Keɣa 102:1-28
Weyi ɛwɛ nɩɣzɛ taa yɔ ɛ-adɩma, alɩwaatʋ ndʋ elesi lidaʋ* nɛ eheyiɣ Yehowa ɛ-nɩɣzɛ tɩŋa yɔ.+
102 Hayɩ Yehowa, nɩɩ ma-adɩma;+Kubusi nzɩ mamakɩ se ŋsɩnɩ-m yɔ, yele nɛ sɩtalɩ-ŋ.+
2 Taakizi se mantaana* ñɛ-ɛsɩndaa man-kʋñɔŋ alɩwaatʋ taa.+
Kʋ nɩŋgbaŋʋʋ* nɛ ŋwelisini-m;Cosi-m lɛɛ lɛɛ alɩwaatʋ ndʋ mayaɣ-ŋ yɔ.+
3 Mbʋ pʋyɔɔ yɔ man-kɩyakɩŋ ɖɛɣ ɛzɩ ñɔsɩ kʋyʋʋ yɔ,Mɔ-mɔɔ ñaɣ pindimmm ɛzɩ miŋ ɖibuziye yɔ.+
4 Ma-laŋɩyɛ pɩsɩ ɛzɩ ñɩtʋ ndʋ tilowa nɛ tɩwɩlɩ yɔ,+Mbʋ pʋyɔɔ yɔ mɔnsɔʋ se pɩwɛɛ se mɔntɔɔ mɔn-tɔɔnaɣ.
5 Mɔ-mɔla sɔsɔna yɔɔ lɛ,+Mɔ-mɔɔ ñɔnɩ mon-tomnaɣ nandʋ.+
6 Manɩɣzɩnɩ kañɩmbusuu taa kpakpalikiyaɣ sɔsɔɔ;Mɛwɛ ɛzɩ njaa taa kpizuu cikpeluu yɔ.
7 Mahɩnɩɣ maaɖou;*Mɛwɛ ɛzɩ sumaɣ ŋga kɛwɛ ke-ɖeke kuduyuu ñʋʋ taa yɔ.+
8 Mon-koyindinaa caɣ-m tɔm evemiye kpeekpe.+
Mba powoŋuu-m yɔ,* pakpakɩɣ ma-hɩɖɛ nɛ pɔlɔʋnɩ nɔɔ kɩdɛkɛdaɣ.
9 Mbʋ pʋyɔɔ yɔ tɔlɩma pɩsɩnɩ mɔn-tɔɔnaɣ,+Nɛ ɛsɩtɛɣlɩm sidi man-kʋñɔñɔm taa,+
10 Ña-pana nɛ ñɔ-hɔpɩsɩyɛ yɔɔ,Mbʋ pʋyɔɔ yɔ ŋkʋsɩ-m se ŋlɔ-m.
11 Man-kɩyakɩŋ wɛ ɛzɩ kuzotuu ŋgʋ kiɖiɣni mʋʋʋ yɔ,*+Nɛ menɖiɣni lou ɛzɩ ñɩtʋ yɔ.+
12 Ɛlɛ ña lɛ, Oo Yehowa, ŋwɛ tam,+Nɛ ña-hɩɖɛ kaɣ sɛʋ* mbʋ kpaɖɩŋ kpeekpe taa.+
13 Paa pɩɩkpawa nɛ pitii yɔ, ŋkaɣ kʋyʋʋ nɛ ŋna Siyɔŋ pʋtɔdɩyɛ,+Mbʋ pʋyɔɔ yɔ alɩwaatʋ talaa se ŋna kɩ-pʋtɔdɩyɛ;+Alɩwaatʋ talaa.+
