1-2. (a) Alɩwaatʋ ndʋ ɛyaa haɣ pa-tɩ nɛ pamɩyɩsɩɣ-wɛ lɩm yɔ, ɖoŋ ɖoŋ lɛ ɛbɛ lakɩ? b) Nɛ tɔm ndʋ yɔɔ pɩwɛɛ se ŋmaɣzɩ?

 WIÐIYI ŋtɛm naʋ ɛyaa mba paha pa-tɩ se pamɩyɩsɩ-wɛ lɩm yɔ kigbeɣluu nakʋyʋ taa? Alɩwaatʋ ndʋ pocosaɣ tɔm naalɛ ndʋ paapɔzɩ-wɛ yɔ tɩ-yɔɔ yɔ, pɩtʋʋ fɛyɩ se ŋna ɛzɩma pa-taa kaatɛma yɔ. Ŋna ɛzɩma pɔ-hɔŋ taa mba nɛ pa-taabalaa taa kaawɛ leleŋ siŋŋ yɔ. Alɩwaatʋ ndʋ mba pamɩyɩsɩ-wɛ lɩm yɔ palɩnɩ lɩm tɛɛ nɛ pakpa yɔ, ŋnɩ ɛzɩma ɛyaa kpalaɣ nɛ ɛzɩma pɛ-ɛsɩndaa wɩlaɣ se pa-taa kaawɛ leleŋ yɔ. Paa kpɩtaʋ ŋgʋ, ɛyaa kudokiŋ sakɩyɛ mbʋ yɔ haɣnɩ pa-tɩ nɛ pamɩyɩsɩɣ-wɛ lɩm nɛ papɩsɩɣ Yehowa Ɛsɔ tɛ Aseɣɖe tɩnaa.

² Piyele nɛ ña yɔ? Ye ŋwɛɛ nɛ ŋmaɣzɩɣ se ŋhaɣ ña-tɩ nɛ pamɩyɩsɩ-ŋ lɩm yɔ pʋbʋ ŋkɛ ɛyʋ weyi ɛwɛ ŋgee ɛjaɖɛ kɩdɛkɛdɩyɛ ɖɩnɛ ɖɩ-taa yɔ, mbʋ pʋyɔɔ yɔ ŋwɛɛ nɛ ‘ŋñɩnɩɣ Yehowa.’ (Keɣa 13:1, 2) Paa ŋkɛ pɩɣa yaa ɛyʋ sɔsɔ yɔ ña pama tɔm ñʋʋ kʋnɛ. Ɛlɛ ɖa mba pɛtɛm-ɖʋ mɩyɩsʋʋ lɩm yɔ, ɖɩsɔɔlaa ɖɔɖɔ se ɖɩñɔɔnɩ lɩmaɣza wena ɖɩkpaɣaa se ɖɩsɛɣ Yehowa tam yɔ nɛ pɩkɩlɩ. Pʋyɔɔ lɛ, iyele nɛ ɖɩna lɩmaɣza wena a-yɔɔ ɖɩsɔɔlaa se ɖɩsɛɛ Yehowa yɔ a-taa naadozo.

3. Ɛbɛ yɔɔ Yehowa sɛyaa sɔɔlɩ toovenim nɛ siɣsiɣ wɛtʋ? (Keɣa 118:128, 163)

