NGEWA YA 6
Nĩ Kyaũ Tũkwĩmanyĩsya Kumana na Mbua ya Kĩw’ũ Kingĩ?
Ngai nĩwaanangie andũ athũku ĩndĩ atangĩĩa Noa na mũsyĩ wake. Mwambĩlĩlyo 7:11, 12, 23
Kwauie mbua mĩthenya 40 ũtukũ na mũthenya, na manzĩ mavw’ĩka nthĩ yonthe. Andũ athũku onthe nĩmakwie.
Alaĩka athũku nĩmatiie mĩĩ yoo ya nyama na matw’ĩka ndaimoni.
Ala maĩ ngalawanĩ nĩmavonokie. O na kau Noa na mũsyĩ wake nĩmesie kũkw’a, Ngai akamathayũũkya methĩwe na wĩkwatyo wa kwĩkala tene na tene.
Ngai akaananga ĩngĩ andũ athũku na aitangĩĩa ala aseo. Mathayo 24:37-39
Satani vamwe na ndaimoni nĩmaendee kwasya andũ.
Ũmũnthĩ o ta ĩvinda ya Noa, andũ aingĩ nĩmaleaa nzĩa ya wendo ya Yeova. Mĩtũkĩ Yeova akaananga onthe ala athũku.—2 Vetelo 2:5, 6.
Andũ amwe mailyĩ ta Noa. Nĩmethukĩĩasya Ngai na mayĩka ũndũ ũkũmatavya; mo nĩ Ngũsĩ sya Yeova.
No Wendeewʼe Nĩ Ii
MAVUKU & MBULOSUA
Nũũ Ũla Ũsumbĩkĩte Nthĩ?
Nũtonya kũsengʼa wamanya ũndũ Mbivilia ĩsũngĩĩte ĩkũlyo yĩu. Soma wone ũndũ kũmanya ũu kũtonya ũkũtethya na ũndũ kũkethĩwa kũilye ĩvinda yũkĩte.
