Andũ aingĩ mayĩthĩawa na lĩu wĩanĩtye na vandũ vaseo va kwĩkala. Namo angĩ mendaa o mũndũ wa kũmanenga wĩkwatyo wa ĩvinda yũkĩte. Yĩla twatetheesya andũ ta asu nĩtũmwendeeasya Ngai na aitũathima.

“Ũla wĩw’ĩaa ngya tei akovethasya Yeova, na wĩko wake mũseo akamũĩva ĩngĩ.”—NTHIMO 19:17.

Yesũ nĩwanenganie ngelekany’o ya mũndũ wavũiwe nĩ ing’ei na atiwa angĩe kũkw’a. (Luka 10:29-37) Mũndũ ũngĩ ũtamwĩsĩ na wendete kũtetheesya andũ nĩwamwĩthĩie, na amũtetheesya. Eekie ũu o na kau maumĩte mbaĩnĩ syĩ kĩvathũkany’o.

Mũndũ ũsu eekie maũndũ elĩ. Oosie ĩtambya ya kũiita mũndũ ũsu mawũũmĩsye make na kũmũnenga syĩndũ ingĩ ila waĩ na vata nasyo, na kelĩ nĩwamũkiakĩisye na amũtetheesya kũusya.

Ngelekany’o ĩsu yĩtũmanyĩsya ũndũ wĩva? Yesũ oonanasya kana nĩtwaĩle kwĩka kyonthe kĩla tũtonya tũtetheesye andũ ala me na mathĩna. (Nthimo 14:31) Maandĩko Matheu matũmanyĩasya kana Ngai akilyĩ kũmina ũkya na mathĩna onthe. Ĩndĩ no twĩkũlye-ĩ, ‘We Ngai akamina mathĩna asu ata, na akamamina ĩndĩĩ?’ Kĩlungu kĩla kĩatĩĩe nĩkĩkũelesya moathimo ala Mũmbi waku wĩ wendo ũkwathĩte.