Samuela gaw prat ting Yehowa hpe sadi dung wa ai. Eli a kasha Hopni yan Hpineha zawn akyang n hten wa ai. (1Sa 2:22-26) Samuela kaba wa ai shaloi, Yehowa gaw shi hte rau nga ai. (1Sa 3:19) Asak grai kaba ai aten hta mung shi a kasha ni hte n bung ai sha Yehowa hpe sadi dung let matut nawku wa ai.​—1Sa 8:1-5.

Samuela a kasi ningli gaw anhte hpe hpa sharin ya ai kun? Nang gaw asak kaji ai wa rai yang, nang hkrum nga ai mayak mahkak ni hte hkamsha lam ni hpe Yehowa chye na ya ai hpe kam u. Nden marai nga hkra nang hpe karum ya na re. (Esa 41:10, 13) Nang gaw kanu kawa rai yang, na a ma ni Yehowa hpe n nawku mat ai shaloi, Samuela gaw shi a asak ram sai shadang sha ni hpe, Yehowa a tsang madang ni hte maren nga na matu atik anang n shadut wa ai lam chye da na nga yang, myit simsa lam lu na re. Samuela gaw manghkang ni hpe Yehowa a lata kaw ap kau ai shaloi, Yehowa a sharawng awng ai lam lu nna, matut sadi dung lu wa ai. Na a kaja ai kasi ningli gaw ma ni hpe Yehowa hpang de bai wa lu na matu shadut ya na re.

SHANHTE KAW NA SHARIN LA U​—SAMUELA VIDEO HPE YU NNA LAWU NA GA SAN NI HPE HTAI U:

• Asak kaji ai Samuela gaw nden marai hpe gara hku madun wa ai kun?

• Danni gaw nden marai gara hku madun wa ai kun?

• Asak kaba ai wa hku nna Samuela gaw kaja ai kasi ningli gara hku madun wa ai kun?

• Danni a kanu yan kawa gaw kasi kaja gara hku madun wa ai kun?