AḤRIC 27
I wacu i teṣleḥ temkarḍit n Tzeqqa n Tgelda?
Isṛayil
Tigduda tačikit
Binin
Tigzirin n Kayman
Tebɣiḍ aţ-ţnadiḍ iwakken aţ-ţissineḍ akteṛ Adlis Iqedsen? Ahat aţ-ţebɣuḍ aţ-ţfehmeḍ akteṛ ɣef yiwen n wafir, ɣef wemḍiq, ɣef lḥaǧa, neɣ ɣef walbeɛḍ n yemdanen i d-yebder Wedlis Iqedsen. Yella wasmi i testeqsaḍ iman-ik ma yezmer a k-iɛiwen Wawal n Ṛebbi aţ-ţefruḍ albeɛḍ n iɣeblan i d-temmugreḍ? Ihi, ssexdem tamkarḍit (amkan ideg i ssexzanen tiktabin) i gellan di Tzeqqa n Tgelda.
Llan deg-s dduzan n lɛali i unadi. Ahat ur tesɛiḍ ara tizmamin meṛṛa ireṣṣan ɣef Wedlis Iqedsen i d-ssufɣen Inagan n Yahwa di lluɣa-inek. Lameɛna, di temkarḍit yellan di Tzeqqa n Tgelda, neţţaf amur ameqran si tezmamin-nneɣ tineggura. Llant ahat ula d kra n ṭrejmat n Wedlis Iqedsen, amawal n lɛali akk-d tektabin nniḍen yesɛan lqima. Uqbel ad yebdu unejmuɛ neɣ m’ara ifakk, tzemreḍ a d-teddmeḍ seg-s ayen i teḥwaǧeḍ. Ma yella dinna luṛdinatur, tzemreḍ aţ-ţessexdmeḍ aseɣẓan iwumi i neqqar Watchtower Library. Aseɣẓan-agi ţ-ţamkarḍit taliktṛunant anda i llant waṭas n tezmamin-nneɣ; yerna yesɛa ţţawil n unadi isehlen i usexdem. Ɣef lemtel, nezmer a nnadi ɣef yiwet n temsalt, ɣef yiwen umeslay neɣ ɣef yiwen wafir.
Teṣleḥ i inelmaden n unejmuɛ n Temɛict tamasiḥit d leqdic. Tamkarḍit n Tzeqqa n Tgelda a k-teṣleḥ ahat akken a d-theggiḍ ayen i k-d-yeţţunefken a t-id-txedmeḍ deg unejmuɛ-agi. D amḍebber n unejmuɛ n Temɛict tamasiḥit d leqdic i gesteklfen s temkarḍit-agi. Yeţţarra lbal-is akken ad iẓer ma yeqɛed kulci yerna yessefqad ma llant deg-s tezmamin tineggura. Neţţa neɣ win i k-yesselmaden Adlis Iqedsen zemren a k-d-werrin amek ara d-tafeḍ deg-s ayen i teḥwaǧeḍ. Acu kan, ur ilaq ara ad ffɣent tektabin yellan di temkarḍit beṛṛa n Tzeqqa n Tgelda. Uyerna, neţḥadar iwakken ur nesseɣraṣ ara tiktabin-agi; ur d-yewwi ara daɣen a nketteb zdaxel-nsent.
Adlis Iqedsen yessefham-ed belli, bac ‘a naf tamusni n Ṛebbi’, ilaq a nnadi fell-as “am ugerruj.” (Lemtul 2:1-5) Tezmer a k-tɛiwen temkarḍit n Tzeqqa n Tgelda akken aţ-ţnadiḍ ɣef tmusni-yagi.
-
D acu i neţţaf di temkarḍit yellan di Tzeqqa n Tgelda?
-
Menhu i gzemren a k-iɛiwen bac aţ-ţnadiḍ akken ilaq di temkarḍit-agi?
