Karai a Mungdan magam hta nauna ni gaw karum madi shadaw nga ai. (Shk 68:11) Shanhte gaw chyum ga sharin law law galaw nna, aten galu ningshawng magam hta, law law shang lawm nga ai. Hkying hku law ai nauna ni gaw, Behtela magam, sasana magam, gawgap bungli hta magam gun ai (sh) shawang lit gun ai hte ga gale ai bungli ni hta magam gun nga ai. Kunghpan ai nauna ni gaw, shanhte a nta masha ni hte nawku hpung ni hpe shangang shakang ya ai. (Gsh 14:1) Raitim, nauna ni gaw myitsu salang (sh) magam tau hku nna magam n gun lu tim, nawku hpung hta shanhte du dep lu na bandung ni nga ai. Nang gaw nauna rai yang, gara lam ni hta rawt jat hkra galaw mai na kun?

• Hkristan atsam ningja ni hpe shalat u.​—1Tm 3:11; 1Pe 3:3-6

• Nawku hpung hta nga ai mahkrum madup nau n nga ai nauna ni hpe karum ya u.​—Tit 2:3-5

• Hkaw tsun bungli hta grau shang lawm nna, tang du hkra galaw na matu shakut u

• Kaga amyu ga hpe sharin la u

• Grau ra ai shara de htawt nna magam gun u

• Behtela hta magam gun na matu (sh) gawgap bungli ni hta shang lawm na matu shawk shawn u

• Kabu Gara Shiga Hkaw Tsun Ai Ni A Matu Jawng hpe lung na matu shawk shawn u

“‘MADU HTA E GRAI WA SHAKUT SHARANG AI’ NUM NI” NGU AI VIDEO HPE YU NNA NDAI GA SAN NI HPE HTAI U:

• Nauna ni tsun mat ai lam gaw, nang hpe gara hku n-gun jaw ai kun?