Mikee 4:1-13
4 Kɛdɛzaɣ kɩyakɩŋ taa lɛ,*Yehowa ɖɩɣa pʋʋ+Kaɣ kam camɩyɛ pʋŋ ñʋŋ yɔɔ,Nɛ kɩkaɣ kʋyʋʋ piyisi ñʋŋ yɔɔ,Nɛ samasɩ kaɣ lɔtʋʋ nɛ siwolo kɩ-yɔɔ.+
2 Nɛ ajɛɛ sakɩyɛ kaɣ wobu nɛ ayɔɔdɩ se:
«Ɩkɔɔ nɛ ɖɩkpa Yehowa pʋʋ yɔɔNɛ Yakɔɔb tɛ Ɛsɔ ɖɩɣa taa.+
Ɛkaɣ-ɖʋ wɩlʋʋ ɛ-nʋmɔŋ,Nɛ ɖɩkaɣ ɖɔm ɛ-nʋmɔsɔkasɩ taa.»
Mbʋ pʋyɔɔ yɔ paɣtʋ* kaɣ lɩnʋʋ Siyɔŋ,Nɛ Yehowa tɔm kaɣ lɩnʋʋ Yeruzalɛm.
3 Ɛkaɣ tɔm hʋʋ samasɩ sakɩyɛ hɛkʋ taa+Nɛ ɛñɔɔzɩ mbʋ pɩtɩtʋʋzɩ yɔ ajɛɛ ɖoŋ ñɩna taa nɛ pɩtalɩ ɖooo poliŋ taa.*
Pakaɣ kpaɣʋ pa-laɣla nɛ polubini hakiŋNɛ pakpaɣ pa-kɩgbɛzɛmɩŋ nɛ polubini loozonaa.+
Ɛjaɖɛ naɖɩyɛ ɛɛkaɣ kpazʋʋ laɣɖɛ ɛjaɖɛ lɛɛɖɛ yɔɔ,Nɛ paakaɣ tasʋʋ kpɛlɩkʋʋ you labʋ.+
4 Paa weyi lɛ, ɛkaɣ caɣʋ e-viiñi tɛɛ nɛ e-fiigi tɩʋ tɛɛ,+Nɛ nɔɔyʋ ɛɛkaɣ-wɛ ɖʋʋ sɔɔndʋ,+Mbʋ pʋyɔɔ yɔ yoyaa tɛ Yehowa nɔɔ yɔɔdɩna.
5 Mbʋ pʋyɔɔ yɔ samasɩ tɩŋa kaɣ ɖɔm, paa ŋga lɛ kɛ-ɛsɔ hɩɖɛ taa,Ɛlɛ ɖa lɛ, ɖɩkaɣ ɖɔm ɖɛ-Ɛsɔ Yehowa hɩɖɛ taa+ tam.
6 «Puwiye lɛ,Mankaɣ kpeɣluu mba pɔɖɔŋ* taɖɩyɛ yɔ,Nɛ mɔntɔzɩ mba pamɩzaa yɔ nɛ mɛnkpɛndɩ ɖoli kʋɖʋm,+Pɩkpɛndɩnɩ mba mawɩlɩ-wɛ ñaŋ yɔ, Yehowa yɔɔdʋʋna.
7 Mankaɣ labʋ nɛ mba pɔɖɔŋ* taɖɩyɛ yɔ, papɩsɩ mba pɩkazaa yɔ,+Nɛ mba* pɔɖɔɔnɩ-wɛ nɛ pɛɖɛɛ ɖooo poliŋ taa yɔ, papɩsɩ ɛjaɖɛ ɖoŋ ñɩnɖɛ;+Nɛ Yehowa kaɣ pɔ-yɔɔ tɔɔʋ kewiyitu Siyɔŋ Pʋʋ yɔɔ,Kpaɣnɩ lɛɛlɛɛyɔ nɛ pɩɖɛɛ tam tam.
