Mosũngĩo ma Makũlyo ma Mbivilia
Nĩkĩ twaĩle kũlilikanaa kĩkw’ũ kya Yesũ?
Kĩkw’ũ kya Yesũ kĩkeanĩsya maũndũ meva?—isaia 25:8; 33:24
Kĩkw’ũ kya Yesũ nĩkyo ũndũ ũla wa vata vyũ waaĩthĩwa ĩũlũ wa nthĩ. Akwie nĩ kana andũ meĩkala ũndũ Ngai wendaa mekale kuma mwambĩlĩĩlyonĩ. Mũndũ ndoombĩtwe atonya kwĩka maũndũ mathũku, kũwaa, kana kũkw’a. (Mwambĩlĩlyo 1:31) Ĩndĩ andũ nĩmalikile naĩnĩ kwĩsĩla mũndũ wa mbee, Atamu. Yesũ akwie nĩ kana atũtangĩĩe kuma ũkombonĩ wa naĩ na kĩkw’ũ.—Soma Mathayo 20:28; Alomi 6:23.
Ngai oonanisye kana nũtwendete mũno kwa kũtũma Mwana wake kũũ nthĩ, nĩ kana akw’e kwondũ witũ. (1 Yoana 4:9, 10) Yesũ eeie aatĩĩi make malilikanae kĩkw’ũ kyake kwa nzĩa yĩ laisi ya kũtũmĩa mũkate na mbinyu. Kũlilikana kĩkw’ũ kya Yesũ kĩla mwaka nĩ nzĩa ya kwonany’a kana nĩtũũtũnga mũvea nũndũ wa wendo ũla Ngai na Yesũ moonanisye.—Soma Luka 22:19, 20.
Naaũ maĩle kũya mũkate na kũnyw’a mbinyu?
Ĩvinda ya mbee ĩla Yesũ weeie amanyĩw’a make malilikanae kĩkw’ũ kyake, awetie ĩũlũ wa ũtianĩo kana wĩw’ano. (Mathayo 26:26-28) Ũtianĩo ũsu watumie amanyĩw’a make, vamwe na andũ angĩ anini, methĩwa na wĩkwatyo wa kwĩsa kwĩthĩwa me asumbĩ na athembi vamwe na Yesũ ĩtunĩ. O na kau andũ milioni mbingĩ nĩmalilikanaa kĩkw’ũ kya Yesũ, no ala me nthĩnĩ wa ũtianĩo ũsu maĩsaa mũkate na makanyw’a mbinyu.—Soma Ũvuan’yo 5:10.
Kwa ĩvinda ya myaka vakuvĩ 2,000, Yeova ethĩĩtwe ainyuva ala makethĩwa asumbĩ. (Luka 12:32) Ala makethĩwa asumbĩ nĩ anini kwĩ ala makekala kũũ nthĩ tene na tene.—Soma Ũvuan’yo 7:4, 9, 17.
No Wendeewʼe Nĩ Ii
ĨŨLŨ WITŨ
Ũmbano wa Kũlilikana Kĩkwʼũ kya Yesũ
Ngũsĩ sya Yeova niũkũthokya ũke Ũmbanonĩ wa Kũlilikana Kĩkwʼũ kya Yesũ Matukũ 12, Mwei wa 4, 2025.
MOSŨNGĨO MA MAKŨLYO MA MBIVILIA
Nĩkĩ Yesũ Wakwie?
Andũ aingĩ nĩmesĩ kana Mbivilia ĩmanyĩasya Yesũ akwie nĩ kana twĩkale thayũ. Ĩndĩ kĩkwʼũ kyake kĩtonya kũtũtethya ũndũnĩ wĩva wa mwanya?
MŨSYAĨĨSYA
Nĩkĩ Twaĩle Kũlilikana Kĩkw’ũ kya Yesũ?
Andũ aingĩ matanĩaa kũsyawa kwa Yesũ ĩvinda ya Kĩlisimasi na kũthayũũka kwake ĩvinda ya Isita. Nĩkĩ Ngũsĩ sya Yeova ililikanaa kĩkw’ũ kya Yesũ?
MAKŨLYO MAKŨLAWʼA MAVINDA MAINGĨ
Nĩkĩ Ngũsĩ sya Yeova Ililikanaa Kyaũya kya Wĩoo kya Mwĩaĩi kwa Nzĩa yĩ Kĩvathũkanyʼo na Ndĩni Ila Ingĩ?
Ũmbano wa kũlilikana kĩkwʼũ kya Yesũ, ũla nowʼo wĩtawa Kyaũya kya Mwĩaĩi, nĩwʼo ũmbano ũla wa vata vyũ wa Ngũsĩ sya Yeova. Sisya wone kĩla Mbivilia yaĩtye ĩũlũ wa ũmbano ũsu.
