Aduwa 4:1-27
4 Man-pɩyalaa, iwelisi lɔŋ weyi caja nɔɔyʋ sɩɣzɩɣ-mɩ yɔ;+Ɩkʋ nɩŋgbaŋʋʋ nɛ ɩwɛɛnɩ tɔm taa nɩʋ lɛɣtʋ,
2 Mbʋ pʋyɔɔ yɔ mankaɣ-mɩ tasʋʋ lɔŋ kɩbaŋ;Ɩtaalɔ tɔm ndʋ mawɩlɩɣ-mɩ yɔ.*+
3 Maakɛ man-caa pɩyalʋ kɩbanʋ,+Maakɛ pɩɣa ŋga mon-ɖoo kaakɩlɩ sɔɔlʋʋ yɔ.+
4 Man-caa wɩlɩ-m tɔm nɛ eheyi-m se: «Ña-laŋɩyɛ ɛɖɔkɩ mɔn-tɔm kpam.+
Ðɔ man-paɣtʋ yɔɔ nɛ ŋwɛɛ wezuu.+
5 Ñaɣ pana nɛ ŋwɛɛnɩ lɔŋsɩnɖɛ, ñaɣ pana nɛ ŋwɛɛnɩ tɔm taa nɩʋ lɛɣtʋ.+
Taasɔɔ, nɛ taaha siɣye tɔm ndʋ mɔyɔɔdʋʋ yɔ.
6 Taalɔ-tʋ, nɛ tɩkaɣ ñɔ-yɔɔ kandɩyʋʋ.
Sɔɔlɩ-tʋ, nɛ tɩkaɣ ñɔ-yɔɔ huuzuu.
7 Lɔŋsɩnɖɛ kɛnɩ mbʋ pɩ-tɔm kɩlɩ cɛyʋʋ yɔ;+ pʋyɔɔ lɛ, ñaɣ pana nɛ ŋwɛɛnɩ lɔŋsɩnɖɛ,Nɛ pɩtasɩnɩ mbʋ payɩ ŋñakɩ pana se ŋwɛɛna yɔ lɛ, ñaɣ pana nɛ ŋwɛɛnɩ tɔm taa nɩʋ lɛɣtʋ.+
8 Yele nɛ lɔŋsɩnɖɛ mʋ ñɩm siŋŋ ñɛ-ɛsɩndaa, nɛ ɖɩkaɣ-ŋ kpazʋʋ.+
Ðɩkaɣ-ŋ hɩɖɛ ɖʋʋ, mbʋ pʋyɔɔ yɔ ŋkpiikini-ɖɩ kpam.+
9 Ðɩkaɣ pam ña-ñʋʋ taa ajana hulaɣ;*Ðɩkaɣ-ŋ canʋʋ nɛ awiya hulaɣ ŋga keɖewa yɔ.»
10 Man-pɩyalʋ, welisi, nɛ ŋmʋ mɔn-tɔm,Ðɩnɛ ɛlɛ ŋkaɣ caɣʋ wezuu pɩnzɩ sakɩyɛ.+
11 Mankaɣ-ŋ wɩlʋʋ lɔŋsɩnɖɛ nʋmɔʋ;+Mankaɣ-ŋ ɖiyuu siɣsiɣ wɛtʋ nʋmɔsɔkasɩ taa.+
12 Ŋŋɖɔŋ lɛ, nabʋyʋ ɛɛkaɣ kaɣdʋʋ ña-nɩŋgbanzɩ;Nɛ ye ŋseɣ yɔ, pɩɩkaɣ-ŋ tuuluu.