³ Yehowa pɔzʋʋ ɛ-samaɣ se ‘kɔsɔɔlɩ tʋtʋyɛ tɔm [yaa toovenim tɔm.]’ (Zak. 8:19) Yesu seɣti ɛ-wayɩ tɩŋɩyaa se pañɩnɩ siɣsiɣ wɛtʋ. (Mat. 5:6) Pʋ-tɔbʋʋ lɛ se ɛyʋ ɛsɔɔlɩ siŋŋ se ɛlakɩ mbʋ pɩtʋʋzaa yɔ, mbʋ pɩkɛ kɩbam yɔ, nɛ mbʋ pɩwɛ kele kele Ɛsɔ ɛsɩndaa yɔ. Ŋsɔɔlɩ toovenim nɛ siɣsiɣ wɛtʋ na? Ðɩɩpɩtɩɣ se ŋsɔɔlaa. Ŋpaɖɩɣ cɛtɩm nɛ mbʋ payɩ pɩfɛyɩ ɖeu yɔ nɛ kañatʋ lakasɩ. (Kalɩ Keɣa 118:128, 163.) Ɛyʋ weyi ɛcɛtɩɣ yɔ, ɛmaɣzɩɣnɩ Sataŋ, ɛnʋ kɛnɩ ɛjaɖɛ ɖɩnɛ ɖɩ-ñʋʋdʋ. (Yoh. 8:44; 12:31) Sataŋ  kaɖʋsɩ taa nakɛyɛ lɛ se ɛsɔɔlaa se episi Ɛsɔ hɩɖɛ kiɖeɖeye, Yehowa. Sataŋ wɛɛ nɛ ɛyɛlɩɣnɩ cɛtɩm tɔm ɖɛ-Ɛsɔ yɔɔ kpaɣnɩ alɩwaatʋ ndʋ pakaɖɩnɩ-ɩ Edɛɛnɩ kaɖaɣ taa yɔ. Sataŋ ñakɩ pana nɛ eyeki nɛ ɛyaa maɣzɩɣ se Yehowa kɛ Ñʋʋdʋ weyi ɛwɛnɩ piɖeni men-ɖeke wɛtʋ nɛ ɛɛyɔɔdʋʋ toovenim nɛ ɛpɛŋ ɛyaa mbʋ pɩwɛ ɖeu yɔ. (Kiɖe 3:1, 4, 5) Sataŋ cɛtɩm tɔm ndʋ, tiyeba nɛ ɛyaa wɛɛnɩ lɩmaɣza kɩdɛkɛda Yehowa yɔɔ. Alɩwaatʋ ndʋ ɛyaa lɩzɩɣ se ‘paasɔɔlʋʋ toovenim yɔ,’ Sataŋ pɩzɩɣ nɛ eɖiyi-wɛ nɛ palakɩ mbʋ payɩ pɩfɛyɩ siɣsiɣ yɔ nɛ palakɩ kañatʋ lakasɩ ɖɔɖɔ.—Roma 1:25-31.

4. Ɛzɩma Yehowa wɩlaa se ɛkɛ ‘toovenim tɛ Ɛsɔ’? (Cɔnɩ ɖɔɖɔ kɩlɛmʋʋ.)

⁴ Yehowa kɛ ‘tʋtʋyɛ [yaa toovenim tɛ] Ɛsɔ,’ nɛ ɛwɩlɩɣ toovenim ɛyaa mba pɔsɔɔlɩ-ɩ yɔ faaa. (Keɣa 30:6) Alɩwaatʋ ndʋ ɛlakɩ mbʋ yɔ, ɛsɩɣnɩ-wɛ se Sataŋ ɛtaatasɩ-wɛ peɣzuu. Yehowa wɩlɩɣ ɖɔɖɔ ɛ-sɛyaa se pɩwɛɛ se pɔyɔɔdɩ toovenim nɛ pɛwɛɛ siɣsiɣ. Pɩsɩɣnɩ-wɛ se pɛwɛɛnɩ ñamtʋ pa-tɩ yɔɔ nɛ pɩkɩlɩ nɛ pehiɣ ɖɔɖɔ laŋhɛzɩyɛ. (Adu. 13:5, 6) Alɩwaatʋ ndʋ ŋkpɛlɩkɩ Bibl yɔ ɛlabɩ-ŋ mbʋ? Ŋkpɛlɩkaa nɛ ŋna se Yehowa nʋmɔŋ kɩlɩnɩ ɖeu, ɩwazɩɣ ɛyaa tɩŋa pɩkpɛndɩnɩ ña-maɣmaɣ. (Keɣa 76:14) Pʋyɔɔ lɛ, ŋsɔɔlaa se ŋla mbʋ Ɛsɔ yɔɔdʋʋ se pɩwɛ siɣsiɣ yɔ. (Mat. 6:33) Ŋsɔɔlaa se ŋlʋ toovenim yɔɔ nɛ ŋwɩlɩ se tɔm ndʋ Sataŋ yɔɔdɩ ɖɛ-Ɛsɔ Yehowa yɔɔ yɔ tɩkɛ cɛtɩm tɔm. Ɛzɩma ŋpɩzɩɣ nɛ ŋla mbʋ?

5. Ɛzɩma ŋpɩzɩɣ nɛ ŋɖʋ nesi toovenim nɛ siɣsiɣ wɛtʋ?

⁵ Ŋpɩzɩɣ nɛ ŋlɩzɩ se ŋcakɩ wezuu ŋgʋ kɩwɩlɩɣ ɛyaa tɩŋa kpayɩ se ŋkizi Sataŋ cɛtɩm tɔm nɛ ŋɖʋʋ nesi toovenim yɔ. Ŋpɩzɩɣ nɛ ŋwɩlɩ se ŋsɔɔlaa se Yehowa ɛkɛnɩ ña-Ñʋʋdʋ nɛ ŋsɔɔlaa se ŋla mbʋ ɛyɔɔdʋʋ se pɩwɛ siɣsiɣ yɔ. Ɛzɩma ŋpɩzɩɣ nɛ ŋla mbʋ? Tɩmnɩ Yehowa nɛ ŋha-ɩ ña-tɩ nɛ pʋwayɩ lɛ ŋyele nɛ pamɩyɩsɩ-ŋ lɩm nɛ ŋwɩlɩ ɛyaa ɛsɩndaa se ŋha-ɩ ña-tɩ. Toovenim nɛ siɣsiɣ wɛtʋ sɔɔlʋʋ kɛnɩ mbʋ piseɣtiɣ ɛyʋ siŋŋ se ɛlɩzɩ se ɛhaɣ ɛ-tɩ nɛ pamɩyɩsɩ-ɩ lɩm yɔ.

