Ĩyũmbanyʼe nesa. Sũanĩa nĩkĩ ũvoo ũsu waandĩkiwe. Vandũ va kũsoma kateto kamwe kamwe, ĩmanyĩsye kũsoma ndeto iana ũna vamwe. Ĩthĩwa wĩ metho ndũkongele ndeto, ndũkakĩle ndeto, kana kũweta ndeto ingĩ vandũ va ila iandĩkĩtwe. Soma ũatĩĩe alama ila itetheeasya mũndũ kũsoma nesa.

Tamũka kĩla ndeto nesa. Ethĩwa ve ndeto ũtatonya kũtamũka, mĩsisye ĩvukunĩ ya kũelesya ndeto, wĩthukĩĩsye kĩlungu kĩlekotiĩtwe kya ĩvuku yĩla ũũsoma, kana ũkũlye mũsomi mũseo aũtetheesye.

Neena kwa nzĩa ũkũeleeka. Ũitamũka ndeto, ũkĩlya mũtwe waku na ũyathamya nesa.