq-nneɣ, yeẓra d acu i ɣ-inefɛen. Ma neţwali lɛalaqat n wusu akken i tent-yeţwali neţţa, a t-neţɛuzzu yerna a nesɛu asirem a nɛic i lebda.

1. Amek i geţwali Yahwa lɛalaqat n wusu?

Lɛalaqat n wusu ţ-ţukci sɣur Yahwa i wergaz ţ-ţmeṭṭut i gzewǧen lwaḥid. S tukci-yagi i gezmer wergaz ţ-ţmeṭṭut-is a d-sɛun dderya w’a d-beggnen daɣen leḥmala d leḥnana gar-asen. Adlis Iqedsen yeqqar-ed ɣef lɛalaqat ger wergaz ţ-ţmeṭṭut-is: “Fṛeḥ s tmeṭṭut n temẓi-k” (Lemtul 5:18, 19). Yahwa yebɣa-yasen ad ţɛuzzun zzwaǧ-nsen yerna ur ţţemyexdaɛen ara (ɣer-ed Iɛebṛaniyen 13:4 a, Ṭrejma n ddunit tajdiṭ, s tṛumit).

2. Llant lɛalaqat n wusu ur iqebbel ara Ṛebbi. Anti-tent?

Yeqqar-ed Wedlis Iqedsen belli “wid ixeddmen lɛaṛ [...] ur weṛṛten ara Tagelda n Ṛebbi” (1 Ikurintiyen 6:9, 10, Ṭrejma n ddunit tajdiṭ, s tṛumit). Imeslayen-agi “xeddmen lɛaṛ” d ṭrejma n yiwen umeslay n lluɣa tayunanit, isem-is “pornéïa”. Ameslay-agi iqsed-ed 1) lɛalaqat n wusu ger wergaz ţ-ţmeṭṭut ur nezwiǧ ara lwaḥid b, 2) lɛalaqat n wusu ger wergaz d wergaz, neɣ ger tmeṭṭut ţ-ţmeṭṭut, 3) lɛalaqat n wusu ger lɛibad d lḥiwan. Win i geţnadin ‘ad yexḍu i lɛaṛ’ ad yaf lfayda yerna ad yeɛǧeb i Yahwa (1 Itisalunikiyen 4:3).

A NNADI A NEFHEM AKTEṚ

A nwali amek ara neqqim neṣfa di temsal icudden ɣer lɛalaqat n wusu akk-d lfayda ara naf ma neqqim neṣfa.

3. Xḍu i lɛalaqat n wusu yellan d lɛaṛ

Yusef yexdem lmeǧhud d ameqran akken ad yeqqim yeṣfa zdat n yiwet n tmeṭṭut i gebɣan aţ-ţexdem yid-es lɛaṛ. Ɣret-ed Laṣel n ddunit 39:1-12, mbeɛd hedṛet ɣef yesteqsiyen-agi:

Ayɣer i gerwel Yusef? (walit afir 9).
Ɛlaḥsab-ik, d leqrar yelhan i geṭṭef Yusef? Acuɣer?

Amek i zemren yelmeẓyen ad ɛanden Yusef w’ad xḍun i lɛalaqat n wusu yellan d lɛaṛ? Walit BIDYU-YAGI.

BIDYU: Xḍu i lɛalaqat n wusu yellan d lɛaṛ (5:06)

Yahwa yeṭṭalab i iqeddacen-is meṛṛa ad qqimen ṣfan. Ɣret-ed 1 Ikurintiyen 6:18, mbeɛd hedṛet ɣef yesteqsiyen-agi:

D acu i gzemren ad yawi albeɛḍ ad yexdem lɛaṛ?
Amek i tzemreḍ aţ-ţexḍuḍ i lɛalaqat n wusu yellan d lɛaṛ?

4. Tzemreḍ aţ-ţḥekmeḍ deg yiman-ik

Neḥwaǧ lmeǧhud bac a neḥkem deg yiman-nneɣ iwakken ur nxeddem ara lɛaṛ. Acuɣer i gewɛeṛ mliḥ a neţţaṭṭaf deg yiman-nneɣ? Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Leqraya n Wedlis Iqedsen a k-tɛiwen akken aţ-ţḥekmeḍ deg yiman-ik (3:02)

D acu i gexdem gma-tneɣ asmi i d-yerra s lexbaṛ belli tikli-ines tezmer a t-tawi ad yexdeɛ tameṭṭut-is?

Ula d win yesɛan tadukli iǧehden akk-d Ṛebbi ilaq-as tikwal ad yexdem lmeǧhud bac ad yexḍu i ixemmimen ur neṣfi ara. D acu ara nexdem akken ur neţţaǧǧa ara ixemmimen icudden ɣer lɛaṛ a d-kecmen s aqerru-nneɣ? Ɣret-ed Ifilibiyen 4:8, mbeɛd hedṛet ɣef yesteqsiyen-agi:

Acu-tent leḥwayeǧ iɣef i glaq a neţxemmim?
Acuɣer i nezmer a d-nini belli, ma neqqar Adlis Iqedsen yerna nezga necɣel di leqdic-nneɣ i Yahwa, a nessiweḍ a neḥkem deg yiman-nneɣ?

5. Yahwa yefka-d leqwanen i nnfeɛ-nneɣ

Yahwa yeẓra d acu i ɣ-inefɛen. Yessefham-ed d acu i glaq a nexdem akken a neqqim neṣfa, yessefham-ed daɣen lfayda ara naf. Ɣret-ed Lemtul 7:7-27 neɣ walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Ilaq a nesɛu leɛqel (9:31)

Ayɣer i d-yufa iman-is ilemẓi-yagi di liḥala i s-d-yewwin lemḍerra? (walit Lemtul 7:8, 9).
Ɛlaḥsab n Lemtul 7:23, 26, lɛaṛ yezmer a d-yeglu s txessaṛin. Acu-ten iɣeblan iseg ara nemneɛ ma neṣfa di tikli-nneɣ?
Amek i tcudd ṣṣfawa di tikli-nneɣ ɣer usirem-nneɣ a nɛic i dayem?

