Yesu gaw “Jahpu n ya ai sha nanhte lu la mu ai rai nna, jahpu n hpyi ai she jaw ya mu” nga nna sharin ya ai. (Mah. 10:8) Chyum Laika, Chyum Laika hte seng ai laili laika ni hpe manu jahpu n mai la ai lam, dan leng ai matsun ga hpe anhte hkan sa ra ai. (2 Kor. 2:​17) Raitim, ndai laika ni hta manu dan ai Karai Kasang a Mungga ni lawm ai. Mungkan ting hta nga ai nawku hpung ni de laili laika ni hpe dip shapru nna sa ai gaw jarik grai htum nna grai amu law ai. Dai majaw, anhte ra ang ai daram sha la ging ai.

Kaga masha ni hpe laili laika ni garan ai, shawa hpawng man sakse hkam ai ni hta atsawm maram yu nna garan ra ai. (Mah. 7:6) Lai wa lai sa ni hpe laika ni aloi sha garan jaw na malai, shanhte ni myit lawm n lawm chye na matu ga shaga yu u. Lawk hta san da ai ga san ni kaw na n law htum langai hpe “re” nga nna nang htai lu na kun? Marai langai ngai myit lawm, n lawm nang n chye dawdan yang, garan laika daram sha jaw da ai gaw kaja htum re. Raitim, magazine (sh) kaga laili laika ni hpe san wa yang gaw, anhte kabu gara hte jaw na re ai.​​—⁠Ga Sha. 3:​27, 28.