Keɣa 5:1-12
Hendu teyaa ñʋʋdʋ; Nehilɔɔtɩ.* Daviid hendu.
5 Hayɩ Yehowa, welisi mɔn-tɔm;+Nɩɩ ma-amuza.
2 Welisi kubusi nzɩ mamakɩ se ŋsɩnɩ-m yɔ,Hayɩ me-Wiyaʋ nɛ mɛ-Ɛsɔ, mbʋ pʋyɔɔ yɔ ña mantɩmɩɣna.
3 Hayɩ Yehowa, ŋkaɣ nɩʋ mɔ-nɔɔ tanaŋ tɛɛ;+Mankaɣ-ŋ heyuu man-kɩcɛyɩm tanaŋ tɛɛ+ nɛ manɖaŋɩ-ŋ kpam.
4 Mbʋ pʋyɔɔ yɔ ŋtɩkɛ Ɛsɔ weyi ɛ-taa lakɩ leleŋ nɛ kañatʋ lakasɩ yɔ;+Ɛyʋ kɩdɛkɛdʋ nɔɔyʋ ɛɛpɩzɩɣ nɛ ɛcaɣ ñɔ-cɔlɔ.+
5 Tɩ kpazɩyʋ nɔɔyʋ ɛɛpɩzɩɣ nɛ ɛsɩŋ ñɛ-ɛsɩndaa.
Ŋpaɖɩɣ mba payɩ palakɩ kañatʋ lakasɩ yɔ;+
6 Ŋkaɣ ɖɩzʋʋ mba pɔyɔɔdʋʋ cɛtɩm tɔm yɔ.+
Yehowa paɖɩɣ puuyaɣ tɩnaa nɛ pɔbɔtʋ tɩnaa.*+
7 Ɛlɛ ñɔ-sɔɔlɩm siɣsiɣ ñɩmbʋ sɔsɔm yɔɔ lɛ,+ mankaɣ kɔm ña-ɖɩɣa taa;+Mankaɣ luŋuu nɛ manpa ɛsa nɛ ñe-templo kiɖeɖeu* nɛ mawɩlɩ se menseɣ-ŋ sɔɔndʋ siŋŋ.+
8 Hayɩ Yehowa, mon-koyindinaa yɔɔ lɛ, ɖiyi-m ñe-siɣsiɣ wɛtʋ taa;Hazɩ-m ña-nʋmɔʋ taa nɛ mɔnɖɔ nɛ pitaatuuli-m.+
9 Mbʋ pʋyɔɔ yɔ paapɩzɩɣ nɛ pataa pɔ-tɔm natʋyʋ liu;Lɩmaɣza kɩdɛkɛda ɖeke suni pa-taa;Pe-likiyuu kɛ pɩlaʋ ŋgʋ kɩha nɔɔ haaa yɔ;Pepeɣziɣni pa-nzʋlʋmɩyɛ.*+
10 Ɛlɛ Ɛsɔ kaɣ pɔ-tɔm kʋʋ;Mbʋ pa-maɣmaɣ pɛkpɛyɩɣ yɔ, pɩkaɣ labʋ nɛ pɔtɔlɩ.+
Tɛtɛ nɛ pa-kɩwɛɛkɩm sakɩyɛ yɔɔ lɛ, pɔɖɔɔnɩ-wɛ,Mbʋ pʋyɔɔ yɔ pakaɖɩnɩ-ŋ.
11 Ɛlɛ mba payɩ paɖʋʋ-ŋ kʋyʋʋ yɔ, pakaɣ mɛyʋʋ;+Pakaɣ mabʋ taa leleŋ kubusi paa ɛzɩmtaa.
Ŋkaɣ ɖɩɣʋ nʋmɔʋ se nɔɔyʋ ɛtaañɔtɩnɩ-wɛ,Nɛ mba pɔsɔɔlɩ ña-hɩɖɛ yɔ, ñɔ-yɔɔ lɛ, pakaɣ mɛyʋʋ.
12 Mbʋ pʋyɔɔ yɔ, Oo Yehowa, ŋkaɣ wazʋʋ mba payɩ pɛwɛ siɣsiɣ yɔ;Pɔ-tɔm kaɣ-ŋ kɛdɩnʋʋ. Ŋkaɣ pɔ-yɔɔ kandɩyʋʋ ɛzɩ kpayʋʋ sɔsɔʋ yɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «paɖɩɣ calɩm kpɛdɩyʋ nɛ pɔbɔtʋ tʋ.»
^ Yaa «ño-kooka kiɖeɖeɣa.»
^ Yaa «Pɔyɔɔdʋʋnɩ nɔɔ leleŋ.»
