Keɣa 13:1-6
Hendu teyaa ñʋʋdʋ. Daviid hendu.
13 Hayɩ Yehowa, ŋkaɣ mɔ-yɔɔ sɔʋ nɛ pɩkɔɔ nɛ pɩsɩɩnɩ ɖooye? Tam?
Ŋkiziɣ se mantaana ñɛ-ɛsɩndaa* nɛ pɩkɔɔ nɛ pɩsɩɩnɩ ɖooye?+
2 Mɛwɛɣ nɛ manɩɣzɩɣ,*Nɛ ma-laŋɩyɛ wɛɛ wɩzasɩ taa paa evemiye nɖɩ nɛ pɩkɔɔ nɛ pɩsɩɩnɩ ɖooye?
Mon-koyindu wɛɣ nɛ ɛwakɩ-m nɛ pɩkɔɔ nɛ pɩsɩɩnɩ ɖooye?+
3 Hayɩ mɛ-Ɛsɔ Yehowa, cɔnɩ-m nɛ ŋcosi-m.
Ha mɛ-ɛsa ñalɩmɩyɛ nɛ mantaaɖoo sɩm taa,
4 Se pɩsa nɛ mon-koyindu ɛtaayɔɔdɩ se: «Mawabɩ-ɩ!»
Taayele nɛ mon-koyindinaa taa la leleŋ se mɔntɔlaa.+
5 Ma lɛ, mantaɣ ñɔ-sɔɔlɩm siɣsiɣ ñɩmbʋ liu;+Ma-laŋɩyɛ kaɣ nɩʋ leleŋ nɛ ña-ñʋʋ yabʋ tʋma.+
6 Mankaɣ teu hendu Yehowa, mbʋ pʋyɔɔ yɔ ɛlabɩ-m kɩbandʋ sakɩyɛ.+