6. Ɛzɩ Keɣa 45:4 yɔɔdʋʋ yɔ, lɩmaɣza wena yɔɔ ŋsɔɔlɩ Yesu Krɩstʋ?

⁶ Ɛbɛ yɔɔ ŋsɔɔlɩ Yesu Krɩstʋ? Yele nɛ ɖɩna lɩmaɣza kɩbana wena a-yɔɔ ŋsɔɔlɩ-ɩ yɔ a-taa naayɛ Keɣa 45:4 taa, nwt. Mayaɣ ŋga kɔyɔɔdʋʋ se: «Nɛ ñe-keɖeɣa taa lɛ, wolo nɛ ŋwa; caɣ ña-kpaŋnʋ yɔɔ nɛ ŋlʋ toovenim, tɩ luzuu nɛ siɣsiɣ wɛtʋ yɔɔ, nɛ ñe-nesi kɩbanzɩ kaɣ labʋ tʋma wena acaɣ sɔɔndʋ yɔ.» Yesu sɔɔlɩ toovenim, tɩ luzuu, nɛ siɣsiɣ wɛtʋ.  Ye ŋsɔɔlɩ toovenim nɛ siɣsiɣ wɛtʋ yɔ, pɩwɩlɩɣ ɖɔɖɔ se ŋsɔɔlɩ Yesu Krɩstʋ. Maɣzɩ nɛ ŋna ɛzɩma Yesu lʋbɩ toovenim nɛ siɣsiɣ wɛtʋ yɔɔ nɛ abalɩtʋ yɔ. (Yoh. 18:37) Ɛlɛ ɛzɩma Yesu wɩlaa se ɛsɔɔlɩ tɩ luzuu?

7. Yesu wɩlaa se ɛwɛnɩ tɩ luzuu. Ɛzɩma pitukuuni-ŋ?

⁷ Yesu tɩŋnɩ ɛ-kɩɖaʋ yɔɔ nɛ ɛwɩlɩ se ɛsɔɔlɩ tɩ luzuu. Kɩɖaʋ nakʋyʋ yɔ: Wiɖiyi Yesu tɩsa ɛ-tɩ, ɛlɛ ɛcɛlɩ samtʋ tɩŋa ɛ-Caa. (Mark. 10:17, 18; Yoh. 5:19) Ŋmaɣzɩɣ Yesu tɩ luzuu mbʋ pɩ-yɔɔ lɛ, ɛzɩma pɩlakɩ-ŋ? Piiseɣtiɣ-ŋ se ŋsɔɔlɩ Ɛsɔ Pɩyalʋ nɛ ŋmaɣzɩnɩ-ɩ? Pɩtʋʋ fɛyɩ se piseɣtiɣ-ŋ. Ɛbɛ yɔɔ Yesu wɛnɩ tɩ luzuu? Mbʋ pʋyɔɔ yɔ ɛ-Caa wɛnɩ tɩ luzuu, nɛ ɛsɔɔlɩ-ɩ nɛ ɛmaɣzɩɣnɩ-ɩ. (Keɣa 17:36; Ebr. 1:3) Yesu maɣzɩnɩ Yehowa wɛtʋ kɩbandʋ ɖeyi ɖeyi; piiseɣtiɣ-ŋ se ŋñɔtɩnɩ Yesu?

8. Ɛbɛ yɔɔ ɖa-taa wɛ leleŋ se Yesu kɛ ɖe-Wiyaʋ?

⁸ Ðɩsɔɔlɩ ɖe-Wiyaʋ Yesu, mbʋ pʋyɔɔ yɔ ɛkɛ Ñʋʋdʋ weyi ɛmʋnaa yɔ. Yehowa maɣmaɣ falɩsɩnɩ ɛ-Pɩyalʋ nɛ ɛlɩzɩ-ɩ se ɛkɛ ñʋʋdʋ. (Iza. 50:4, 5) Maɣzɩ ɖɔɖɔ nɛ ŋna, Yesu lɩzɩ sɔɔlɩm mbʋ pɩwɩlɩɣ se ɛwɛnɩ tɩ laʋ lɩmaɣza yɔ nɛ ɛwɩlɩ. (Yoh. 13:1) Yesu kɛ ñe-Wiyaʋ nɛ pʋyɔɔ lɛ ɛmʋnɩ siŋŋ se ŋsɔɔlɩ-ɩ. Ɛlɩzɩ pɩ-taa se ɛyaɣ mba pɔsɔɔlɩ-ɩ siŋŋ yɔ se ɛ-taabalaa, nɛ pɔɖɔŋ ɛ-paɣtʋ yɔɔ nɛ pawɩlɩɣ se pɔsɔɔlɩ-ɩ. (Yoh. 14:15; 15:14, 15) Pɩkɛnɩ hɩɖɛ ɖʋʋ siŋŋ se ɛyʋ ɛkɛ Yehowa Pɩyalʋ taabalʋ!

