Wĩkwatyo no ta nanga. (Aevl 6:19) Nũtũtetheeasya nĩ kana ngwatanĩo yitũ na Yeova ndĩkanangĩke ĩla twakwata nĩ mathĩna tũtonya kũmaelekany’a na kĩuutani kĩnene ũkanganĩ. (1Tim 1:18, 19) Amwe ma mathĩna asu nĩ ta kũlea kwĩanĩa kwa maũndũ amwe ũtwĩe wĩkwatĩtye, kwasya malĩ, ũwau wa ĩvinda ĩasa, kũkw’ĩĩwa nĩ mũndũ wendete, kana ũndũ ũngĩ ũtonya kũtata mũĩkĩĩo waku.

Mũĩkĩĩo na wĩkwatyo nitũĩkĩĩthasya kana moathimo ala twathĩtwe makeanĩa. (2Ako 4:16-18; Aevl 11:13, 26, 27) Kwoou, ethĩwe twĩ na wĩkwatyo wa kũthi ĩtunĩ kana wa kwĩkala ĩũlũ wa nthĩ, no nginya tũlũlũmĩĩlasye mũĩkĩĩo witũ kwa kũsũanĩa kwa ũliku ĩũlũ wa mawatho ala me Ndetonĩ ya Ngai. Na tweeka ũu, tũkaendeeaa kwĩthĩwa twĩ atanu o na ĩla twĩ na mathĩna.—1Vet 1:6, 7.

ĨLOELEI VITIO TANA WĨKWATYONĨ WAKU, NA MŨISŨNGĨA MAKŨLYO AA:

• Nĩkĩ Mose nĩ ngelekany’o nzeo ya kũatĩĩa?

• Aũme ala matwaanĩte me na kĩanda kĩva?

• Nĩ maũndũ meva mũtonya kwĩka Ũthaithinĩ wa Mũsyĩ?

• Wĩkwatyo ũtonya kũũtetheesya ata ũmĩanĩsye na mathĩna ũte kũsyoka ĩtina?

• Nĩ ũndũ wĩva wĩthĩawa weteele na mea?