TIMEƔRI TIS 53

Zzhu i geţţeɛǧaben i Yahwa

SEL S

Yahwa d ‘Ṛebbi aseɛdi’ (1 Timutawus 1:11). Yebɣa a nefṛeḥ ula d nekni w’a naf lfayda di tudert-nneɣ. Ifeṛṛeḥ m’ara ɣ-d-yeţwali nesteɛfay yerna nţekkes lxiq. Di tmeɣri-yagi, a nwali amek i nezmer a nessexdam tiswiɛin-agi n westeɛfu iwakken a ɣ-nefɛent yerna ad ɛeǧbent i Yahwa.

1. D acu i glaq a nerr di lbal-nneɣ m’ara neţţextiṛi amek i nzehhu?

D acu i tḥemmleḍ aţ-ţxedmeḍ bac aţ-ţekkseḍ lxiq? Kra ḥemmlen ad qqimen deg wexxam bac ad ɣren taktabt, neɣ ad ḥessen i lmusiqa, neɣ ad feṛṛǧen lfilm neɣ ad ṛuḥen ɣer Internet. Wiyaḍ ḥemmlen ad xedmen leḥwayeǧ nniḍen di beṛṛa d leḥbab-nsen: ḥemmlen ad lḥun, ad ɛummen neɣ ad leɛben ɣef lemtel ddabex. Akken yebɣu yili wayen i nḥemmel, ilaq a neţnadi amek ara ‘yeţţeɛǧab i Ssid’ (Ifasusiyen 5:10). Ilaq a neţḥadar axaṭer aṭas n leḥwayeǧ swayes i ḥemmlen ad zhun medden ţdemmirent ɣer wayen i gekṛeh Yahwa. Ɣef lemtel, ţdemmirent ɣer leqher, ɣer lɛaṛ neɣ ɣer ssḥur (ɣer-ed Ahellil 11:5). D acu ara ɣ-iɛiwnen akken a neţţextiṛi akken ilaq amek i nzehhu?

Ma yella leḥbab-nneɣ ḥemmlen Yahwa, a ten-nɛaned deg wayen yelhan yerna a ɣ-ɛiwnen bac a neţţextiṛi akken ilaq amek i nzehhu. Am wakken i t-nwala di tmeɣri tis 48, “win iţeddun d wid ifehmen ad yuɣal d lfahem”. Lameɛna, win i gesɛeddayen lweqt d lɛibad ur nḥemmel ara leqwanen n Ṛebbi, ad “iḍurr iman-is” (Lemtul 13:20).

2. Acuɣer i glaq a neţḥadar ɣef lweqt i nesɛedday di zzhu?

Yelha a neţţextiṛi ayen swayes i nzehhu, meɛna ilaq daɣen a neţḥadar iwakken ur ɣ-yeţţawi ara aṭas n lweqt. Neɣ m’ulac ur ɣ-d-yeţɣimi ara lweqt i lecɣal nniḍen yesɛan lqima akteṛ. Adlis Iqedsen yeţweṣṣi-yaɣ ‘a nfareṣ lweqt’, yeɛni a nessexdam lweqt-nneɣ akken ilaq (ɣer-ed Ifasusiyen 5:15, 16).

A NNADI A NEFHEM AKTEṚ

A nwali amek ara neţţextiṛi akken ilaq ayen swayes i nzehhu.

3. A nexḍu i yir zzhu

Ayɣer i d-yewwi a neţţextiṛi akken ilaq amek i nzehhu? Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Amek ara neţţextiṛi akken ilaq ayen swayes i nzehhu? (4:39)

Imenɣiyen swayes i zehhun di zzman n Ṛṛuman ţcabin ɣer wamek i zehhun kra n medden ass-agi. Deg wacu i ţţemcabin?
D acu i d-yelmed ilemẓi-yagi ɣef zzhu?

Ɣret-ed Iṛumaniyen 12:9, mbeɛd hedṛet ɣef westeqsi-yagi:

Amek ara ɣ-iɛiwen wafir-agi bac a neţţextiṛi akken ilaq amek i nzehhu?

D acu i gekṛeh Yahwa? Ɣret-ed Lemtul 6:16, 17 akk-d Igalatiyen 5:19-21 a (Ṭrejma n ddunit tajdiṭ, s tṛumit). Mkul m’ara d-teɣrem yiwen seg yefyar-agi, hedṛet ɣef westeqsi-yagi:

Anti leḥwayeǧ i d-yeţwabedren deg yefyar-agi is i ḥemmlen ad zhun lɛibad ass-agi?