9. Ɛbɛ yɔɔ pɔtɔŋ se Krɩstʋ mba lɩm mɩyɩsʋʋ nɩɣzɩnɩ Yesu ñɩmbʋ?

⁹ Paɣtʋ ndʋ Yesu ɖʋwa yɔ, tɩ-taa natʋyʋ lɛ se ɛ-tɔmkpɛlɩkɩyaa ɩha pa-tɩ nɛ pamɩyɩsɩ-wɛ lɩm. (Mat. 28:19, 20) Ɛ-maɣmaɣ ɛha kɩɖaʋ hɔɔlʋʋ ŋgʋ kɩ-taa. Hɔɔlɩŋ nɩɩyɩ taa lɛ, ɛ-lɩm mɩyɩsʋʋ wɛ ndɩ nɛ ɛ-tɔmkpɛlɩkɩyaa ñɩmbʋ. (Kalɩ aɖakaɣ « Tʋkaɣ ŋga wɛ Yesu lɩm mɩyɩsʋʋ nɛ ɛ-wayɩ tɩŋɩyaa lɩm mɩyɩsʋʋ hɛkʋ taa?») Ɛlɛ hɔɔlɩŋ lɛɛŋ taa lɛ, pɩnɩɣzɩnɩ ɖama. Alɩwaatʋ ndʋ Yesu ha ɛ-tɩ nɛ pamɩyɩsɩ-ɩ lɩm yɔ, ɛwɩlaa se ɛha ɛ-tɩ se ɛla ɛ-Caa sɔɔlɩm. (Ebr. 10:7) Mbʋ ɖɔɖɔ, alɩwaatʋ ndʋ Yesu wayɩ tɩŋɩyaa haɣ pa-tɩ nɛ pamɩyɩsɩ-wɛ lɩm yɔ, pawɩlɩɣ ɛyaa ɛsɩndaa se paha pa-tɩ Yehowa Ɛsɔ. Kpaɣnɩ alɩwaatʋ ndʋ lɛ, mbʋ pɩ-tɔm kɩlɩɣ cɛyʋʋ pe-wezuu caɣʋ taa yɔ lɛ se pala Ɛsɔ sɔɔlɩm, pataala pa-ñɩmbʋ. Ye mbʋ, pɛwɛɛ nɛ pamaɣzɩɣnɩ pa-Ñʋʋdʋ kɩɖaʋ.

10. (a) Lɩmaɣza wena yɔɔ pɩwɛɛ se ŋsɔɔlɩ Yesu? (b) Nɛ sɔɔlɩm mbʋ, pɩwɛɛ se piseɣti-ŋ nɛ ŋla we?

¹⁰ Ŋtisaa se Yesu kɛ Yehowa Pɩyalʋ ɛgbamɩyɛ nɛ ɛnʋ Yehowa lɩzaa se ɛkɛ ɖe-Wiyaʋ. Ŋɖiɣzinaa se Yesu wɛnɩ tɩ luzuu nɛ ɛmaɣzɩɣnɩ ɛ-Caa ɖeyi ɖeyi. Ŋkpɛlɩkaa nɛ ŋna se ɛcalɩ mba ñɔɔsɩ wɩɣaɣ-wɛ yɔ, ɛhɛzɩ mba pitibi-wɛ yɔɔɔ yɔ pa-laŋɩyɛ, nɛ halɩ ɛwaa kʋdɔndɩnaa. (Mat. 14:14-21) Ŋna ɛzɩma ɛwɛɛ nɛ eɖiyiɣ ɛ-ɛgbɛyɛ sɔnɔ yɔ. (Mat. 23:10) Ŋnawa ɖɔɖɔ se ɛkɛ Ɛsɔ Kewiyaɣ Wiyaʋ nɛ cee wayɩ ɛkaɣ labʋ nɛ pɩkɩlɩ mbʋ. Ɛzɩma ŋpɩzɩɣ nɛ ŋwɩlɩ se ŋsɔɔlɩ-ɩ? Ye ŋmaɣzɩɣnɩ ɛ-kɩɖaʋ yɔ. (Yoh. 14:21) Mbʋ ŋpɩzɩɣ nɛ ŋcalɩnɩ labʋ yɔ lɛ se ŋha ña-tɩ Yehowa nɛ pamɩyɩsɩ-ŋ lɩm.

