Ɛzɩ Maarɩkɩ kɛdʋʋ yɔ 16:1-8
-
Pefezi Yesu (1-8)
16 Nɛ Sabaatɩ+ tɛma lɛ, Maarɩɩ Magdalaa tʋ, Yakubu ɖoo Maarɩɩ,+ nɛ Salomee paya sɔzɩŋ kɔ se powolo nɛ pataa-yɛ e-tomnaɣ.+
2 Nɛ palɩɩ tanaŋ tɛɛ cu kpɩtaʋ kajalaɣ kɩyakʋ wiye, nɛ pɔkɔɔ pɩlaʋ* yɔɔ+ alɩwaatʋ ndʋ wɩsɩ lɩwa yɔ.
3 Pɔpɔzaɣ ɖama se: «Akaɣ-ɖʋ pilisuu pɩyɛ pɩlaʋ nɔɔ?»
4 Ɛlɛ pakpazɩ pɛ-ɛsa lɛ, pana se pepilisi pɩyɛ nɖɩ, ŋgʋ ɖɩɩpaɣlɩ siŋŋ.+
5 Pasʋ pɩlaʋ taa lɛ, pana evebu nɔɔyʋ ɛcaɣ pe-nesi kɩbanzɩ yɔɔ, esu toko kɩɖaɣlʋʋ kʋhʋlʋmʋʋ, nɛ sɔɔndʋ kpa-wɛ siŋŋ.
6 Eheyi-wɛ se: «Sɔɔndʋ ɛtaakpa-mɩ.+ Manawa se Yesu Nazarɛɛtɩ tʋ weyi paakamɩ-ɩ sizika yɔɔ yɔ, ɛnʋ ɩwɛɛ nɛ ɩñɩnɩɣ. Efema.+ Ɛfɛyɩ cɩnɛ. Ɩna, lone ɖɩnɛ ɖɩ-taa paahɩzɩ-ɩ.+
7 Ɛlɛ iwolo nɛ iheyi ɛ-tɔmkpɛlɩkɩyaa nɛ Pɩyɛɛrɩ se: “Ɛɖɛɣ-mɩ nɔɔ nɛ ewolo Galilee.+ Ɩkaɣ-ɩ naʋ peeɖe ɛzɩ eeheyuu-mɩ yɔ.”»+
8 Pʋyɔɔ palɩnɩ pɩlaʋ taa lɛ, pakpaɣ seya nɛ sɔɔndʋ kpa-wɛ pɩdɩɩfɛyɩ nɛ peseliɣ. Nɛ pataaheyi nɔɔyʋ natʋyʋ, mbʋ pʋyɔɔ yɔ sɔɔndʋ kpaɣaɣ-wɛ.*+
Pɩ-tɛɛ tɔm
^ Yaa «pɩlaʋ ŋgʋ kɩ-yɔɔ pɔtɔzʋʋ yɔ.»
^ Takayɩsɩ kɩbɩnzɩ nzɩ pataɣ-sɩ liu yɔ, sɩwɩlɩɣ se Maarɩkɩ tɛ Evaŋgilim sɩnɩ tɔm ndʋ tɩwɛ kalɩtʋ 8 taa yɔ. Cɔnɩ Tɔm kɩsɔzɩtʋ A3.
