Keɣa 4:1-8
Hendu teyaa ñʋʋdʋ: Petee-tʋ nɛ cɩmʋʋ wondu ndʋ tɩ-yɔɔ wɛ nimasɩ yɔ. Daviid hendu.
4 Hayɩ mɛ-Ɛsɔ siɣsiɣ tʋ,+ cosi-m alɩwaatʋ ndʋ mayaɣ-ŋ yɔ.
Man-kʋñɔŋ taa lɛ, ɖʋ-m nʋmɔʋ ŋgʋ mantɩŋ nɛ malɩɩ pɩ-taa yɔ.*
Na man-pʋtɔdɩyɛ nɛ ŋnɩɩ ma-adɩma.
2 Mɩ ɛyaa pɩyalaa, ɩwɛɣ nɛ ɩɖʋʋ-m fɛyɛ* nɛ pɩkɔɔ nɛ pɩsɩɩnɩ ɖooye?
Ɩwɛɣ nɛ ɩsɔɔlʋʋ mbʋ pɩɩwazɩɣ pʋyʋ yɔ nɛ ɩñɩnɩɣ mbʋ pɩkɛ cɛtɩm yɔ nɛ pɩkɔɔ nɛ pɩsɩɩnɩ ɖooye? (Sɛɛla)
3 Ɩtɩlɩ se Yehowa kaɣ labʋ ŋgee camɩyɛ lakasɩ ɛyʋ weyi ɛwɛ siɣsiɣ ɛ-ɛsɩndaa yɔ;*Alɩwaatʋ ndʋ mayaɣ Yehowa yɔ, ɛkaɣ nɩʋ.
4 Ɩkɔ pana, ɛlɛ ɩtaala kɩwɛɛkɩm.+
Ɩyɔɔdɩ mɩ-laŋa taa, mɩ-ñalʋʋ yɔɔ, nɛ isu tamɩyɛ. (Sɛɛla)
5 Ɩlaa siɣsiɣ wɛtʋ kɩlaŋ,Nɛ ɩtaa Yehowa liu.+
6 Ɛyaa sakɩyɛ yɔɔdʋʋ se: «Akaɣ-ɖʋ wɩlʋʋ pʋyʋ kɩbanʋ nɔɔyʋ?»
Hayɩ Yehowa, ñɛ-ɛsɩndaa ñalɩmɩyɛ ɛñandɩ ɖɔ-yɔɔ.+
7 Ŋhaɣzɩ ma-laŋɩyɛ taa leleŋ sɔsɔŋNɛ pɩkɩlɩ mba pɛwɛnɩ tɔɔnaɣ pee sakɩyɛ nɛ vɛɛ kɩfalʋʋ sakɩyɛ yɔ.
8 Mankaɣ hɩnʋʋ nɛ monɖoo laŋhɛzɩyɛ taa,+Mbʋ pʋyɔɔ yɔ, Oo Yehowa, ñe-ɖeke ñalakɩna nɛ mɛwɛɣ pɛɛyɛ taa.+
Pɩ-tɛɛ tɔm
^ Piye piye, «ñɔɔzɩ-m lone nɖɩ ɖɩwalaa yɔ.»
^ Yaa «ɩwɛɣ nɛ ɩpɩsɩɣ ma-hɩɖɛ ɖʋʋ fɛyɛ pʋyʋ.»
^ Yaa «kaɣ ɖiɣzinuu ɛyʋ weyi ɛwɛ siɣsiɣ ɛ-ɛsɩndaa yɔ; kaɣ sɩʋ kɩjaʋ ɛyʋ weyi ɛwɛ siɣsiɣ ɛ-ɛsɩndaa yɔ nɛ ɛkɛ ɛ-pʋyʋ.»
