“Pʋyɔɔ lɛ, ɩwɛɛ nɛ ifeŋiɣ, mbʋ pʋyɔɔ yɔ ɩɩsɩŋ kɩyakʋ nɛ ñɩɣyʋʋ.”—MAATIYEE 25:13.

“Ɩkpa mɩ-tɩ, ɩcaɣnɩ mɩ-ɛsa, mbʋ pʋyɔɔ yɔ ɩɩsɩŋ alɩwaatʋ ndʋ paɖʋwa yɔ.”—MAARƖKƖ 13:33.

Ye mbʋ, ɛyʋ nɔɔyʋ ɛɛsɩŋ ɛzɩmtaa keekee ɛjaɖɛ kɩdɛkɛdɩyɛ ɖɩnɛ ɖɩkaɣ tɛm yɔ. Paa mbʋ yɔ, Ɛsɔ ‘ɖʋ alɩwaatʋ’ natʋyʋ, pʋ-tɔbʋʋ se ‘kɩyakʋ nɛ ñɩɣyʋʋ’ ŋgʋ kɩ-yɔɔ ɛkaɣ ɖɩzʋʋ ɛjaɖɛ ɖɩnɛ yɔ. (Maatiyee 24:36) Ɛzɩ pɩwɩlɩɣ se ɖɩɩpɩzɩɣ nɛ ɖɩtɩlɩ alɩwaatʋ ndʋ ɛjaɖɛ tɛm ñɔtʋʋ yɔ? Aayɩ. Yesu heyi ɛ-tɔmkpɛlɩkɩyaa se pañɩnɩ nɛ patɩlɩ lakasɩ nasɩyɩ, nzɩ kaɣnɩ wɩlʋʋ se ɛjaɖɛ tɛm ñɔtɩ kpam.

Lakasɩ nzɩ, sɩkaɣ kɛnʋʋ “ɛjaɖɛ yɔɔ ɖʋtʋ tɛm alɩwaatʋ yʋsaɣ.” Yesu yɔɔdaa se: “Ɛjaɖɛ lɛɛɖɛ kaɣ kʋyʋʋ ɛjaɖɛ lɛɛɖɛ yɔɔ, nɛ kewiyaɣ lɛɛka kaɣ kʋyʋʋ kewiyaɣ lɛɛka yɔɔ, nɛ ñɔɔsɩ kaɣ lɩʋ lona ndɩ ndɩ taa, nɛ tɛtʋ kaɣ ñamsʋʋ lona ndɩ ndɩ taa.” (Maatiyee 24:3, 7) Ɛyɔɔdaa ɖɔɖɔ se “kʋdɔmɩŋ sɔsɔŋ” yaa kʋdɔmɩŋ kɩɖɛɖɛŋ kaɣ lɩʋ. (Luka 21:11) Yesu kaayɔɔdɩ lakasɩ nzɩ sɩ-tɔm yɔ, ŋɖiɣni-sɩ naʋ sɔnɔ?

Sɔnɔ, yoŋ, ñɔɔsɩ, tɛtʋ ñamsʋʋ, nɛ kʋdɔmɩŋ ndɩ ndɩ yeki nɛ ɛyaa tɔkɩ kʋñɔŋ. Ðɩkpaɣ ɛzɩ pɩnaɣ 2004 taa mbʋ yɔ, tɛtʋ ñamsɩ Ɛndɩ teŋgu hɔɔlʋʋ taa siŋŋ nɛ lɩm huu nɛ pɩkʋ ɛyaa 225 000 mbʋ yɔ. Pɩnzɩ 3 taa, COVID-19 kʋdɔŋkʋ ɛyaa miiliyɔɔwaa 6 nɛ kudokiŋ 900 ɛjaɖɛ kpeekpe yɔɔ. Yesu yɔɔdaa se lakasɩ ɛzɩ sɩnɛ yɔ wɩlɩɣ se ɛjaɖɛ ɖɩnɛ ɖɩ-tɛm ñɔtaa.