8 Ña lɛ, Oo ewiɖe tilimiye,Siyɔŋ pɛlɛ piyaɣ,+Tɩkaɣ ɖaɣnʋʋ pɩsʋʋ ñɔ-cɔlɔ, ɛɛɛ, kewiyitu tɔɔʋ kajalaɣ* ñɩndʋ kaɣ ɖaɣnʋʋ pɩsʋʋ ñɔ-cɔlɔ,+Yeruzalɛm pɛlɛ tɩnɩ kewiyaɣ.+
9 Lɛɛlɛɛyɔ lɛ, ɛbɛ yɔɔ ŋwɛɛ nɛ ŋmakɩ kubusi ɖoŋ?
Ɛzɩ ŋfɛyɩnɩ wiyaʋ,Yaa ñɔ-lɔŋ tasɩyʋ sɩba,Nɛ pʋyɔɔ lɛ, wɩzasɩ talɩ-ŋ ɛzɩ halʋ weyi eɖiɣni lʋlʋʋ yɔ?+
10 Ñalɩ nɛ ŋmɔlɩ, Oo Siyɔŋ pɛlɛ,Ɛzɩ halʋ weyi eɖiɣni lʋlʋʋ yɔ,Mbʋ pʋyɔɔ yɔ lɛɛlɛɛyɔ lɛ, ŋkaɣ kʋyʋʋ tɛtʋ taa nɛ ŋwolo ŋcaɣ hayɩm egeetiye taa.
Ŋkaɣ wobu ɖooo Babilɔɔnɩ,+Nɛ peeɖe pakaɣ-ŋ holuu;+Peeɖe Yehowa kaɣ-ŋ yabʋ ño-koyindinaa nesi tɛɛ nɛ ɛpɩsɩnɩ-ŋ.+
11 Lɛɛlɛɛyɔ lɛ, ajɛɛ sakɩyɛ kaɣ kpeɣluu nɛ akaɖɩnɩ-ŋ;Akaɣ yɔɔdʋʋ se: “Iyele nɛ pipisi-i,Nɛ iyele nɛ ɖɛ-ɛsa na mbʋ pɩtalɩɣ Siyɔŋ yɔ.”
12 Ɛlɛ paasɩŋ Yehowa lɩmaɣza,Paanɩɣ ɛ-tamaɣ* tɔbʋʋ;Mbʋ pʋyɔɔ yɔ ɛkaɣ-wɛ kpeɣluu ɛzɩ tɔɔnaɣ kɩfalaɣ ŋga pakʋma nɛ papɩlɩ caŋa tɔɔnaɣ ɖɩmaɖɛ taa yɔ.
13 Kʋyɩ nɛ ŋma tɔɔnaɣ, Oo Siyɔŋ pɛlɛ;+Mbʋ pʋyɔɔ yɔ mankaɣ yebu nɛ ña-hɩŋ pɩsɩ ñɩɣyʋʋ,Nɛ mankaɣ yebu nɛ ña-acaa pɩsɩ ñɩɣyʋʋ kɩsɛɛmʋʋ,Nɛ ŋkaɣ naŋʋʋ samasɩ sakɩyɛ mulu mulu.+
Ŋkaɣ kpaɣʋ po-mulum kɛzɛsɩ nɛ pɩpɩsɩ Yehowa pʋyʋ,Nɛ ŋkpaɣ pa-ñɩm nɛ ŋcɛlɩ tɛtʋ kpeekpe yɔɔ Kɩbaɣlʋ toovenim tʋ.»+
Pɩ-tɛɛ tɔm
^ Yaa «Kɩyakɩŋ ɖɩdɛnɖɛ alɩwaatʋ taa lɛ.»
^ Yaa «wɩlɩtʋ.»
^ Yaa «Nɛ ɛñɔɔzɩ tɔm ajɛɛ ɖoŋ ñɩna nɛ pɩtalɩ ɖooo poliŋ taa.»
^ Piye piye, «weyi ɛɖɔŋ.»
^ Piye piye, «weyi.»
^ Piye piye, «weyi ɛɖɔŋ.»
^ Yaa «kiɖe tɛɛ.»
^ Yaa «ɛ-lɔŋ tasʋʋ.»
