Keɣa 56:1-13
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Ehooye nɖɩ ɖisum tamɩyɛ nɛ ɖɩwɛ poliŋ taa yɔ.» Daviid hendu. Mikɩtam.* Alɩwaatʋ ndʋ Filistii mba kpa-ɩ Gaatɩ+ yɔ.
56 Hayɩ Ɛsɔ, na man-pʋtɔdɩyɛ, mbʋ pʋyɔɔ yɔ ɛyaa wɛɛ nɛ poyouni-m.*
Pɛwɛɛ nɛ palʋkɩnɩ-m nɛ panazɩɣ-m evemiye kpeekpe.
2 Evemiye kpeekpe, mon-koyindinaa ñɩnɩɣ kaahɛzaɣ se pakpa-m;Ɛyaa sakɩyɛ youni-m nɛ tɩ kpazʋʋ.
3 Sɔɔndʋ kpaɣ-m lɛ,+ ña mantaɣ liu.+
4 Ɛsɔ, weyi ɛ-tɔm mansaŋ yɔ,Ɛsɔ ɛnʋ mantaɣ liu; sɔɔndʋ ɛɛkpaɣ-m.
Ɛbɛ ɛyʋ yem* pɩzɩɣ nɛ ɛlabɩ-m?+
5 Evemiye kpeekpe, paɖʋzʋʋ-m;Pa-lɩmaɣza kpeekpe lɛ se palabɩ-m kɩdɛkɛdɩm.+
6 Pɛmɛlɩɣ se poyooni-m;Pɛ-ɛsa wɛ ɖenɖe payɩ mɛnfɛyɩɣ yɔ,+Nɛ pañɩnɩɣ se palɩzɩ me-wezuu.*+
7 Pa-kañatʋ lakasɩ yɔɔ lɛ, lɔ-wɛ.
Oo Ɛsɔ, ña-pana taa lɛ, tuzi ajɛɛ nɛ ŋpɛɖɩ.+
8 Ñɛ-ɛsa wɛ ɖenɖe payɩ moyotuu yɔ.+
Teɣzi mɛ-ɛsɩtɛɣlɩm ñɔ-tɔnɛ kokoɖe taa.+
Patɩma pɩ-tɔm ña-takayaɣ taa yaa we?+
9 Kɩyakʋ ŋgʋ mayaɣ-ŋ se ŋsɩnɩ-m yɔ, mon-koyindinaa kaɣ pɩsɩnʋʋ wayɩ.+
Maapɩtɩɣ tɔm tʋnɛ tɩ-yɔɔ: Ɛsɔ wɛ mɔ-hɔɔlʋʋ yɔɔ.+
10 Ɛsɔ, weyi ɛ-tɔm mansaŋ yɔ,
Yehowa, weyi ɛ-tɔm mansaŋ yɔ,
11 Ɛsɔ ɛnʋ mantaɣ liu; sɔɔndʋ ɛɛkpaɣ-m.+
Ɛbɛ ɛyʋ yem pɩzɩɣ nɛ ɛlabɩ-m?+
12 Oo Ɛsɔ, ɖuutu ndʋ malabɩ-ŋ yɔ tɩhɔkɩnɩ-m;+Mankaɣ-ŋ laʋ ɛsɩmɩyɛ wɩlʋʋ kɩlaŋ.+
13 Mbʋ pʋyɔɔ yɔ ŋholi-m* sɩm nesi tɛɛ+Nɛ ŋtiyele se pituuli-m,+Se pɩsa nɛ mɔnɖɔ ɛsadɩnaa ñalɩmɩyɛ taa Ɛsɔ ɛsɩndaa.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «ɛyaa ñɩnɩɣ se pakpa-m.»
^ Piye piye, «Ɛbɛ tomnaɣ nandʋ.»
^ Yaa «man-kalɩzaɣ.»
^ Yaa «ŋholi man-kalɩzaɣ.»
