Yeova akwonaa wĩ wa vata mũno. (Isa 43:4) Nĩwaũkusisye kwake na akũete ũseũvyonĩ wake. Na nũndũ nĩweeyumisye na wavatiswa, yu wĩ malĩ yake. Akaũsũvĩaa ta malĩ yake ya mwanya, o na yĩla maũndũ mate laisi. Akakwonasya ũseo wake wĩ wendo kwĩsĩla ũseũvyo wake.—Sav 25:10.

No twonany’e kana nĩtũtũngaa mũvea nũndũ wa ũseo wĩ wendo wa Yeova, kwa kwĩlilikany’a maũndũ ala ũseũvyo wake wĩthĩĩtwe ũyĩka ĩvindanĩ yĩla kwaumĩla mĩisyo.

ĨLOELEI VITIO YĨ NA KYONGO LIVOTI YA KAMITII YA AVANGĨTHYA YA 2019, NA ĨNDĨ MŨISŨNGĨA MAKŨLYO AA MAATĨĨE:

• Kamitii ya Avangĩthya yũmbanĩtye ata movisi ma ũvonge ĩũlũ wa nthĩ yonthe nĩ kana methĩwe matonya kũtetheesya na mĩtũkĩ mĩisyo yaumĩla?

• Ũseũvyo wa Yeova wanenganie ata myolooto na wanengane ũtethyo ĩvinda yĩla kwaumĩlile mĩisyo nthĩ ya Indonesia na Nigeria?

• Nĩ kyaũ wonete kya kwendeesya ĩũlũ wa ũndũ ũseũvyo wa Yeova wĩthĩĩtwe ũithĩnĩkĩa ana-a-asa ĩvindanĩ yĩĩ kwĩ na ũwau wa COVID-19?