Keɣa 50:1-23
Azaafʋ+ hendu.
50 Ɛsɔnaa taa Ɛsɔ Yehowa*+ yɔɔdaa;Ɛyaɣ tɛtʋ kpeekpe yɔɔ ɛyaa*Kpaɣnɩ wɩsɩ ɖɩlɩyɛ nɛ piwolo wɩsɩ ɖɩɖʋyɛ.*
2 Ɛsɔ ñalɩmɩyɛ lɩɣnɩ Siyɔŋ, ki-keɖeɣa wayɩ fɛyɩ.+
3 Ðɛ-Ɛsɔ kaɣ kɔm nɛ ɛɛpɩzɩɣ nɛ esu tamɩyɛ.+
Miŋ weyi ɛɖɩzɩɣ wondu caɣ caɣ yɔ ɛwɛ ɛ-ɛsɩndaa,+Nɛ tɛʋ sɔsɔʋ ŋgʋ kɩnɩɣnɩ helim sɔsɔm yɔ kɩcɔ-ɩ nɛ kɩta.+
4 Ɛyaɣ ɛsɔdaa nɛ tɛtʋ,+Se ɛhʋʋnɩ ɛ-samaɣ tɔm:+
5 «Ikpeɣli mɛ-ɛyaa siɣsiɣ tɩnaa mɔn-cɔlɔ,Mba patɩŋɩɣnɩ kɩlaʋ yɔɔ nɛ paɖʋʋ-m nɛ ɛgbɛyɛ yɔ.»+
6 Ɛsɔdaa susuu e-siɣsiɣ wɛtʋ,Mbʋ pʋyɔɔ yɔ Ɛsɔ maɣmaɣ kɛnɩ Tɔm Hʋyʋ.+ (Sɛɛla)
7 «Hayɩ man-samaɣ, welisi nɛ mɔyɔɔdɩ;Izrayɛɛlɩ, mankaɣ lɩzʋʋ aseɣɖe nɛ mankʋ ñɔ-tɔm.+
Mɛkɛnɩ Ɛsɔ, ñɛ-Ɛsɔ.+
8 Pɩtɩkɛ ña-kɩlaŋ yɔɔ mankalɩɣ-ŋ,Nɛ pɩtɩkɛ ɖɔɖɔ ña-kɩlaŋ kɩñaɣzɩŋ weyi ɩwɛ mɛ-ɛsɩndaa paa ɛzɩmtaa yɔ ɩ-yɔɔ mankalɩɣ-ŋ.+
9 Pɩtɩcɛyɩ se mankpa nɔ abalɩñɩnʋ nɔɔyʋ ña-ɖɩɣa taa,Yaa pʋŋ* ña-kalakɩŋ taa.+
10 Mbʋ pʋyɔɔ yɔ matɩnɩ laʋ tɛɛ tɛtɛgbɩna tɩŋa,+Halɩ pɩkpɛndɩnɩ kpɩna wena awɛ pʋŋ 1000 yɔɔ yɔ.
11 Mansɩm pʋŋ taa sumasɩ tɩŋa;+Matɩnɩ ñɩtʋ taa kpɩna wena afɛyɩ kalʋʋ yɔ.
12 Ye ñɔɔsɩ ɛwɩɣ-m yɔ, maakaɣ-ŋ heyuu,Mbʋ pʋyɔɔ yɔ matɩnɩ tɛtʋ nɛ mbʋ payɩ pɩwɛ tɩ-yɔɔ yɔ.+
13 Ɛzɩ mankaɣ tɔɔʋ naŋ abalɩñɩŋ nandʋNɛ mɔñɔɔ pʋŋ calɩm na?+
14 Wɩlɩ Ɛsɔ ñɛ-ɛsɩmɩyɛ se pɩkɛnɩ ña-kɩlaʋ,+Nɛ ŋɖɔ ɖɔɖɔ ɖuutu ndʋ ŋɖuuni Kɩlɩm yɔ tɩ-yɔɔ;+
15 Ya-m kʋñɔŋ alɩwaatʋ taa.+
Mankaɣ-ŋ holuu, nɛ ŋkaɣ-m sam.»+
16 Ɛlɛ Ɛsɔ kaɣ heyuu kañatʋ tʋ se:
«Aha-ŋ nʋmɔʋ se ŋkɛdɩ man-paɣtʋ tɔm+Yaa ŋyɔɔdɩ mɛ-ɛgbɛyɛ ɖʋʋ tɔm?+
17 Mbʋ pʋyɔɔ yɔ, ŋpaɖɩɣ lɔŋ sɩɣzʋʋ,*Nɛ ŋŋyeki haʋ siɣye mɔn-tɔm.*+
18 Ŋnaɣ mɩlʋ lɛ, ɛ-tɔm kɛdɩɣnɩ-ŋ,*+Nɛ ŋɖʋʋ taabalɩyɛ nɛ acɛyɛ laɖaa.
19 Ŋyɛlɩɣnɩ tɔm kɩdɛkɛdɩtʋ nɛ ñɔ-nɔɔ,Nɛ cɛtɩm ñɔnɩ ña-nzʋlʋmɩyɛ.+
20 Ŋcakɩ nɛ ŋyɔɔdʋʋ ño-koobu maɣmaɣ yɔɔ tɔm kɩdɛkɛdɩtʋ;+Ŋkuluu ño-ɖoo pɩyalʋ maɣmaɣ ɛjandʋ yɔɔ.*
21 Ŋlakaɣ lakasɩ nzɩ lɛ, maasum tamɩyɛ,Pʋyɔɔ ŋmaɣzaa se mɛwɛ ɛzɩ ña yɔ.
Ɛlɛ lɛɛlɛɛyɔ lɛ, mankaɣ ña-nɩŋgbaŋʋʋ hɔm,Nɛ mankaɣ-ŋ heyuu ndʋ man-taa wɛnɩ-ŋ yɔ.+
22 Mentendi-mɩ, ɩmaɣzɩ tɔm ndʋ tɩ-yɔɔ, mɩ mba ɩsɔ Ɛsɔ yɔɔ yɔ,+Pɩtɩkɛ mbʋ yɔ, mancɩyɩɣ-mɩ nanʋʋ nanʋʋ nɛ nɔɔyʋ eeholuu-mɩ.
23 Weyi ɛwɩlɩɣ-m ɛsɩmɩyɛ se pɩkɛnɩ ɛ-kɩlaʋ yɔ, ɛsaŋɩ-m,+Nɛ weyi ɛɖɔŋ nʋmɔʋ kɩbaŋʋ taa yɔ,Mankaɣ labʋ nɛ ɛna Ɛsɔ ñʋʋ yabʋ.»+
Pɩ-tɛɛ tɔm
^ Yaa «Ɛsɔ, Ɛsɔ, Yehowa.»
^ Piye piye, «Ɛyaɣ tɛtʋ.»
^ Yaa «Kpaɣnɩ alɩwaatʋ ndʋ wɩsɩ lɩɣ yɔ nɛ pɩsɩɩnɩ alɩwaatʋ ndʋ sɩɖʋʋ yɔ.»
^ Piye piye, «tuliŋ.»
^ Piye piye, «lɔʋ mɔn-tɔm nɛ ña-wayɩ.»
^ Yaa «tɔm ndʋ mawɩlɩɣ-ŋ yɔ.»
^ Pɩpɩzɩɣ pɩkɛ, «ŋtɩŋɩɣ-ɩ.»
^ Yaa «Ŋwɛɛkɩɣ ño-ɖoo pɩyalʋ maɣmaɣ hɩɖɛ.»