11. Lɩmaɣzɩyɛ sɔsɔɖɛ nɖɩ yɔɔ pɩwɛɛ se ɛyʋ ɛha ɛ-tɩ nɛ pamɩyɩsɩ-ɩ lɩm, nɛ ɛbɛ yɔɔ ŋcosuu mbʋ?

¹¹ Lɩmaɣzɩyɛ sɔsɔɖɛ nɖɩ yɔɔ pɩwɛɛ se ɛyʋ ɛha ɛ-tɩ nɛ pamɩyɩsɩ-ɩ lɩm? Yesu yɔɔdɩ Ɛsɔ paɣtʋ taa ndʋ tɩkpaɖaa yɔ tɩ-tɔm nɛ ɛtɔ se: «Pɩwɛɛ se ŋsɔɔlɩ Yehowa ñɛ-Ɛsɔ nɛ ña-laŋɩyɛ pilim nɛ ña-kalɩzaɣ pilim nɛ ña-maɣzɩm pilim nɛ ño-ɖoŋ pilim.» (Mark. 12:30) Ña ɖɔɖɔ mbʋ ŋsɔɔlɩ Ɛsɔ?

12. Ɛbɛ yɔɔ ŋsɔɔlɩ Yehowa? (Cɔnɩ ɖɔɖɔ kɩlɛmʋʋ.)

¹² Lɩmaɣza sakɩyɛ yɔɔ pɩwɛɛ se ŋsɔɔlɩ Yehowa. Kɩɖaŋ nɩɩyɩ yɔ: Ŋkɔma nɛ ŋnɩɩ pɩ-taa se ‘ɛ-cɔlɔ wezuu hiɖe wɛɛ’ nɛ «paa kʋjɔʋ kɩbaŋʋ ŋgʋ nɛ paa haɖɛ pilim ñɩnɖɛ nɖɩ lɛ» ɛ-cɔlɔ pɩlɩɣna. (Keɣa 35:10; Yak. 1:17) Wondu kɩbandʋ ndʋ payɩ tɩ-yɔɔ ŋnɩɣ leleŋ yɔ tɩlɩɣnɩ ɖɛ-Ɛsɔ kʋjɔʋ tʋ nɛ sɔɔlɩm tʋ cɔlɔ.

13. Ɛbɛ yɔɔ kɩhɛyʋʋ pʋ-ñʋʋ taa kɩlaʋ kɛ kʋjɔʋ ŋgʋ kɩ-wayɩ fɛyɩ yɔ?

¹³ Kɩhɛyʋʋ pʋ-ñʋʋ taa kɩlaʋ kɛ kʋjɔʋ kɩbaŋʋ ŋgʋ Yehowa labɩ-ɖʋ yɔ. Ɛbɛ yɔɔ ɖɩpɩzɩɣ nɛ ɖɩyɔɔdɩ mbʋ? Iyele nɛ ɖɩna taabalɩyɛ kɩbanɖɛ nɖɩ ɖɩwɛ Yehowa nɛ ɛ-Pɩyalʋ pɛ-hɛkʋ taa yɔ. Yesu yɔɔdaa se: «Caa sɔɔlɩ-m» nɛ «mɔnsɔɔlɩ Caa.» (Yoh. 10:17; 14:31) Pɩnzɩ miiliyaarɩwaa sakɩyɛ nzɩ pakpaɣaa nɛ pacaɣ ɖama cɔlɔ yɔ, siyeba nɛ taabalɩyɛ nɖɩ ɖɩwɛ pɛ-hɛkʋ taa yɔ ɖɩcɛyɩsɩ nɛ pɩkɩlɩ. (Adu. 8:22, 23, 30) Lɛɛlɛɛyɔ lɛ, maɣzɩ nɛ ŋna ɛzɩma Ɛsɔ kaanɩ siziŋ alɩwaatʋ ndʋ ɛha nʋmɔʋ se ɛ-Pɩyalʋ ɛtɔɔ kʋñɔŋ nɛ ɛsɩ yɔ. Yehowa sɔɔlɩ ɛyaa siŋŋ, nɛ ña ɖɔɖɔ ŋwɛ pɩ-taa, pʋyɔɔ etisi faaa nɛ ɛlaa ɛ-Pɩyalʋ kʋsɔɔlʋ se pɩsa nɛ ña nɛ ɛyaa lalaa ɩcaɣ wezuu tam. (Yoh. 3:16; Gal. 2:20) Lɩmaɣzɩyɛ sɔsɔɖɛ nɖɩ, ɖɩ-yɔɔ pɩwɛɛ se ɖɩsɔɔlɩ Ɛsɔ.