Alɩwaatʋ ndʋ tɩkɔŋ ca pʋcɔ nɛ ɛjaɖɛ tɛm talɩ yɔ, Bibl yaɣ-tʋ se “kɛdɛzaɣ kɩyakɩŋ.” (2 Pɩyɛɛrɩ 3:3, 4) Pɔyɔɔdɩ 2 Timootee 3:1-5 taa se kɛdɛzaɣ kɩyakɩŋ taa lɛ, ɛyaa ɩɩkaɣ ɖɔm wezuu kɩbaŋʋ caɣʋ paɣtʋ yɔɔ. (Kalɩ aɖakaɣ “ Pɩkazɩɣ pazɩ se ɛjaɖɛ ɛtɛ lɛ.”) Ɛyaa mba pɛwɛnɩ piɖeni men-ɖeke lɩmaɣza, ɛsa naɣ naɣ yaa ɛyaa mba pɛwɛ kañatʋ, yaa paawɩlɩɣ lalaa se pɔsɔɔlɩ-wɛ yɔ, ŋnaɣ-wɛ sɔnɔ? Ɛyaa wɛtʋ ndʋ, tɩwɩlɩɣ ɖɔɖɔ se ɛjaɖɛ tɛm ñɔtaa.

Kɛdɛzaɣ kɩyakɩŋ kaɣ leɖuu alɩwaatʋ ɛzɩma? Bibl cosuu se “alɩwaatʋ pazɩ yem.” Pʋwayɩ lɛ, Ɛsɔ kaɣ ɖɩzʋʋ “mba pɛwɛɛkɩɣ tɛtʋ yɔ.”—Natʋ 11:15-18, pɩ-tɛɛ tɔm; 12:12.

Ɛsɔ tɛm ɖʋʋ evemiye nɛ ñɩɣyʋʋ ŋgʋ kɩ-yɔɔ ɛkaɣ ɖɩzʋʋ ɛjaɖɛ kɩdɛkɛdɩyɛ ɖɩnɛ yɔ. (Maatiyee 24:36) Ɛlɛ, tɔm kɩbandʋ lɛɛtʋ kazaa. Ɛsɔ “[tɩsɔɔlɩ] se paɖɩzɩ nɔɔyʋ.” (2 Pɩyɛɛrɩ 3:9) Ɛwɛɛ nɛ ɛhaɣ-ɖʋ waɖɛ se ɖɩkpɛlɩkɩ nɛ ɖɩtɩlɩ ɛ-paɣtʋ nɛ ɖɩɖɔ tɩ-yɔɔ. Ɛbɛ yɔɔ? Mbʋ pʋyɔɔ yɔ, ɛsɔɔlaa se ɖihiɣ ñʋʋ yabʋ ɛjaɖɛ tɛm wiye nɛ ɖɩcaɣ wezuu ɛjaɖɛ kɩfaɖɛ taa, alɩwaatʋ ndʋ tɛtʋ pɩsɩɣ paradisuu yɔ.

Ɛsɔ labɩ ɖʋtʋ se pawɩlɩ ɛyaa tɔm nɛ pɛkpɛlɩkɩ nɛ patɩlɩ ɛzɩma pala nɛ pacaɣ wezuu ɛjaɖɛ kɩfaɖɛ taa nɛ Ɛsɔ Kewiyaɣ ɖiyi-wɛ yɔ. Yesu yɔɔdaa se pakaɣ susuu Ɛsɔ Kewiyaɣ tɔm kɩbandʋ “tɛtʋ kpeekpe yɔɔ.” (Maatiyee 24:14) Yehowa Aseɣɖe Tɩnaa kpakɩɣ ñɩɣtʋ miiliyaarɩwaa sakɩyɛ nɛ posusuu nɛ pawɩlɩɣ ɛyaa Bibl taa lidaʋ tɔm ɛjaɖɛ kpeekpe yɔɔ. Yesu yɔɔdaa se pakaɣ susuu tɔm ndʋ tɛtʋ kpeekpe yɔɔ pʋcɔ nɛ ɛjaɖɛ tɛ.

Pɩkazɩ pazɩ ɛyaa Kewiyitu tɔɔʋ sɩɣ tɩnaɣ. Ɛlɛ tɔm kɩbandʋ yɔ: Ŋpɩzɩɣ nɛ ŋhiɣ ñʋʋ yabʋ ɛjaɖɛ tɛm wiye nɛ ŋcaɣ wezuu Paradisuu taa tɛtʋ yɔɔ ɛzɩ Ɛsɔ kaalabʋ tamaɣ yɔ. Ñʋʋ ŋgʋ kɩkɔŋ yɔ kɩ-taa, ɖɩkaɣ naʋ mbʋ ŋpɩzɩɣ nɛ ŋla nɛ ŋcaɣ wezuu ɛjaɖɛ kɩfaɖɛ nɖɩ ɖɩ-taa yɔ.