Keɣa 42:1-11
Hendu teyaa ñʋʋdʋ. Kora+ pɩyalaa tɛ Masɩkili.*
42 Ɛzɩ hɩŋ ñɔɔɔ tʋ* weyi e-liu wɛ lɩm siŋŋ yɔ,Mbʋ ɖɔɖɔ me-liu* wɛ siŋŋ se mɛnsɛ-ŋ, Oo Ɛsɔ.
2 Ɛsɔ lɔkɔtʋ ɖɛ-m,* Ɛsɔ ɛsadʋ lɔkɔtʋ ɖɛ-m.+
Ɛzɩmtaa manpɩzɩɣ nɛ mɔnkɔɔ Ɛsɔ ɛsɩndaa?+
3 Mɛ-ɛsɩtɛɣlɩm kɛnɩ mɔn-tɔɔnaɣ wɩsɩ nɛ ɖoo;Evemiye kpeekpe, ɛyaa woŋuu-m nɛ pɔtɔŋ se: «Le ñɛ-Ɛsɔ wɛɛ?»+
4 Mɔntɔzʋʋ tɔm tʋnɛ tɩ-yɔɔ nɛ monkuluu ma-laŋɩyɛ nɛ meheyiɣ-ŋ man-taa tɔm,Mbʋ pʋyɔɔ yɔ ɖooo lɛ, ma nɛ samaɣ ɖɩɖɔŋaɣna;Mɔnɖɔŋaɣ hɛɛɛ kɛ-ɛsɩndaa nɛ ɖiwoki Ɛsɔ ɖɩɣa taaNɛ taa leleŋ kubusi nɛ ɛsɩmɩyɛ wɩlʋʋ kubusi.
Ðɩɩkɛ samaɣ sɔsɔɔ ŋga kɔtɔkaɣ kazandʋ yɔ.+
5 Ɛbɛ yɔɔ mɔlɔ* lidaʋ?+
Ɛbɛ yɔɔ pisidi-m* mbʋ?
Mankaɣ ɖaŋʋʋ Ɛsɔ,+Mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ.+
6 Mɛ-Ɛsɔ, mɔlɔ* lidaʋ.+
Pʋyɔɔ mɔntɔzʋʋ ñɔ-yɔɔ,+Kpaɣnɩ Yɔɔrdaŋ ɛjaɖɛ taa nɛ Hɛrɩmɔɔnɩ pʋŋ ñʋŋ taa,Kpaɣnɩ Mizar pʋʋ yɔɔ.*
7 Lɩm cukaŋ ñɩmbʋ yaɣ lɩm cukaŋ ñɩmbʋAlɩwaatʋ ndʋ panɩɣ ña-lɩm falʋʋ taŋ yɔ.
Ña-lɩm hola sɔsɔna kpeekpe hu mɔ-yɔɔ.+
8 Wɩsɩ taa lɛ, Yehowa kaɣ-m wɩlʋʋ ɛ-sɔɔlɩm siɣsiɣ ñɩmbʋ,Nɛ ɖoo taa lɛ, e-hendu kaɣ wɛʋ mɔ-nɔɔ taa—adɩma wena malakɩ me-wezuu Ɛsɔ yɔ.+
9 Mankaɣ pɔzʋʋ Ɛsɔ, man-kaaʋ se:
«Ɛbɛ yɔɔ ŋsɔ mɔ-yɔɔ?+
Ɛbɛ yɔɔ pɩwɛɛ se mon-koyindu ɛnazɩɣ-m nɛ moyotuu laŋwɛɛkɩyɛ taa?»+
10 Mon-koyindinaa paɖɩɣ-m sɩm yɔɔ sɩm yɔɔ nɛ pohoŋuu-m;*Evemiye kpeekpe, pohoŋuu-m nɛ pɔtɔŋ se: «Le ñɛ-Ɛsɔ wɛɛ?»+
11 Ɛbɛ yɔɔ mɔlɔ* lidaʋ?
Ɛbɛ yɔɔ pisidi-m* mbʋ?
Mankaɣ ɖaŋʋʋ Ɛsɔ,+Mbʋ pʋyɔɔ yɔ mankaɣ-ɩ tasʋʋ sam, ɛnʋ lɛ ma-Ñʋʋ Yaɖʋ Sɔsɔ nɛ mɛ-Ɛsɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Hɩŋ ñɔɔɔ tʋ kɛnɩ nam weyi ɛwɛnɩ hɩŋ sakɩyɛ yɔ.
^ Yaa «man-kalɩzaɣ liu.»
^ Yaa «ɖɛ man-kalɩzaɣ.»
^ Piye piye, «pisidi man-taa.»
^ Yaa «man-kalɩzaɣ lɔ.»
^ Yaa «man-kalɩzaɣ lɔ.»
^ Yaa «Kpaɣnɩ pʋʋ cikpeluu yɔɔ.»
^ Pɩpɩzɩɣ pɩkɛ, «Mon-koyindinaa hoŋuu-m ɛzɩ pɔtɔyɩtʋʋ mɔ-mɔɔ kɩtɔyɩtʋ yɔ.»
^ Yaa «man-kalɩzaɣ lɔ.»
^ Cɔnɩ kalɩtʋ 5 tɛ pɩ-tɛɛ tɔm.