14. Kaɖʋwa ŋga ŋpɩzɩɣ nɛ ŋɖʋ ña-tɩ wezuu caɣʋ taa nɛ kakpaɖɩ ɖeu?

¹⁴ Sɔɔlɩm mbʋ ŋwɛnɩ Yehowa yɔɔ yɔ pɩpaɣlaa, mbʋ pʋyɔɔ yɔ ŋkpɛlɩkɩ ɛ-yɔɔ tɔm nɛ pɩkɩlɩ. Pɩtʋʋ fɛyɩ se ŋsɔɔlaa se ŋñɔtɩnɩ-ɩ kpam lɛɛlɛɛyɔ nɛ pɩkɩlɩ; nɛ ŋsɔɔlaa se ŋla mbʋ pɩkpaɣ nɛ pɩɖɛɛ tam. Nɛ ŋpɩzɩɣ nɛ ŋla mbʋ. Eseɣtiɣ-ŋ nɛ nɔɔ kɩbaŋa se ŋyele nɛ ɛ-taa la leleŋ. (Adu. 23:15, 16) Pɩtasɩna se ŋpɩzɩɣ nɛ ŋtɩŋnɩ ñɔ-yɔɔdaɣ yɔɔ nɛ ŋla mbʋ lɛ, ŋpɩzɩɣ ɖɔɖɔ nɛ ŋtɩŋnɩ ña-lakasɩ yɔɔ nɛ ŋla mbʋ. Ɛzɩma ŋcakɩ wezuu yɔ mbʋ kaɣnɩ wɩlʋʋ se ŋsɔɔlɩ  Yehowa siŋŋ. (1 Yoh 5:3) Kaɖʋwa ŋga ŋpɩzɩɣ nɛ ŋɖʋ ña-tɩ ñe-wezuu caɣʋ taa nɛ kakpaɖɩ ɖeu yɔ ŋga lɛ.

15. Ɛzɩma ŋpɩzɩɣ nɛ ŋwɩlɩ Yehowa se ŋsɔɔlɩ-ɩ?

¹⁵ Ɛzɩma ŋpɩzɩɣ nɛ ŋwɩlɩ Yehowa se ŋsɔɔlɩ-ɩ? Kajalaɣ taa lɛ, la ŋgee adɩma naayɛ nɛ ŋha ña-tɩ Ɛsɔ toovenim tʋ. (Keɣa 39:9) Pʋwayɩ lɛ, ha ña-tɩ nɛ pamɩyɩsɩ-ŋ lɩm nɛ ŋwɩlɩ ɛyaa ɛsɩndaa se ŋha ña-tɩ Ɛsɔ. Ɛzɩ ɖɩnaʋ tɔm ñʋʋ kʋnɛ kɩ-taa nɛ pɩɖɛɛ yɔ, ña-lɩm mɩyɩsʋʋ kɛ taa leleŋ alɩwaatʋ, nɛ alɩwaatʋ ndʋ, tɩ-tɔm cɛyɩ ñe-wezuu caɣʋ taa. Ŋpaɣzɩ wezuu kɩfalʋʋ caɣʋ, pɩtɩkɛ ñɔ-sɔɔlɩm ŋlakɩ, ɛlɛ Yehowa ñɩmbʋ ŋlakɩ. (Roma 14:8; 1 Pɩy. 4:1, 2) Pɩpɩzɩɣ nɛ pɩlakɩ-ŋ ɛzɩ pɩkɛ lɩmaɣzɩyɛ sɔsɔɖɛ naɖɩyɛ pɩwɛɛ se ŋkpaɣ yɔ, nɛ pɩkɛ toovenim. Ɛlɛ pɩhaɣ-ŋ waɖɛ se ŋcaɣ wezuu ŋgʋ kɩkpaɖɩ ɖeu siŋŋ yɔ. Ɛzɩma tɩyɛ?