Kra qqaren belli ayen yesselmad Wedlis Iqedsen ɣef lɛalaqat n wusu ger wergaz d wergaz neɣ ger tmeṭṭut ţ-ţmeṭṭut d lbaṭel yerna ur d-teţban ara deg uselmed-agi leḥmala n Ṛebbi. Acu kan, Yahwa d Ṛebbi n leḥmala, yebɣa ad ɛicen yemdanen meṛṛa i dayem. Meɛna akken ad ɛicen i dayem, ilaq ad ttabaɛen lumuṛ-is. Ɣef lemtel, 1 Ikurintiyen 6:9-11 yenna-d: “[Wid ixeddmen lɛaṛ], wid yeţɛebbiden lmeṣnuɛat, wid izennun, icehwaniyen, irgazen i gxeddmen lɛaṛ gar-asen, imakwaren, iṭemmaɛen, isekṛaniyen, wid ireggmen, imeḥwaṣen, yiwen deg-sen ur iweṛṛet tagelda n Yillu. Akka i llan kra seg-wen; lameɛna turadem, teţwaɛezlem-d d imqeddsen.” Hedṛet ɣef westeqsi-yagi:

Eɛni d lɛalaqat kan n wusu ger wergaz d wergaz neɣ ger tmeṭṭut ţ-ţmeṭṭut ur iqebbel ara Ṛebbi?

Bac a neɛǧeb i Ṛebbi, ilaq-aɣ akken ma nella a nbeddel kra n leḥwayeǧ di tudert-nneɣ. Meɛna iwulem a nexdem lmeǧhud-agi? Ɣret-ed Ahellil 19:9, 12, mbeɛd hedṛet ɣef yesteqsiyen-agi:

Ɛlaḥsab-ik, yewɛeṛ fell-aneɣ a netbeɛ lumuṛ n Yahwa yeɛnan ṣṣfawa di tikli? Ayɣer i d-tǧawbeḍ akka?

Akken i gɛawen Yahwa wiyaḍ, i gezmer a k-iɛiwen ula d kečč aţ-ţbeddleḍ.

KRA QQAREN: “Ma yella sin myeḥmalen, ulac fell-as ma ṭṭṣen lwaḥid.”

D acu ara d-tǧawbeḍ?

AYEN I D-NELMED

Lɛalaqat n wusu ţ-ţukci sɣur Yahwa i wergaz akk-d tmeṭṭut i gzewǧen lwaḥid.

A d-nesmekti

Ɛlaḥsab n Wedlis Iqedsen, d acu i d lɛalaqat n wusu yellan d lɛaṛ?
Acu ara ɣ-iɛiwnen akken a nexḍu i lɛalaqat n wusu yellan d lɛaṛ?
Acu n lfayda ara naf ma nettabaɛ lumuṛ n Yahwa?

Fukkeɣ timeɣri-yagi ass n:

Lmeqsud-iw

Ad ḥefḍeɣ yiwen neɣ sin yefyar yellan di tmeɣri-yagi, ara y-iɛiwnen ur xeddmeɣ ara lɛaṛ.

Lmeqsud nniḍen:

Lmeqsud nniḍen

TZEMREḌ AŢ-ŢWALIḌ DAƔEN

Acuɣer i gebɣa Ṛebbi i wergaz ţ-ţmeṭṭut yeţɛicin lwaḥid ad ilin zewǧen?

“D acu i d-yeqqar Wedlis Iqedsen ɣef wergaz ţ-ţmeṭṭut yeţɛicin lwaḥid bla ma zewǧen?” (di jw.org)

Ayen i d-yeqqar Wedlis Iqedsen ɣef lɛalaqat n wusu ger wergaz d wergaz, neɣ ger tmeṭṭut ţ-ţmeṭṭut, ur ɣ-yeţdemmir ara a ten-nekṛeh. Acuɣer?

“Lɛalaqat n wusu ger wergaz d wergaz, neɣ ger tmeṭṭut ţ-ţmeṭṭut d ayen n diri?” (di jw.org)

Leqwanen n Ṛebbi yeɛnan lɛalaqat n wusu ţḥaraben fell-aneɣ. Acuɣer?

“Dɣa d ṣṣeḥ lɛaṛ s uqemmuc yeţţuneḥsab d lɛalaqat n wusu?” (di jw.org)

Ayen i gɛawnen yiwen wergaz yegganen d yergazen ad ibeddel tudert-is (wali taḥkayt Ils ont respecté ma dignité [Qudren lḥeṛma-w]).

La Bible transforme des vies (La Tour de Garde, 1^er avril 2011)

a Iɛebṛaniyen 13:4, Ṭrejma n ddunit tajdiṭ, s tṛumit: “Akken ma tellam ɛuzzet zzwaǧ, ur ssemsaxet ara usu n zzwaǧ, axaṭer Ṛebbi ad iḥaseb wid ixeddmen lɛaṛ akk-d wid izennun.”

b Ɣer leqbayel, nezmer a nsetḥi neɣ a nenneḥcam a d-nehdeṛ ɣef temsalt-agi. Meɛna, ilaq a ţ-id-nessefhem s ţfaṣil iwakken a nissin lumuṛ n Yahwa. Ger lɛalaqat-agi ur iqebbel ara Yahwa, yella lɛaṛ s uqemmuc, lɛalaqat n wusu si deffir akk-d weslufuy n tuzzuft n walbeɛḍ nniḍen.