Ilaq a neţţaṭṭaf ala di Yahwa. Yeɛqub yella yessen ayagi, ɣas akken di lweqt-nni, mazal ur d-yefki ara Yahwa lqanun i gḥeṛṛmen leɛbada n lmeṣnuɛat. (Tfɣ 20:3-5) Ihi asmi i s-yeḍleb Yahwa ad yuɣal ɣer Bit-Il, Yeɛqub yumeṛ i wid meṛṛa yeddan yid-es ad kksen iṛebbiten-nsen. Umbeɛd iḍegger lmeṣnuɛat-nni, yerna iḍegger ula ţ-ţixelxalin n imeẓẓuɣen (timengucin) i teqqnen ahat iwakken ad ḥarbent fell-asen. (Lnd 35:1-4) Mebla ccekk iɛǧeb-as i Yahwa wayen i gexdem.

Amek i nezmer ass-a a s-d-nbeggen i Yahwa belli ala deg-s i neţţaṭṭaf? Ilaq a nexḍu i wayen akk icudden ɣer leɛbada n lmeṣnuɛat akk-d ssḥur. Ayagi lmeɛna-s, ilaq a nḍegger ayen akk yellan ɣur-neɣ, i gcudden ɣer ssḥur d iḥeckulen w’a nessenqed mliḥ ayen swayes i nzehhu. Ɣef lemtel, steqsi iman-ik: “Ḥemmleɣ ad zhuɣ s tektabin neɣ lfilmat i d-iheddṛen ɣef leǧnun d iṛuḥaniyen, ɣef wat laxeṛt d wayen akk yecban ayagi yessexlaɛen? Ayen swayes i zehhuɣ yesskanay-ed belli iseḥḥaren, iḥeckulen, leḥruz d wayen i ten-yecban amzun d zzhu ur neţḍurru ara?” Ilaq a nexḍu i wayen akk i gekṛeh Yahwa​—Ahl 97:10.

FEṚṚEǦ BIDYU YEŢŢUSEMMAN “OPPOSEZ-VOUS AU DIABLE”, MBEƐD ǦAWEB-ED ƔEF YESTEQSIYEN-AGI:

• D acu-t wugur i d-temlal di tudert-is yiwet n tmeṭṭut ilemmden Adlis Iqedsen, isem-is Palesa?

• Acuɣer i glaq a nnadi lemɛawna n lecyux n tejmaɛt iwakken a nqabel tamsalt-agi n ssḥur?

• Ma nebɣa ad iḥareb Yahwa fell-aneɣ, d acu-tent leḥwayeǧ i glaq a nḍegger?

• D acu i texdem Palesa?

• Ini-d amek i tzemreḍ aţ-ţḥarbeḍ ɣef yiman-ik si leǧnun deg wemḍiq anda i teţɛiciḍ.