16. Keɣa 40:13 wɩlɩɣ se ɛzɩma Yehowa kaɣ hɛyʋʋ mba pahaɣ-ɩ pe-wezuu nɛ pɛsɛɣ-ɩ yɔ?

¹⁶ Yehowa kɛ kʋjɔʋ Laɖʋ weyi ɛkpaɖaa yɔ. Paa ɛzɩmtaa, paa ɛbɛ ŋha-ɩ yɔ, ɛkaɣ-ŋ pʋ pɩsɩnʋʋ nɛ pɩkɩlɩ mbʋ ŋha-ɩ yɔ. (Mark. 10:29, 30) Nɛ halɩ ɛjaɖɛ kɩdɛkɛdɩyɛ ɖɩnɛ ɖɩ-taa, ɛkaɣ yebu nɛ ŋcaɣ wezuu ŋgʋ kɩkpaɖɩ ɖeu yɔ, wezuu ŋgʋ kɩkɛdɩɣnɩ-ŋ siŋŋ yɔ, nɛ wezuu ŋgʋ kiyeki se ŋhiɣ taa leleŋ nɛ pɩkɩlɩ yɔ. Nɛ pɩkɛ ɖɩbazɩyɛ yem na. Wezuu ŋgʋ kɩpaɣzɩɣ ña-lɩm mɩyɩsʋʋ wiye yɔ, kɩɩkaɣ tɛm. Ŋpɩzɩɣ nɛ ŋwolo pɩ-yɔɔ nɛ ŋsɛɣ ña-Caa kʋsɔɔlʋ tam. Sɔɔlɩm mbʋ pɩwɛ ña nɛ ña-Caa mɩ-hɛkʋ taa yɔ, pɩkaɣ wobu pɩ-yɔɔ nɛ pɩpaɣlɩɣ tam. Nɛ ŋkaɣ wɛʋ wezuu alɩwaatʋ ndʋ payɩ ɛwɛɣ wezuu yɔ, pʋ-tɔbʋʋ lɛ se tam tam.—Kalɩ Keɣa 40:13.

17. Ɛbɛ ŋpɩzɩɣ nɛ ŋha Yehowa nɛ ɛtɩwɛnɩtɩ-pʋ?

¹⁷ Alɩwaatʋ ndʋ ŋhaɣ ña-tɩ nɛ pamɩyɩsɩ-ŋ lɩm yɔ, ŋwɛnɩ waɖɛ se ŋha ña-Caa nabʋyʋ nɛ pɩmʋ ñɩm siŋŋ. Wondu kɩbandʋ ndʋ payɩ ŋwɛna yɔ, taa leleŋ alɩwaatʋ ndʋ payɩ ŋhiɣ ñe-wezuu caɣʋ taa yɔ, ɛnʋ hanɩ-ŋ pɩtɩŋa mbʋ yɔ. Pɩsa nɛ ŋwɩlɩ-ɩ ñɛ-ɛsɩmɩyɛ lɛ, ŋpɩzɩɣ nɛ ŋsɛɛ-ɩ nɛ ña-laŋɩyɛ pilim nɛ ŋwɛɛ siɣsiɣ. Ye ŋlakɩ mbʋ yɔ, ŋwɩlɩɣ se ŋha ɛsɔdaa nɛ tɛtʋ pa-Laɖʋ mbʋ ɛtɩwɛnɩta yɔ. (Yɔɔb 1:8; 41:11; Adu. 27:11) Toovenim taa lɛ, wezuu caɣʋ ŋgʋ kɩkpaɖɩnɩ ɖeu. Pɩtʋʋ fɛyɩ se sɔɔlɩm mbʋ ŋwɛnɩ  Yehowa yɔɔ yɔ mbʋ kɛnɩ lɩmaɣzɩyɛ sɔsɔɖɛ nɖɩ ɖiyeki se ŋha ña-tɩ nɛ pamɩyɩsɩ-ŋ lɩm yɔ.

18. Tɔm ndʋ ŋpɩzɩɣ nɛ ŋpɔzɩ ña-tɩ?

¹⁸ Ye mbʋ, ŋkaɣ haʋ ña-tɩ nɛ pamɩyɩsɩ-ŋ lɩm na? Ñe-ɖeke ŋpɩzɩɣna nɛ ŋcosi tɔm ndʋ tɩ-yɔɔ. Ɛlɛ ye ŋpɔzɩ ña-tɩ tɔm tʋnɛ yɔ pɩpɩzɩɣ nɛ pɩsɩnɩ-ŋ: ‘Ɛbɛ yɔɔ manɖaŋaa?’ (Tʋma 8:36) Tɔzɩ lɩmaɣza naadozo wena a-taa ɖɩtazaa nɛ pɩɖɛɛ yɔ a-yɔɔ. Kajalaɣ, ŋsɔɔlɩ toovenim nɛ siɣsiɣ wɛtʋ. Pɔzɩ ña-tɩ se: ‘Mɔnsɔɔlaa se mana kɩyakʋ ŋgʋ paa weyi ɛkaɣ yɔɔdʋʋ toovenim nɛ ɛlakɩ mbʋ pɩwɛ siɣsiɣ yɔ?’ Nabʋlɛ, ŋsɔɔlɩ Yesu Krɩstʋ. Pɔzɩ ña-tɩ se: ‘Mɔnsɔɔlaa se Ɛsɔ Pɩyalʋ ɛkɛ me-Wiyaʋ nɛ mɔnsɔɔlaa se mamaɣzɩnɩ ɛ-kɩɖaʋ na?’ Nabudozo, kɔzɩ kɔzɩ lɛ ŋsɔɔlɩ Yehowa. Pɔzɩ ña-tɩ se: ‘Mɔnsɔɔlaa se mɛnsɛɛ Yehowa nɛ piyele nɛ ɛ-taa la leleŋ na?’ Ye ŋcosi tɔm pɔzʋʋ mbʋ pɩ-yɔɔ se ɛɛɛ yɔ, pʋbʋ ɛbɛ yɔɔ ŋŋhaɣ ña-tɩ se pamɩyɩsɩ-ŋ lɩm? Ɛbɛ yɔɔ ŋɖaŋaa?—Tʋma 16:33.

