HKAW TSUN BUNGLI HTA JAILANG U | HKAW TSUN BUNGLI HTA KABU GARA HKRA GALAW U
Tinang Nan Hkaja Chye Hkra Chyum Ga Sharin Ni Hpe Sharin Ya U
Yehowa hpe atsawm chye na matu hte kunghpan ai Hkristan byin wa na matu, chyum ga sharin ni gaw teng man ai lam hpe anhte sharin ya ai daram hte sha n-ga, shanhte hkrai grau hkaja la ra ai. (Mat 5:3; Heb 5:12–6:2) Shanhte hkrai wenyi shat sha chye hkra, sharin la ging ai.
Shawng nnan kaw nna, chyum ga sharin ni hpe hkaja ai lamang a matu, tau hkrau shajin mai ai lam madun ya nna, dai hte maren hkan galaw na matu n-gun jaw u. (mwb18.03 6) Tinang hkrai hkaja ai lam n hpang shi yang, akyu shawng hpyi na matu n-gun jaw u. Dijite hkaja hkingrai ni hte hkaja chye hkra karum ya u. jw.org hte JW TV Lamang kaw na, nnan mara da ai ni hpe gara hku tam mai ai lam sanglang dan u. Chyum Laika shani shagu hti na matu, nawku zuphpawng ni a matu shajin na matu hte ga san ni a mahtai ni hpe tam sawk sagawn na matu, angwi ngwi sharin ya u. Shanhte hkaja nga ai lam ni hpe, sawn sumru chye na matu karum ya u.
CHYUM GA SHARIN NI HPE KARUM YA U—TINANG NAN HKAJA CHYE HKRA, VIDEO HPE YU NNA LAWU NA GA SAN NI HPE HTAI U:
-
Chyum Laika sharin ai gaw mahtai hpe chye hkra galaw ai daram sha n re ai hpe, Jik chye na hkra Nita gara hku karum ya wa ai kun?
-
Ngang akyang hten ai lam hte seng nna Yehowa hkum pat da ai hpe Jik kam wa hkra hpa gaw karum ya ai kun?
-
Hkaja ai lam hte chye na ai lam hpe tatut hkan sa ai gaw, ahkyak ai lam chyum ga sharin ni hpe sharin ya u
Sawn sumru ai hte seng nna, hpa hpe Jik chye na wa ai kun?
