TƆM PƆZƲƲ 6
Natʋ tɔm ndʋ Bibl kaayɔɔdɩ Mesiya yɔɔ?
NATƲ TƆM
«Ña, Oo Bɛtɩlɛhɛm Efrata, . . . weyi ɛkaɣ-m kɛʋ wiyaʋ Izrayɛɛlɩ taa yɔ, ñɛ-tɛ ɛkaɣ lɩnʋʋ.»
ƐZƖMA TƖLABA YƆ
«Palʋlɩ Yesu Bɛtɩlɛhɛm ŋgʋ kɩwɛ Yuudee yɔ kɩ-taa wiyaʋ Eroodi alɩwaatʋ taa nɛ pɩtɛ lɛ, mba patɩyɩɣnɩ tɩɩnzɩ yɔ pa-taa nabɛyɛ lɩɩnɩ Wɩsɩ Ðɩlɩyɛ taa nɛ pɔkɔɔ Yeruzalɛm.»
NATƲ TƆM
«Patayɩ ɖama mo-wondu kususutu, nɛ pɔtɔ piye mon-tokonaa yɔɔ.»
ƐZƖMA TƖLABA YƆ
«Nɛ sɔɔjanaa kam Yesu sizika yɔɔ lɛ, pakpaɣ e-tokonaa kɩtɩnaa nɛ patayɩ-wɛ hɔɔlɩŋ 4 . . . Ɛlɛ pataañɛyɩ pɩ-tɛɛ toko, palʋ-kʋ kʋlʋʋ kpaɣnɩ hayo nɛ pitii pɩ-tɛɛ. Pʋyɔɔ peheyi ɖama se: “Ðɩtaacɩyɩ-kʋ, ɛlɛ iyele nɛ ɖɩtɔ piye nɛ ɖɩna se a-ñɩŋgʋ kɩkaɣ kɛʋ.” »
NATƲ TƆM
«Ɛcɔŋnɩ ɛ-mɔɔ tɩŋa yɔɔ; patɩpɛlɩ a-taa naɖɩyɛ.»
ƐZƖMA TƖLABA YƆ
«Ɛlɛ patalɩ Yesu cɔlɔ lɛ, pana se ɛtɛm sɩbʋ, pʋyɔɔ patɩpɛlɩ ɛ-nɩŋgbanzɩ.»
NATƲ TƆM
«Ða-kɩwɛɛkɩm yɔɔ pɔsɔbɩ-ɩ nɛ pɩtʋlɩ.»
ƐZƖMA TƖLABA YƆ
«Sɔɔja nɔɔyʋ kpaɣ kɩgbɛzɛŋ nɛ ɛsɔ ɛ-hʋyʋʋ tɛɛ, nɛ kpaagbaa mbʋ lɛ calɩm nɛ lɩm palɩɩ.»
NATƲ TƆM
«Pɛhɛyɩ-m man-kɩhɛyʋʋ, liidiye pɔɔyɩsɩ 30.»
ƐZƖMA TƖLABA YƆ
«Ðɩnɛ ɛlɛ Hiu nɛ Naalɛ taa kʋɖʋm, weyi payaɣ se Yudaasɩ Isɩkarɩyɔɔtɩ yɔ, ewolo cɔjɔnaa sɔsaa cɔlɔ nɛ ɛpɔzɩ-wɛ se: “Ɛbɛ ɩkaɣ-m cɛlʋʋ nɛ manɖʋzɩ-ɩ mi-nesi tɛɛ?” Panɩɩnɩ ɖama se pɛcɛlɩɣ-ɩ liidiye pɔɔyɩsɩ 30.»”