13 Ðɔkɩ lɔŋ weyi pasɩɣzɩɣ-ŋ yɔ kpam; taayebi-i.+
Ðɔkɩ-ɩ kpam, mbʋ pʋyɔɔ yɔ ɛnʋ kɛnɩ ñe-wezuu.+
14 Taakpaɣ kañatʋ tɩnaa nʋmɔʋ,Nɛ taaɖɔ kɩdɛkɛdɩm laɖaa nʋmɔʋ taa.+
15 Se-kʋ, taakpaɣ-kʋ;+Ha-kʋ siɣye nɛ ŋɖɛɛ.+
16 Mbʋ pʋyɔɔ yɔ ye patɩla kɩdɛkɛdɩm yɔ, paapɩzɩɣ nɛ poɖoo.
Ye patɩtɔlɩsɩ nɔɔyʋ yɔ, ɖom ɛɛkɔŋ pɛ-ɛsɩndaa.
17 Kañatʋ lakasɩ kpɔnɔ pacalɩɣnɩ pa-tɩ,Puuyaɣ lakasɩ vɛɛ pɔñɔʋ.
18 Ɛlɛ ɛyaa siɣsiɣ tɩnaa nʋmɔʋ wɛ ɛzɩ tanaŋ tɛɛ ñalɩmɩyɛNɖɩ ɖɩwɛɣ ñandʋʋ yɔɔ nɛ pɩkɔɔ nɛ pɩsɩɩnɩ alɩwaatʋ ndʋ pɩñandɩ kiya yɔ.+
19 Kañatʋ tɩnaa nʋmɔʋ wɛ ɛzɩ cɩkpɛndʋʋ yɔ;Paasɩŋ mbʋ pituuluu-wɛ yɔ.
20 Man-pɩyalʋ, kemsi mɔn-tɔm;Welisi camɩyɛ* ndʋ mɔyɔɔdʋʋ yɔ.
21 Ñɛ-ɛsa itaaposini-tʋ;Sɩɩ-tʋ ɖooo ña-laŋɩyɛ taa,+
22 Mbʋ pʋyɔɔ yɔ tɩkɛ wezuu mba pehikiɣ-tʋ yɔ+
Nɛ tɩhaɣ alaafɩya po-tomnaɣ* kpeekpe.
23 Kandɩyɩ ña-laŋɩyɛ yɔɔ nɛ pɩkpaɖɩ pɩtɩŋa payɩ,+Mbʋ pʋyɔɔ yɔ ɖɩ-taa wezuu hila lɩɣna.
24 Kizi cɛtɩm yɔɔdaɣ,+Posi ña-tɩ kpem nɛ tɔm ndʋ tipeɣziɣ lalaa yɔ tɩ-yɔɔdʋʋ.
25 Pɩwɛɛ se ñɛ-ɛsa ɩcɔnɩ ñɛ-ɛsɩndaa cuɖuɖu,Ɛɛɛ, ka ñɛ-ɛsa* nɛ ŋcɔnɩnɩ ñɛ-ɛsɩndaa cuɖuɖu.+
26 Yɔlɩsɩ pɩtɩŋa nʋmɔʋ ŋgʋ ña-nɩŋgbanzɩ ɖɔŋ yɔ kɩ-taa,*+Ðɩnɛ ɛlɛ kaɖɛ naɖɩyɛ ɛɛkaɣ-ŋ talʋʋ ña-nʋmɔŋ kpeekpe taa.
27 Taakpilini nɩwaŋ yɔɔ yaa nɩmɩyɛ yɔɔ.+
Posi ña-nɩŋgbanzɩ nɛ kɩdɛkɛdɩm.
Pɩ-tɛɛ tɔm
^ Yaa «Ɩtaalɔ man-paɣtʋ.»
^ Yaa «hulaɣ ŋga palʋ-kɛ nɛ hɛtʋ yɔ.»
^ Piye piye, «Kʋ nɩŋgbaŋʋʋ.»
^ Piye piye, «po-tomnaɣ nandʋ.»
^ Yaa «ñɛ-ɛsa wena añɩlɩsɩɣ yɔ.»
^ Pɩpɩzɩɣ pɩkɛ, «Maɣzɩ camɩyɛ nʋmɔʋ ŋgʋ ña-nɩŋgbanzɩ ɖɔŋ yɔ kɩ-yɔɔ.»
