Keɣa 149:1-9
149 Ɩsa Yah!*
Itee hendu kɩfatʋ Yehowa;+Ɩsamɩ-ɩ ɛyaa siɣsiɣ tɩnaa samaɣ taa.+
2 Izrayɛɛlɩ taa ɛla leleŋ nɛ ɛ-Mayʋ Sɔsɔ;+Siyɔŋ pɩyalaa ɩwɛɛ laŋhʋlʋmɩyɛ taa pe-Wiyaʋ yɔɔ.
3 Papaa nɛ pasamnɩ ɛ-hɩɖɛ,+Pama nesi tɛɛ suye* nɛ cɩmʋʋ nɛ peteeni-i samtʋ hendu.*+
4 Mbʋ pʋyɔɔ yɔ Yehowa taa wɛ leleŋ nɛ ɛ-samaɣ.+
Ñʋʋ yabʋ ɛcanɩɣnɩ hɛɛɛ tɩnaa.+
5 Siɣsiɣ tɩnaa ɩmɛyɩ mbʋ pʋyɔɔ yɔ ɛsam-wɛ;Pama kubusi nɛ taa leleŋ pa-ñalɩŋ yɔɔ.+
6 Ɛsɔ samtʋ hendu ɛwɛɛ po-ndomee yɔɔ,Nɛ sɩɣa ŋga kɛwɛ lɔŋ ceemenje yɔ kɛwɛɛ pe-nesi tɛɛ,
7 Nɛ pakpa kɩmɩyɛ ajɛɛNɛ pɔhɔ ɛyaa samasɩ nɩŋgbaaŋ,
8 Nɛ paɖɩ pa-awiya yomakpasɩNɛ pɔhɔkɩ pɔ-sɔsaa kpasɩ,
9 Nɛ pɔhɔ pa-nɩŋgbaaŋ ɛzɩ pamaʋ yɔ.+
Hɩɖɛ ɖʋʋ pʋnɛ, ɛ-ɛyaa siɣsiɣ tɩnaa tɩŋa tɩnɩ-pʋ.
Ɩsa Yah!*
Pɩ-tɛɛ tɔm
^ Yaa «Aleluyah!» Hɩɖɛ «Yehowa» potobiyaa nɛ pɩkɛ «Yah.»
^ Pɩkɛ suye cikpeɖe nɖɩ pɔɖɔkʋʋ nesi tɛɛ nɛ pamakɩ yɔ.
^ Yaa «pamabɩnɩ-ɩ minziiki.»
^ Yaa «Aleluyah!» Hɩɖɛ «Yehowa» potobiyaa nɛ pɩkɛ «Yah.»
