Keɣa 101:1-8
Daviid hendu.
101 Mankaɣ teu hendu sɔɔlɩm siɣsiɣ ñɩmbʋ nɛ siɣsiɣ wɛtʋ yɔɔ.
Hayɩ Yehowa, ña mankaɣ teu samtʋ hendu.*
2 Mankaɣ wɛʋ lɛɣtʋ nɛ mankaɣ man-tɩ ɖɔkʋʋ se mantaawɛɛnɩ kɩwɛɛkɩtʋ natʋyʋ.*
Ɛzɩmtaa ŋkaɣ pɩsɩnʋʋ mɔ-yɔɔ?
Mankaɣ ɖɔmnʋʋ laŋɩyɛ nɖɩ ɖɩwɛ cɩŋgɩlɩm yɔ+ man-ɖɩɣa taa.
3 Maakaɣ sɩʋ mbʋ pɩɩwazɩɣ pʋyʋ yɔ pɩ-taa nabʋyʋ* mɛ-ɛsɩndaa.
Manpaɖɩɣ mba poposuu pa-tɩ nɛ mbʋ pɩtʋʋzaa yɔ pa-lakasɩ;+Ma nɛ wɛ ɖɩɩkaɣ nabʋyʋ kaʋ kpa.*
4 Monposuu man-tɩ nɛ laŋɩyɛ nɖɩ ɖɩtɩtʋʋzɩ yɔ;Maakaɣ tisuu* mbʋ pɩfɛyɩ ɖeu yɔ.
5 Weyi ɛlakɩ kɔlɔmɔtʋ ɛyʋ lɛlʋ yɔɔ mɛsaɣ tɛɛ yɔ,+Mankaɣ ɛ-nɔɔ suluu.*
Weyi ɛwɛnɩ ɛsa wena aasɩɣ a-tɩ pɩ-cɔlɔ nɛ laŋɩyɛ nɖɩ ɖɩkpazɩɣ ɖɩ-tɩ yɔ,Maakaɣ-ɩ haʋ nʋmɔʋ.
6 Mɛ-ɛsa kaɣ wɛʋ tɛtʋ yɔɔ ɛyaa siɣsiɣ tɩnaa yɔɔ,Se pɩsa nɛ pɛwɛɛ mɔn-cɔlɔ.
Weyi ɛɖɔŋ cɩŋgɩlɩm wɛtʋ taa yɔ,* ɛnʋ kaɣnɩ-m lɩm ɖʋʋ.
7 Peɣziyu nɔɔyʋ ɛɛkaɣ wɛʋ man-ɖɩɣa taa,Nɛ cɛtɩyʋ nɔɔyʋ ɛɛkaɣ sɩŋʋʋ mɛ-ɛsɩndaa.
8 Mankaɣ suluu tɛtʋ yɔɔ kañatʋ tɩnaa kpeekpe nɔsɩ* paa tanaŋ ŋgʋ lɛ kɩ-tɛɛ,Se manɖɩzɩ ɛyaa kɩdɛkɛdaa kpeekpe Yehowa tɛtʋ taa.+
Pɩ-tɛɛ tɔm
^ Yaa «mankaɣ mabʋ minziiki.»
^ Yaa «mankaɣ ɖɔkʋʋ man-cɩŋgɩlɩm wɛtʋ.»
^ Yaa «Maakaɣ sɩʋ falaa pʋyʋ.»
^ Yaa «Pa-lakasɩ ɩɩñɔʋnɩ-m.»
^ Piye piye, «tɩlʋʋ.»
^ Yaa «Mankaɣ ɛ-tɔm tɛm.»
^ Yaa «Weyi ɛfɛyɩnɩ kɩwɛɛkɩtʋ natʋyʋ yɔ.»
^ Yaa «Mankaɣ tɛm tɛtʋ yɔɔ kañatʋ tɩnaa kpeekpe tɔm.»