19. Ɛbɛ yɔɔ pɩtɩpɔzɩ se sɔɔndʋ ɛkpa-ŋ se ŋha ña-tɩ nɛ pamɩyɩsɩ-ŋ lɩm? Ha kɩɖaʋ nakʋyʋ. (Yohanɛɛsɩ 4:34)

¹⁹ Ye sɔɔndʋ ɛkpaɣ-ŋ se ŋha ña-tɩ nɛ pamɩyɩsɩ-ŋ lɩm yɔ, pʋbʋ maɣzɩ kɩɖaʋ ŋgʋ Yesu labɩnɩ tʋmɩyɛ yɔ kɩ-yɔɔ nɛ ŋna. (Kalɩ Yohanɛɛsɩ 4:34.) Yesu kpaɣ ɛ-Caa sɔɔlɩm labʋ nɛ ɛmaɣzɩnɩ tɔɔnaɣ. Ɛbɛ yɔɔ? Tɔɔnaɣ kɛ mbʋ pɩwazɩɣ-ɖʋ yɔ. Yesu nawa se mbʋ payɩ Yehowa pɔzʋʋ-ɖʋ se ɖɩla yɔ pɩwazɩɣ-ɖʋ. Yehowa tɩsɔɔlɩ se ɖɩla mbʋ pɩpɩzɩɣ nɛ pɩkɔnɩ-ɖʋ kaɖɛ yɔ. Ɛzɩ Yehowa sɔɔlaa se ŋha ña-tɩ nɛ pamɩyɩsɩ-ŋ lɩm na? Ɛɛɛ. (Tʋma 2:38) Ye mbʋ, ña-taa pɩzɩɣ nɛ pɩtɛ se ye ŋñam paɣtʋ ndʋ nɛ ŋha ña-tɩ nɛ pamɩyɩsɩ-ŋ lɩm yɔ, pɩkaɣ-ŋ wazʋʋ. Ye sɔɔndʋ ɛɛkpaɣ-ŋ se ŋtɔɔ tɔɔnaɣ ŋga kakɩlɩ-ŋ kɛdɩnʋʋ ñe-wezuu caɣʋ taa yɔ, ɛbɛ yɔɔ sɔɔndʋ kpaɣ-ŋ se ŋha ña-tɩ nɛ pamɩyɩsɩ-ŋ lɩm?

20. Ɛbɛ ɖɩkaɣ naʋ tɔm ñʋʋ ŋgʋ kɩkɔŋ yɔ kɩ-taa?

²⁰ Ɛbɛ yɔɔ ŋɖaŋ halɩ nɛ sɔnɔ? Sakɩyɛ pɩzɩɣ nɛ pocosi tɔm ndʋ tɩ-yɔɔ ɛzʋnɔ: «Mantɩñɔɔzɩtɩ man-tɩ.» Toovenim taa lɛ, lɩmaɣza wena ŋkpakɩɣ ñe-wezuu caɣʋ taa yɔ a-taa lɛ, lɩmaɣzɩyɛ nɖɩ ŋkpakɩɣ se ŋhaɣ ña-tɩ Yehowa nɛ pamɩyɩsɩ-ŋ lɩm yɔ ɖɩ-tɔm kɩlɩnɩ cɛyʋʋ. Pʋyɔɔ lɛ, pɩpɔzʋʋ se ŋmaɣzɩ pɩ-yɔɔ camɩyɛ; pɩkaɣ kpaɣʋ alɩwaatʋ nɛ pɩkaɣ pɔzʋʋ pana ñaɣʋ ɖɔɖɔ pʋcɔ nɛ ŋmʋna nɛ pamɩyɩsɩ-ŋ lɩm. Ɛlɛ ye ŋsɔɔlaa kpem se ŋkpɛzɩ nɩŋgbaŋaɣ ŋga yɔ, ɛbɛ ŋpɩzɩɣ nɛ ŋla lɛɛlɛɛyɔ nɛ ŋñɔɔzɩ ña-tɩ? Ðɩkaɣ tɔm ndʋ tɩ-yɔɔ cosuu tɔm ñʋʋ ŋgʋ kɩkɔŋ yɔ kɩ-taa.