Keɣa 76:1-12
Hendu teyaa ñʋʋdʋ: Petee-tʋ nɛ cɩmʋʋ wondu ndʋ tɩ-yɔɔ wɛ nimasɩ yɔ. Azaafʋ+ hendu.
76 Pasɩm Ɛsɔ Yuuda taa;+Ɛ-hɩɖɛ paɣlɩ Izrayɛɛlɩ taa.+
2 E-cokiye wɛ Salɛm,+Nɛ ɛ-ɖɩjaɣyɛ wɛ Siyɔŋ.+
3 Peeɖe ɛpɛlɩ tɔʋ ñɩma wena a-yɔɔ wɛ miŋ yɔ,*Kpayʋʋ, laɣɖɛ nɛ you wondu.+ (Sɛɛla)
4 Ŋñɩlɩsɩɣ pɩdɩɩfɛyɩ;*Ŋpaɣlaa nɛ pɩkɩlɩ pʋŋ weyi ɩ-yɔɔ kpɩna wena akpaɣ nandʋ nɛ atɔkɩ yɔ awɛɛ yɔ.
5 Palazɩ mba pɛwɛ abalɩtʋ yɔ po-wondu.+
Ðom kpaɣ-wɛ;You laɖaa taa nɔɔyʋ taawɛɛnɩ ɖoŋ nɩɩyɩ.+
6 Oo Yakɔɔb tɛ Ɛsɔ, ŋñazaa lɛ,Kɛɛkɛɛ sayʋ nɛ kpaŋnʋ poɖoo ɖom cukaŋ ñɩmbʋ.+
7 Ñe-ɖeke ñacaɣnɩ sɔɔndʋ.+
Apɩzɩɣ nɛ ɛkaɖɩnɩ ña-pana sɔsɔna?+
8 Ɛsɔdaa ŋwɛɛ nɛ ŋyele nɛ patɩlɩ ñɔ-tɔm hʋʋ;+Sɔɔndʋ kpa tɛtʋ nɛ tisu tamɩyɛ+
9 Alɩwaatʋ ndʋ Ɛsɔ kʋyaa se ɛhɔ e-koyindinaa nɩŋgbaaŋ yɔ,Se ɛya tɛtʋ yɔɔ hɛɛɛ tɩnaa kpeekpe ñʋʋ yɔ.+ (Sɛɛla)
10 Mbʋ pʋyɔɔ yɔ ɛyʋ pana kaɣ-ŋ kɔnʋʋ samtʋ;+Ŋkaɣ ña-tɩ canʋʋ nɛ pa-pana wena akazaa yɔ.
11 Iɖuu ɖuutu mɩ-Ɛsɔ Yehowa nɛ ɩɖɔ tɩ-yɔɔ,+Tɛtɛ nɛ mba payɩ pɔcɔ-ɩ nɛ pata yɔ, pɔkɔnɩ pa-haɖɛ nɛ sɔɔndʋ.+
12 Ɛkaɣ luzuu ñʋndɩnaa tɩ kpazʋʋ;*Ɛlakɩ nɛ sɔɔndʋ kpaɣ tɛtʋ yɔɔ awiya.
