AMKENI! Na. 2 2018 | Maũndũ 12 Matonya Kwaĩlya Mĩsyĩ
Maũndũ 12 Matonya Kwaĩlya Mĩsyĩ
Ve maũndũ maingĩ mathũku twĩw’aa ĩũlũ wa mĩsyĩ ĩla yĩsaa kũvalaanĩka. Ĩndĩ nĩ maũndũ meva ala matumĩte mĩsyĩ ĩmwe yaĩla?
Katĩkatĩ wa mwaka wa 1990 na 2015, ũtalo wa andũ ala mathaisye mĩtwaano yoo me na myaka mbee wa 50 nthĩ ya Amelika nĩwongelekile kũndũ kwĩlĩ, naw’o wa ala maĩ na myaka mbee wa 65 wongeleka kũndũ kũtatũ.
Asyai mew’aa me asaanĩsye: Asomi amwe mawetaa kana syana syaĩle kũkathwa kĩla ĩvinda, namo angĩ mayasya kana mũsyai aĩle kwĩthĩwa e mũkalĩ nĩ kana atetheesye syana syake.
Andũ ma mũika mesaa kũtw’ĩka andũ aima matesĩ kĩla kĩtonya kũmatetheesya maĩle.
Ĩndĩ ũw’o nĩ kana . . .
Andũ no matanĩe mũtwaano mateũtaanĩsya.
Asyai no memanyĩsye ũndũ matonya kũkany’a syana syoo na wendo.
Andũ ma mũika no memanyĩsye maũndũ ala matonya kũmatetheesya matw’ĩka andũ aima.
Ũu ũtonyeka ata? Ĩkaseti yĩĩ ya Amkeni! nĩyĩneeneete maũndũ 12 matonya kwaĩlya mĩsyĩ.
1: Kwĩyumya Vyũ
Maũndũ atatũ matonya kũtetheesya ala matwaanĩte maendeee kwĩkalany’a ĩmwe.
2: Ngwatanĩo
We ũla ũtwaanĩte nake ũmwonaa ta mũndũ mwĩkaa o kwĩkalany’a?
3: Ndaĩa
Manya nĩ ndeto syĩva na meko meva matonya kũtuma ũla ũtwaanĩte nake ew’a anengetwe ndaĩa.
4: Kũekea
Nĩ kyaũ kĩtonya kũũtetheesya ndũkonae mavĩtyo ma ũla ũtwaanĩte nake me moka?
5: Kũea Ngewa
Maũndũ atatũ ma vata matonya kũũtetheesya wĩthĩwe vakuvĩ mũnango na syana syaku.
6: Ũkany’o
W’o ũkany’o no ũtume mwana ambĩĩa kwĩvũthya?
7: Mĩkalĩle Mĩseo
Nĩ myolooto yĩva waĩlĩte kũmanyĩsya syana syaku?
8: Ngelekany’o
Wenda syana syaku iatĩĩe kĩla ũũitavya, no nginya meko maku mosane na ndeto syaku.
9: Kwĩmanya
Andũ ma mũika matonya ata kũelesya maũndũ ala maĩkĩĩaa? WEB:OnSiteAdTitleMĩsyĩ yĩ na Ũtanu—Kwĩmanya
10: Ũĩkĩĩku
Kwĩthĩwa ũtonya kwĩkwatw’a nĩ asyai maku nĩ ũndũ wonanasya kana ũendeee kũtw’ĩka mũndũ mũima.
11: Kĩthito
Weemanyĩsya kũthũkũmaa na kĩthito wĩ wa mũika, ũndũ ũsu ũkatuma maũndũ onthe ala ũkatethasya maĩla.
12: Mĩvango
Kwĩanĩsya mĩvango yaku no kũtume wĩyĩĩkĩĩa, kũkalũlũmĩĩlya ũnyanya waku na ala angĩ, na kũituma wĩthĩwa wĩ mũtanu mũnango.
Maũndũ Angĩ Matonya Kũtetheesya Mũsyĩ
Ũtao ũla wĩ Mbivilianĩ no ũũtetheesye wĩthĩwe na mũtwaano mwaĩlu na mũsyĩ wĩ na ũtanu.
