Keɣa 58:1-11
-
Ɛsɔ nɔɔyʋ wɛɛ nɛ ɛhʋʋ tɔm tɛtʋ yɔɔ
-
Ɛtɩmɩɣ se pɔhɔ kañatʋ tɩnaa nɩŋgbaŋʋʋ (6-8)
-
Hendu teyaa ñʋʋdʋ; pɩwɛɛ se tɩmʋnɩ cɩmʋʋ ŋgʋ payaɣ se «Taaɖɩzɩ» yɔ. Daviid hendu. Mikɩtam.*
58 Ɩpɩzɩɣ nɛ ɩyɔɔdɩ siɣsiɣ wɛtʋ tɔm alɩwaatʋ ndʋ isum tamɩyɛ yɔ?+
Mɩ ɛyaa pɩyalaa, ɩpɩzɩɣ nɛ ɩhʋʋ tɔm siɣsiɣ na?+
2 Ɛlɛ ɩkpɛyɩɣ mbʋ pɩfɛyɩ siɣsiɣ yɔ mɩ-laŋa taa,+Nɛ mi-nesi yɛlɩɣnɩ puuyaɣ lakasɩ tɛtʋ taa.+
3 Kañatʋ tɩnaa lebi nʋmɔʋ* patɩɩlʋlɩ-wɛ lɛ;*Pɛkɛ kaañamtʋ tɩnaa nɛ cɛtɩyaa kpaɣnɩ alɩwaatʋ ndʋ palʋlɩ-wɛ yɔ.
4 Pɔ-sɔtʋ wɛ ɛzɩ ɖʋmaa sɔtʋ yɔ;+Pɛkɛ tandamaa ɛzɩ ɖalʋ weyi ɛɖɩɣ ɛ-nɩŋgbaŋʋʋ yɔ.
5 Ɛɛkaɣ welisuu fadɩŋ hɔkɩyaa nɔsɩ,Paa pɛwɛ niye fadɩŋ hɔkʋʋ taa ɛzɩma yɔ.
6 Oo Ɛsɔ, yɔkɩ pɔ-nɔsɩ taa kela!
Oo Yehowa, yɔkɩ mʋʋzɩŋ ɛnɩ* ɩ-tamasɩ!
7 Tɛtɛ nɛ pɛɖɛɛ* ɛzɩ lɩm mbʋ pikpeŋ yɔ.
Ɛsɔ ɛñɔɔzɩ* ɛ-tɔʋ nɛ ɛyaɣ-wɛ ɛ-ñɩma nɛ pɔtɔlɩ.
8 Tɛtɛ nɛ pɛwɛɛ ɛzɩ kɔŋgɔlɩmɩɖɛ nɖɩ ɖɩyɔlʋʋ ɖɛʋ yɔɔ yɔ;Ɛzɩ pɩɣa ŋga kasɩbɩ ko-ɖoo lotu taa pʋcɔ nɛ ɛlʋlʋʋ-kɛ nɛ katɩna wɩsɩ wiɖiyi yɔ.
9 Pʋcɔ nɛ sɔɔ cɔka miŋ paɣzɩ mi-ɖeɣbee soŋuu lɛ,Ɛkaɣ hazʋʋ piliŋa lɛŋ ñɩŋga nɛ ŋga keɖiɣni mʋʋ yɔ nɛ ɛɖɛna, ɛzɩ helim sɔsɔm kpaɣnɩ-sɩ yɔ.+
10 Ɛyʋ siɣsiɣ tʋ taa kaɣ labʋ leleŋ, mbʋ pʋyɔɔ yɔ ɛna kɩmɩyɛ kpaʋ;+Ɛkaɣ mɩtʋʋ kañatʋ tʋ calɩm taa.+
11 Ðɩnɛ ɛlɛ ɛyaa kaɣ yɔɔdʋʋ se: «Toovenim taa, siɣsiɣ tʋ wɛnɩ kɩhɛyʋʋ nakʋyʋ.+
Toovenim taa lɛ, Ɛsɔ nɔɔyʋ wɛɛ nɛ ɛhʋʋ tɔm tɛtʋ yɔɔ.»+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «kɛ kɩdɛkɛdaa.»
^ Piye piye, «kpaɣnɩ lotu taa.»
^ Yaa «mʋʋzɩŋ weyi ɩwɛnɩ kpɛm i-pondona yɔɔ yɔ.» Mʋʋzɩŋ weyi ɩ nɛ i-ɖoŋ nɛ ɩtɩkpadɩyɩ yɔ ɩ-tɔm pɔyɔɔdʋʋ.
^ Yaa «pamʋʋ.»
^ Yaa «ekoti.»
