Anhte asak hkrung nga ai mungkan gaw, kaja ai hpe n kaja ai, n kaja ai hpe kaja ai ngu myit la hkra galaw nga ai. (Esa 5:20) Masha nkau gaw Yehowa nju ndawng ai num shada la shada nga sha ai ni hpe galaw nga ai. Anhte a manu dan ai ramma ni gaw, jawng hta (sh) kaga shara ni hta mungkan masha ni zawn hkan galaw na matu gunglau hkrum nga ai. Dai zawn masa lam ni hte hkrum wa ai shaloi tawt lai lu hkra, ma ni hpe gara hku hkyen lajang ya na kun?

Ma ni hpe Yehowa a tsang madang ni chye hkra karum ya u. (Jaw 18:3) Ma ni a asak hta hkan nna, num la shada nga sha ai lam hte seng nna, Chyum Laika hta tsun da ai lam ni hpe sharin ya u. (Trj 6:7) Tinang hkum tinang ndai hku san u: ‘Tsawra myit madun chye na matu, htap htuk ai hku bu hpun ai gaw ahkyak ai hte kaga ni a shimlum lam hpe hkungga ra ai lam ma ni hpe ngai sharin ya ai kun? Marai langai ngai gaw masat shabat sumla ni madun wa ai shaloi (sh) Yehowa n ra sharawng ai hpe galaw na matu tsun wa ai shaloi, hpa galaw ra na lam ma ni hpe ngai sharin ya ai kun?’ Dai zawn sharin ya ai gaw, hkra machyi shangun ai lam ni hpe koi lu hkra karum ya ai. (Gsh 27:12; Hpj 7:12) Ma ni hpe dai zawn sharin ya ai hku nna, Yehowa kaw na lu ai manu dan sali wunli hpe tsawra ai lam madun u.​—Shk 127:3.

HKAM JAN LU NA MATU DINGHKU HPE GAW GAP U​—MA NI HPE ‘N KAJA AI LAM’ KAW NNA MAKAWP MAGA YA U VIDEO HPE YU NNA, LAWU NA GA SAN NI HPE HTAI U:

• Nkau gaw ma ni hpe ngang hte seng nna sharin ya na matu hpa majaw htingnut ai kun?

• Ma ni hpe Yehowa a “sharin achyin ai hte daru sharin ai lam” hte maren hpa majaw shaman shakyang ra ai kun?​—Ehp 6:4

• Uhpung gaw ngang hte seng nna ma ni hpe sharin ya na matu, kanu kawa ni hpe hpa ni madi shadaw ya ai kun?​—w19.05 12, lawk

• Manghkang ni hte n hkrum shi yang, hpa majaw ma ni hte ayan matut mahkai ging ai kun?