Keɣa 104:1-35
104 Mansaŋ* Yehowa.+
Oo mɛ-Ɛsɔ Yehowa, ŋpaɣlaa pɩdɩɩfɛyɩ.+
Ŋsu paɣlɩka* nɛ keɖeɣa.+
2 Ŋhu ñalɩmɩyɛ+ ɛzɩ pɩsaʋ yɔ;Ŋposi ɛsɔdaa ɛzɩ kizinziku pɩsaʋ yɔ.+
3 Ɛmaɣ ɛ-ɛsɔdaa kuduyuŋ lɩm taa,*+Ɛpɩsɩɣ mɩndʋ ɛ-kɛɛkɛɛ,+Ɛɖɔŋ helim keŋ yɔɔ.+
4 Ɛpɩsɩɣ e-tiyiyaa feziŋ,Ɛpɩsɩɣ ɛ-lɩmɖʋyaa miŋ weyi ɛñakɩ yɔ.+
5 Ɛcaɣzɩ tɛtʋ ti-tigila yɔɔ;+Tɩɩkaɣ tuu ti-lone taa* wiɖiyi kpa.+
6 Ŋhuuzi tɩ-yɔɔ nɛ lɩm cukaŋ ñɩmbʋ ɛzɩ pɩsaʋ ŋhuuzini tɩ-yɔɔ yɔ.+
Lɩm kaahuuzi pʋŋ yɔɔ.
7 Ŋñazaa lɛ, pise;+Pɩnɩ ñɔ-nɔɔ tiluu taŋ lɛ, sɔɔndʋ kpa-pʋ nɛ pise nɛ pɩɖɛɛ
8 Ðenɖe ŋɖʋwa se pɩwɛɛ yɔ,Nɛ pʋŋ kpazɩ ñʋŋ+ nɛ fɛɛŋ tii.
9 Ŋɖʋ kamaɣ ŋga pɩfɛyɩ se pɩtɛzɩ yɔ,+Se pɩtaatasɩ huuzuu tɛtʋ yɔɔ wiɖiyi kpa.
10 Etiyiɣni lɩm hila fɛɛŋ* taa;A-lɩm kpeŋ pʋŋ hɛkɩŋ taa.
11 Ana haɣnɩ lɩm tɛtɛgbɩna tɩŋa;A-taa tɛyɛ kpaŋasɩ kʋʋ sɩ-lɔkɔtʋ.
12 Ɛsɔdaa sumasɩ cakɩ tɩŋ yɔɔ a-cɔlɔ;Siteɣ hendu hɔtʋ ndʋ tisu kpimm yɔ tɩ-taa.
13 Ɛwɛɣ ɛ-ɛsɔdaa kuduyuŋ tɛɛ nɛ ɛmɩzɩɣ lɩm pʋŋ yɔɔ.+
Tɛtʋ liu sɩbɩnɩ pee wena ña-tʋma lʋlʋʋ yɔ.+
14 Ɛlakɩ nɛ ñɩtʋ ñɔʋ nɛ kpɩna tɔkɩNɛ ɛlakɩ nɛ mbʋ pɩñɔʋnɩ tɛtɛɛ yɔ pɩñɔʋ nɛ pɩwazɩɣ ɛyaa,+Ɛlakɩ nɛ tɔɔnaɣ ñɔʋnɩ tɛtɛɛ,
15 Ɛhaɣ vɛɛ ŋgʋ kɩlakɩ nɛ ɛyʋ laŋɩyɛ nɩɣ leleŋ yɔ,+Num mbʋ pɩlakɩ nɛ ɛyʋ ɛsɩndaa ñɩlɩsɩɣ yɔ,Nɛ kpɔnɔ ŋgʋ kɩkpazɩɣ ɛyʋ* ɖoŋ yɔ.+
16 Yehowa tɩŋ haɣaa,Libaŋ sɛɛdrɩ tɩŋ weyi ɛsɔwa yɔ,
17 Weyi ɩ-yɔɔ sumasɩ ɖʋʋ ɖandʋ yɔ.
Alɩŋgbayʋ+ ɖandʋ* wɛ jenevriyee tɩŋ taa.
18 Pʋŋ weyi ɩkʋyaa yɔ, ɩ-taa pʋʋ taa pʋŋ+ cakɩ;Kaaŋ kɛnɩ kaaŋ taa kozonzi*+ ɖɩmɛlɩyɛ.
19 Ɛlabɩ fenaɣ se kawɩlɩɣ alɩwaatʋ;*Wɩsɩ sɩm camɩyɛ alɩwaatʋ ndʋ sɩɖʋʋ yɔ.+
20 Ŋkɔŋnɩ cɩkpɛndʋʋ, nɛ ɖoo yuu,+Alɩwaatʋ ndʋ, tɩ-yɔɔ laʋ tɛɛ tɛtɛgbɩna tɩŋa yɛlɩɣ.