14 Mbʋ pʋyɔɔ yɔ ña-lɩmɖʋyaa taa wɛ leleŋ nɛ kɩ-pɛɛ+Nɛ halɩ pɔsɔɔlɩ ki-puuyuu maɣmaɣ.+
15 Ajɛɛ kaɣ seu sɔɔndʋ Yehowa hɩɖɛ,Nɛ tɛtʋ yɔɔ awiya kpeekpe kaɣ seu sɔɔndʋ ña-samtʋ.+
16 Mbʋ pʋyɔɔ yɔ Yehowa kaɣ ɖaɣnʋʋ maʋ Siyɔŋ;+Ɛkaɣ lɩʋ ɛ-samtʋ taa.+
17 Ɛkaɣ welisuu tanɩm tɩnaa adɩma;+Ɛɛkaɣ nim pa-adɩma.+
18 Pama-tʋ nɛ pasɩɩ kpaɖʋʋ ŋgʋ kɩkaɣ kɔm yɔ,+Se samaɣ ŋga patɩlʋlɩtɩ-kɛ* yɔ kaasa Yah.
19 Mbʋ pʋyɔɔ yɔ ɛwɛ e-lone kʋkʋyɩyɛ kiɖeɖeye taa nɛ ɛcɔŋnɩ hadɛ,+Yehowa wɛ ɛsɔdaa nɛ ɛcɔŋnɩ tɛtʋ,
20 Se ɛnɩɩ salaka tʋ amuza,+Se eholi mba pakʋ pɔ-tɔm se pamʋnɩ sɩm yɔ,+
21 Se pɩsa nɛ posusi Yehowa hɩɖɛ Siyɔŋ taa+Nɛ posusi ɖɔɖɔ ɛ-samtʋ Yeruzalɛm,
22 Alɩwaatʋ ndʋ samasɩ nɛ kewiyisiKpeɣliɣ se sɩsɛɛ Yehowa yɔ.+
23 Ɛmʋ mon-ɖoŋ, ŋgʋ alɩwaatʋ tɩtalɩta;Etoboyi man-kɩyakɩŋ.
24 Mɔyɔɔdaa se: «Hayɩ mɛ-Ɛsɔ,Ña weyi ŋwɛ kpaɖɩŋ tɩŋa taa yɔ,+Taaɖɩzɩ-m me-wezuu hɛkʋ taa.
25 Ŋsɩ tɛtʋ tigila ɖooo lɔŋ,Nɛ ɛsɔdaa kɛ ñe-nesi tɛɛ tʋmɩyɛ.+
26 Pakaɣ* ɖɩm, ɛlɛ ña lɛ, ŋkaɣ wɛʋ tam;Pa-tɩŋa pakaɣ hʋʋ ɛzɩ toko yɔ.
Ŋkaɣ-wɛ lɛɣzʋʋ ɛzɩ pɛlɛɣzʋʋ toko yɔ, nɛ pakaɣ mʋʋʋ.
27 Ɛlɛ ña lɛ, ŋŋlɛɣzɩɣ; nɛ ña-pɩnzɩ ɩɩkaɣ tɛm kaaʋ.+
28 Ña-lɩmɖʋyaa piya kaɣ wɛʋ pɛɛyɛ taaNɛ pa-lʋlʋʋ taa mba kaɣ kam camɩyɛ ñɛ-ɛsɩndaa.»+
Pɩ-tɛɛ tɔm
^ Yaa «e-ɖoŋ tɛma.»
^ Piye piye, «Taamɛsɩ-m.»
^ Yaa «Luzi ña-tɩ.»
^ Pɩpɩzɩɣ pɩkɛ, «Mɛntɛm ɖanzɩ siŋŋ.»
^ Yaa «paɖʋʋ-m fɛyɛ yɔ.»
^ Yaa «ŋgʋ kɩwɛɛ nɛ kɩɖaɣlɩɣ yɔ.»
^ Yaa «wɛʋ.» Piye piye, «pakaɣ ñɔ-yɔɔ tɔzʋʋ.»
^ Piye piye, «patɩmatɩ-kɛ.»
^ Tɛtʋ nɛ ɛsɔdaa tɔm pɔyɔɔdʋʋ.
