Tinang hkum tinang san jep na matu karum ya u. Tinang a hkam sha lam hpe san jep lu na matu, madat nga ai ni hpe ga san ni san u.

Shadut ya u. Kaja ai amu hpe hpa majaw galaw ai lam, madat nga ai ni san jep yu na matu n-gun jaw u. Yehowa, masha shada da hte Chyum Laika tara ni hpe, myit madung hte tsawra ra ai lam sharin ya u. Chyum Laika a nyan hpaji hpe chye na wa hkra karum ya u. Daru sharin ai zawn hkum galaw. Shanhte hpe kaya jahkrum ai ngu hkam sha hkra hkum galaw. De a malai, nang hkaw tsun ngut ai hpang n-gun lu la nna, kaja htum shakut na ngu hkam sha hkra karum ya u.

Yehowa hpang de matsun ya u. Karai Kasang a tsawra myit hte shi a atsam ningja ni gaw, Chyum Laika sharin ya ai lam ni, lam matsun ni, npawt tara ni hte gara hku matut mahkai nga ai lam tsun dan u. Yehowa a hkam sha lam hpe myit yu nna, shi ra sharawng ai lam lu mayu hkra, madat nga ai ni hpe karum ya u.