Twĩ Matukũ 24, Mwei wa 5, 2022, mũisyo mũthũku mũno nĩwakwatie taoni nini ya Uvalde, ĩla yĩ Texas, Amelika. Kwosana na ĩkaseti ya The New York Times, “mũndũũme ũmwe waĩ na ĩvuti nĩwooaie syana 19, na alimũ elĩ . . . sukulunĩ ya mũsingi ya Robb.”

 Ũndũ wa kũmakya nĩ kana maũndũ ta asu mathũkĩte ũu nĩmekĩkaa mavinda maingĩ. Ĩkaseti ya USA Today nĩyawetie kana nthĩ ya Amelika yoka, “mwaka mũthelu sukulu nĩsyavithũkĩiwe mavinda 249. Ũtalo ũsu wa kũathangwa na isasi wĩ ĩũlũ kwĩ ũngĩ o na wĩva kuma mwaka wa 1970.”

 Nĩkĩ syĩko ta isu ĩthũkĩte ũu syĩkĩkaa? Tũtonya ata kũmĩanĩsya na maũndũ ta asu? Ve wĩkwatyo wa kana ũngʼendu ta ũsu ũkathela? Mbivilia nĩnenganĩte mosũngĩo.

•    Mbivilia yaĩtye kana tũtwĩe “mĩthenyanĩ ya mũminũkĩlyo” yĩla andũ aingĩ maĩ methĩwe “mate na wendo” na me “ai,” na mayĩka syĩko nthũku mũno na sya ũngʼendu. Andũ asu maĩ ‘maendeee kũthũkĩĩa.’ (2 Timotheo 3:1-5, 13) Nĩ kana ũkwate ũvoo mwingangĩ, soma kĩlungu kĩ na kyongo, “Je, Biblia Ilitabiri Mitazamo na Matendo ya Watu Leo?”

 Andũ aingĩ mekũlasya, ‘Nĩkĩ Ngai ũtasiĩĩaa mĩisyo mĩthũku ĩyĩkĩka ta sukulu kũvithũkĩwa na kũathangwa na isasi?’ Nĩ kana wone kĩla Mbivilia yaĩtye, soma kĩlungu kĩ na kyongo, “Kwa Nini Watu Wazuri Hupatwa na Mambo Mabaya?”

•    “Maũndũ onthe ala maandĩkiwe tene maandĩkiwe kwondũ wa kũtũmanyĩsya, nĩ kana kwĩsĩla . . . ũkiakisyo ũla wĩ Maandĩkonĩ tũtonye kwĩthĩwa na wĩkwatyo.”—Alomi 15:4.

 Myolooto ya Mbivilia no ĩũtetheesye kũmĩanĩsya na nthĩ ĩno yusĩe ũngʼendu. Sisya ĩkaseti ya Amkeni! yĩ na kyongo, “Je, Jeuri Itawahi Kwisha?” nĩ kana ũkwate ũvoo mwingangĩ.

 Nĩ kana wone nzĩa imwe asyai matonya kũtetheesya syana syoo kũmĩanĩsya na maũndũ ma kũtelemya ala syoona kana syeewʼa livotinĩ sya maũvoo, soma kĩlungu kĩ na kyongo, “Je, Taarifa za Habari Zenye Kuogopesha Zinawaathiri Watoto Wako?”

•    “Akoovosya mathayũ moo kuma thĩnanĩ na ũngʼendunĩ.”—Savuli 72:14.

•    “Makatusya mbyũ syoo itwʼĩke mĩthya ya maembe ma ngʼombe, na matumo moo tũvyũ twĩ ngoto twa ũsea; mbaĩ ndĩkokĩlĩlya mbaĩ ĩngĩ ũvyũ, o na itikemanyĩsya kaũ ĩngĩ.”—Mika 4:3.

 Ngai akeeka kĩla andũ matatonya kwĩka. Ũsumbĩ wake, ũla nĩ silikalĩ ya ĩtunĩ, ũkaananga mĩio yonthe ya kaũ na ũimina ũngʼendu vyũ. Nĩ kana wĩmanyĩsye mũnango ĩũlũ wa kĩla Ũsumbĩ wa Ngai ũkeanĩsya, soma kĩlungu kĩ na kyongo, “Wakati Huo ‘Amani Itakuwa Nyingi.”’