Yehowa myit pyaw na matu, Yehowa a magam grau jat galaw lu na matu, wenyi bandung ni grau jahkrat mai ai. Dai bandung ni gaw, kunghpan ai Hkristan byin shangun ai. Dai bandung ni a matu anhte a aten hte n-gun atsam sak jaw ai gaw ging dan ai. (1Tm 4:15) Anhte a bandung ni hpe hpa majaw ayan jep yu ging ai kun? Masa ni galai shai chye ai majaw re. Moi de jahkrat wa ai bandung ni gaw, ya aten hta tatut n rai mat ai (sh) du dep ngut ai majaw kaga bandung nnan bai jahkrat ra chye ai.

Magam shaning nnan n hpang shi yang, bandung ni jahkrat ai gaw kaja htum re. Dai majaw, dinghku nawku hta bandung ni a lam bawngban nna, langai hpra a matu, dinghku nawng a matu, bandung jahkrat mai na kun?

Lawu na lam ni kaw na, nang laksan jahkrat mayu ai bandung gaw hpa rai kun? Dai bandung de du na matu hpa ni galaw mai ai kun?