21 Mʋʋzɩŋ* mʋdʋʋ nɛ ɩñɩnɩɣ mbʋ ɩkpa nɛ ɩtɔɔ yɔ+Nɛ ɩpɔzʋʋ Ɛsɔ ɩ-tɔɔnaɣ.+
22 Wɩsɩ lɩɣ lɛ,Ɩpɩsɩɣ nɛ ɩhɩnɩɣ ɩ-pɔŋ taa.
23 Ɛyʋ woki ɛ-tʋmɩyɛ taa,Nɛ ɛlakɩ tʋmɩyɛ nɛ ɖanaɣ kɔɔ nɛ kaɖanɩ.
24 Oo Yehowa, ña-tʋma ɖɔ mbʋ suwe!+
Ŋlabɩ a-tɩŋa nɛ lɔŋsɩnɖɛ.+
Mbʋ ŋlaba yɔ, pisu tɛtʋ yɔɔ.
25 Teŋgu yɔ, kɩ-paɣlɩka nɛ kɩ-walanzɩ fɛyɩ yɔɔdʋʋ,Wondu ɛsa ñɩndʋ cikpetu nɛ sɔsɔtʋ ndʋ tɩñɩpɩtɩɣ kɩ-taa yɔ, tɩfɛyɩ kalʋʋ.+
26 Kɩ-yɔɔ mɛlɛnaa ɖɔŋ,Nɛ Leviyataŋ*+ ɖɔɖɔ, weyi ŋlaba se eleɣyiɣ kɩ-taa yɔ.
27 Pe-kpeekpe, ñɛ-ɛsɩndaa pɔcɔŋnaSe ŋha-wɛ pɔ-tɔɔnaɣ alɩwaatʋ yɔɔ.+
28 Mbʋ ŋhaɣ-wɛ yɔ, pekpeɣliɣ-pʋ.+
Ŋkuluu ñe-nesi lɛ, pahakɩ wondu kɩbandʋ.+
29 Ŋkiziɣ se pataana* ñɛ-ɛsɩndaa lɛ, pisidiɣ-wɛ.
Ye ŋmʋ pe-fezuu yɔ, pasɩkɩ nɛ papɩsɩ mʋzʋʋ.+
30 Ye ŋtiyini ñe-fezuu yɔ, papaɣzɩɣ wɛʋ wezuu,+Nɛ ŋlakɩ nɛ pɩtɩŋa pɩpɩsɩɣ kɩfam tɛtʋ yɔɔ.
31 Yehowa samtʋ kaɣ wɛʋ tam.
Yehowa kaɣ nɩʋ leleŋ ɛ-tʋma yɔɔ.+
32 Ɛcɔŋnɩ tɛtʋ nɛ tiseliɣ;Etukuuni pʋŋ nɛ ɩlɩɣ ñɔsɩ.+
33 Mankaɣ teu hendu Yehowa+ me-wezuu kpeekpe;Mankaɣ teu samtʋ hendu* mɛ-Ɛsɔ alɩwaatʋ ndʋ payɩ mɛwɛɣ wezuu yɔ.+
34 Ma-lɩmaɣza ɩkɛdɩnɩ-ɩ.*
Yehowa yɔɔ lɛ, mankaɣ nɩʋ leleŋ.
35 Kɩdɛkɛdɩm laɖaa kaɣ mʋʋʋ tɛtʋ yɔɔ,Nɛ kañatʋ tɩnaa ɩɩkaɣ tasʋʋ wɛʋ.+
Mansaŋ* Yehowa. Ɩsa Yah!*
Pɩ-tɛɛ tɔm
^ Yaa «Man-kalɩzaɣ ɛsa.»
^ Yaa «ñamtʋ.»
^ Yaa «Ɛkpaɣ ɖasɩ nɛ ɛmaɣnɩ ɛ-ɛsɔdaa kuduyuŋ lɩm taa ɛsɔdaa.»
^ Yaa «Pɩɩkaɣ-tʋ cɛŋɛsʋʋ.»
^ Yaa «lemisi.»
^ Piye piye, «ɛyʋ laŋɩyɛ.»
^ Yaa «ɖɩɣa.»
^ Pɩkɛ kpɩna wena awɛ ɛzɩ anasaayɩ holaa sɔsaa yɔ. Afɛyɩnɩ suŋ nɛ kaaŋ taa acakɩ.
^ Yaa «wɛɛ.»
^ Yaa «Mʋʋzɩŋ weyi ɩwɛnɩ kpɛm i-pondona yɔɔ yɔ.» Mʋʋzɩŋ weyi ɩ nɛ i-ɖoŋ nɛ ɩtɩkpadɩyɩ yɔ ɩ-tɔm pɔyɔɔdʋʋ.
^ Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «Ŋmɛsɩɣ.»
^ Yaa «Mankaɣ mabʋ minziiki.»
^ Pɩpɩzɩɣ pɩkɛ, «Tɛtɛ nɛ tɔm ndʋ mamaɣzɩɣ ɛ-yɔɔ yɔ, tɩkɛdɩnɩ-ɩ.»
^ Yaa «Man-kalɩzaɣ ɛsa.»
^ Yaa «Aleluyah!» Hɩɖɛ «Yehowa» potobiyaa nɛ pɩkɛ «Yah.»
