Keɣa 112:1-10
112 Ɩsa Yah!*+
א [Alɛf]
Koboyaɣ tʋ lɛ ɛyʋ weyi eseɣ Yehowa sɔɔndʋ yɔ,+ב [Bɛtɩ]
Weyi ɛnɩɣ leleŋ pɩdɩɩfɛyɩ ɛ-paɣtʋ yɔɔ yɔ.+
ג [Gimɛl]
2 Ɛ-lʋlʋʋ taa mba kaɣ wɛʋ ɖoŋ tɛtʋ yɔɔ,ד [Dalɛtɩ]
Nɛ ɛyaa siɣsiɣ tɩnaa kpaɖʋʋ kaɣ hiɣu wazaɣ.+
ה [He]
3 Ñɩm wɛ ɛ-ɖɩɣa taa,ו [Vav]
Nɛ e-siɣsiɣ wɛtʋ wɛɣ tam.
ז [Zayin]
4 Ɛñandɩɣ siɣsiɣ tɩnaa ɛzɩ ñalɩmɩyɛ ñandʋʋ cɩkpɛndʋʋ taa yɔ.+
ח [Hɛɛtɩ]
Ɛnɩɣ ɛyaa wɩzasɩ,* ɛnaɣ pʋtɔdɩyɛ+ nɛ ɛwɛ siɣsiɣ.
ט [Tetɩ]
5 Piɖeɣni ɛyʋ weyi ɛkɩndɩɣ lalaa kamaɣ fɛyɩ yɔ.+
י [Yod]
Tʋmɩyɛ nɖɩ ɛlakɩ yɔ, ɛlakɩ-ɖɩ nɛ siɣsiɣ wɛtʋ.
כ [Kaf]
6 Pɩɩkaɣ-ɩ ñamsʋʋ kpa.+
ל [Lamɛd]
Pakaɣ tɔzʋʋ ɛyʋ siɣsiɣ tʋ yɔɔ tam.+
מ [Mem]
7 Sɔɔndʋ ɛɛkaɣ-ɩ kpaʋ nɛ tɔm kɩdɛkɛdɩtʋ nɩʋ.+
נ [Nuuni]
Ɛ-laŋɩyɛ kam camɩyɛ, ɛtaɣ Yehowa liu.+
ס [Samɛk]
8 Ɛ-laŋɩyɛ ɛɛmaɣ;* sɔɔndʋ ɛɛkpaɣ-ɩ;+ע [Ayin]
Nɛ pɩtɛŋna se ɛkaɣ cɔnʋʋ e-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+
פ [Pe]
9 Ɛlabɩ kʋjɔŋ kamaɣ fɛyɩ; ɛha kʋñɔndɩnaa.+
צ [Cade]
E-siɣsiɣ wɛtʋ wɛɣ tam.+
ק [Kof]
Ɛkaɣ ɖoŋ kpaʋ nɛ pakaɣ-ɩ haʋ samtʋ.*
ר [Resɩ]
10 Kañatʋ tʋ kaɣ naʋ nɛ ɛ-taa wɩɩ.
ש [Sin]
Ɛkaɣ e-kela salʋʋ nɛ ɛyɔlɩ.
ת [Tav]
Mbʋ kañatʋ tʋ liu wɛɛ yɔ, pɩkaɣ tɛŋɩlʋʋ.+
Pɩ-tɛɛ tɔm
^ Yaa «Aleluyah!» Hɩɖɛ «Yehowa» potobiyaa nɛ pɩkɛ «Yah.»
^ Yaa «Ɛmaɣzɩɣ ɛyaa yɔɔ.»
^ Yaa «tɛm ɖɩ-taa; kam camɩyɛ.»
^ Piye piye, «Pakaɣ kpazʋʋ ɛ-hɩlʋʋ nɛ samtʋ.»