Uqbel aţ-ţextiṛeḍ ayen swayes ara tezhuḍ...

steqsi iman-ik:

D acu? Yella deg-s wayen i gekṛeh Yahwa?
Melmi? Yeţţawi-yi lweqt alamma ur ssawaḍeɣ ara ad xedmeɣ leḥwayeǧ yesɛan lqima akteṛ?
Menhu? Yeţţawi-yi ad ţɛacaṛeɣ s lqerb neɣ daymen lɛibad ur nḥemmel ara Yahwa?

Iwakken ur ɣ-yeţţaɣ wara, ilaq a nessebɛad mliḥ iman-nneɣ ɣef wayen i gzemren a ɣ-iḍurr. Ilaq ihi a nessebɛad iman-nneɣ ɣef zzhu i ɣ-d-ibanen diri-t.

4. A nessexdam akken ilaq lweqt-nneɣ

Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: D kečč i gḥekmen di lweqt-ik? (2:45)

Gma-tneɣ-agi ur yeţmuqul ara leḥwayeǧ n diri, meɛna amek i d-ibeggen belli ur yessexdam ara akken ilaq lweqt-is?

Ifilibiyen 1:10 (Awal n tudert, 2001) yeqqar-ed: “S wakka aţ-ţissinem amek ara textiṛem ayen ifazen, iwakken aţ-ţilim teṣfam.” Hedṛet ɣef westeqsi-yagi:

Amek i gezmer a ɣ-iɛiwen wafir-agi akken a nẓer acḥal n lweqt ara nesɛedday di zzhu?

5. A neţţextiṛi zzhu yeṣfan

D ṣṣeḥ, llan kra n leṣnaf n zzhu ur neţţeɛǧab ara i Yahwa. Meɛna, aṭas nniḍen i s-yeţţeɛǧaben. Ɣret-ed Amusnaw 8:15 akk-d Ifilibiyen 4:8, mbeɛd hedṛet ɣef westeqsi-yagi:

Acu n zzhu yeṣfan i tḥemmleḍ?

Llant waṭas n leḥwayeǧ yeṣfan swayes i nezmer a nezhu.

KRA QQAREN: “Ulac fell-as ma nzehhu s leḥwayeǧ ideg yella leqher, lɛaṛ neɣ ssḥur. Awi-d kan ur nxeddem ara leḥwayeǧ-agi.”

D acu i teţxemmimeḍ?

AYEN I D-NELMED

Yahwa yebɣa a neţţextiṛi zzhu yelhan, ara ɣ-inefɛen.

A d-nesmekti

Acu n zzhu umi i glaq ad yexḍu umasiḥi?
Acuɣer i glaq a neţḥadar ɣef lweqt i nesɛedday di zzhu?
Acuɣer i glaq aţ-ţeţţextiṛiḍ zzhu i gɛeǧben i Yahwa?

Fukkeɣ timeɣri-yagi ass n:

Lmeqsud-iw

Ad ssexdmeɣ tasenduqt yeţţusemman “ Uqbel aţ-ţextiṛeḍ ayen swayes ara tezhuḍ...” bac ad ẓreɣ ma iɛǧeb-as i Yahwa wamek i zehhuɣ.

Lmeqsud nniḍen:

Lmeqsud nniḍen

TZEMREḌ AŢ-ŢWALIḌ DAƔEN

Anwa i d-yewwin ad yextiṛ ayen swayes i nzehhu?

“Llan kra n isura, n yedlisen neɣ n ccnawi i geţţuḥeṛṛmen i Inagan n Yahwa?” (di jw.org)

Kra n ixemmimen ara k-iɛiwnen bac aţ-ţextiṛeḍ akken ilaq amek ara tzehhuḍ.

Comment se détendre sainement ? (La Tour de Garde, 15 octobre 2011)

Taqsiṭ n yiwen wergaz i gbeddlen amek i gzehhu (wali taḥkayt J’ai même surmonté mes préjugés [Ssawḍeɣ qubleɣ ula d yir ixemmimen i sɛiɣ ɣef wiyaḍ]).

La Bible transforme des vies (La Tour de Garde, 1^er février 2010)

Amek i textaṛ yiwet n tyemmaţ ur teţfeṛṛiǧ ara yiwen n lfilm icudden ɣer ssḥur?

Ilaq a nexḍu i zzhu ideg i neţţaf ssḥur (2:02)

a Igalatiyen 5:19-21, Ṭrejma n ddunit tajdiṭ, s tṛumit: “Lefɛayel n tnefsit ţbanen ɛinani: lexdayem n lɛaṛ, nnǧasa [...], aɛbad n lmeṣnuɛat, ssḥur, lkeṛh, ccwal, tismin, zzɛaf, lemxaṣma, beṭṭu, ṭṭayfat, ṭṭmeɛ, ssekṛan, lḥeflat ifesden, d wayen yecban ayagi.”