Keɣa 27:1-14
Daviid hendu.
27 Yehowa kɛnɩ ma-ñalɩmɩyɛ+ nɛ ma-ñʋʋ yaɖʋ.
Anɩ menseɣ sɔɔndʋ?+
Yehowa kɛnɩ me-wezuu tilimiye ɖoŋ ñɩnɖɛ.+
A-ɛsɩndaa menseliɣ?
2 Alɩwaatʋ ndʋ kɩwɛɛkɩm laɖaa kʋyɩ mɔ-yɔɔ se pacɩyɩɣ-m yɔ,+Mba pakaɖɩɣnɩ-m yɔ nɛ mon-koyindinaa pituulaa nɛ pɔtɔlɩ.
3 Paa sɔɔjanaa tikaɣ ɛcɔ-m nɛ kata yɔ,Ma-laŋɩyɛ ɛɛkaɣ lɩʋ.+
Paa you ɛlɩ mɔ-yɔɔ yɔ,Pʋbʋ taa ɖɔɖɔ, sɔɔndʋ ɛɛkaɣ-m kpaʋ.
4 Pʋyʋ kʋɖʋm koŋ mɔnpɔzɩ Yehowa—Mbʋ mankaɣ ñɩnʋʋ—Mbʋ lɛ se mancaɣ Yehowa ɖɩɣa taa me-wezuu kɩyakɩŋ kpeekpe,+Nɛ manaɣ Yehowa keɖeɣaNɛ mɔncɔŋnɩ e-templo* nɛ taa leleŋ.*+
5 Mbʋ pʋyɔɔ yɔ ɛkaɣ-m mɛsʋʋ ɛ-ɖɩjɔzɩyɛ taa asɛyʋʋ wiye;+Ɛkaɣ-m mɛsʋʋ mɛsaɣ tɛɛ lone taa, e-kizinziku tɛɛ;+Ðooo ɛwaɣ ñʋʋ taa ɛkaɣ-m sɩʋ.+
6 Lɛɛlɛɛyɔ, ma-ñʋʋ kʋyɩ kpem nɛ pɩkɩlɩ mon-koyindinaa mba pɔcɔ-m nɛ pata yɔ;Mankaɣ laʋ kɩlaŋ e-kizinziku tɛɛ nɛ taa leleŋ kogoye;Mankaɣ samtʋ hendu teu* Yehowa.
7 Hayɩ Yehowa, welisini-m alɩwaatʋ ndʋ mamakɩ kubusi yɔ;+Na man-pʋtɔdɩyɛ nɛ ŋcosi-m.+
8 Ma-laŋɩyɛ yɔɔdaa se: «Ŋɖʋ-ɖʋ paɣtʋ se:
“Ɩñɩnɩ mɛ-ɛsɩndaa.”»
Hayɩ Yehowa, ñɛ-ɛsɩndaa mankaɣ ñɩnʋʋ.+
9 Taakizi se mantaana ñɛ-ɛsɩndaa.*+
Taakɛzɩ ña-lɩmɖʋyʋ nɛ hɔɔlʋʋ ña-pana taa.
Ñɛkɛnɩ man-sɩnɩyʋ;+Ma-ñʋʋ yabʋ tɛ Ɛsɔ, taayebi-m nɛ taaha-m siɣye.
10 Paa man-caa nɛ mon-ɖoo pɔlɔ-m yɔ,+Yehowa maɣmaɣ kaɣ-m mʋʋ.+
11 Hayɩ Yehowa, wɩlɩ-m ña-nʋmɔʋ,+Mon-koyindinaa yɔɔ lɛ, ɖiyi-m siɣsiɣ wɛtʋ nʋmɔʋ taa.
12 Taaɖʋzɩ-m mba pakaɖɩɣnɩ-m yɔ pe-nesi tɛɛ,*+Mbʋ pʋyɔɔ yɔ aseɣɖe tɩnaa cɛtɩyaa kʋyɩ mɔ-yɔɔ,+Nɛ pɛkpɛzɩɣ-m nɛ puuyaɣ lakasɩ.
13 Le manpɩzaɣ se mɛwɛɛ ye mantaawɛɛnɩ tisuuSe mankaɣ naʋ Yehowa kɩbandʋ ɛsadɩnaa ɛjaɖɛ taa yɔ?*+
14 Taa Yehowa liu;+Wɛɛ abalɩtʋ, nɛ ŋwɛɛ ɖoŋ.+
Ɛɛɛ, taa Yehowa liu.
Pɩ-tɛɛ tɔm
^ Yaa «e-kooka kiɖeɖeɣa.»
^ Yaa «mɔncɔŋnɩ e-templo camɩyɛ.»
^ Yaa «Mankaɣ minziiki mabʋ.»
^ Piye piye, «Taamɛsɩ-m ñɛ-ɛsɩndaa.»
^ Yaa «pa-kalɩzaɣ nesi tɛɛ.»
^ Pɩpɩzɩɣ pɩkɛ, «Toovenim taa lɛ, mɛwɛnɩ tisuu se mankaɣ naʋ Yehowa kɩbandʋ ɛsadɩnaa ɛjaɖɛ taa.»
