Pɩwɛɛ se Krɩstʋ mba tɩŋa ɩtɩlɩ pa-tɩ ɖɔkʋʋ sʋlʋm ñɔʋ hɔɔlʋʋ taa. (Adu 23:20, 29-35; 1Kɔ 6:9, 10) Ye Krɩstʋ tʋ nɔɔyʋ ɛkpaɣ lɩmaɣzɩyɛ se ɛñɔʋ sʋlʋm yɔ, pɩpɔzʋʋ se ɛñɔɔ nɛ pɩmaɣna. Pɩpɔzʋʋ ɖɔɖɔ se ɛñaɣ pana nɛ ɛtaapɩsɩ sʋlʋm yom nɛ ɛzɩma ɛñɔʋ sʋlʋm yɔ pituluu lalaa. (1Kɔ 10:23, 24; 1Ti 5:23) Pɩfɛyɩ se ɖɩñɩɣ lalaa, kɔzɩ kɔzɩ piya evelisi yɔɔ se sɩñɔɔ sʋlʋm.

CƆNƖ WONDU LƖZƲƲ NƐ NESI VIDEO PƲCƆ NƐ ŊÑƆƆ SƲLƲM LƐ, MAƔZƖ MBƲ PƖPƖZƖƔ PƖLA PƲWAYƖ YƆ PƖ-YƆƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ yɔɔ pɩwɛɛ se Krɩstʋ mba tɩŋa ɩña paɣtʋ ndʋ paɖʋwa pɩlɩɩnɩ sʋlʋm ñɔʋ yɔɔ yɔ?​—Rom 13:1-4

• Ɛbɛ yɔɔ pɩfɛyɩ se ɖiyele nɛ lalaa ñɩɣ ɖɔ-yɔɔ se ɖɩñɔɔ sʋlʋm?​—Rom 6:16

• Ɛbɛ yɔɔ pɩwɛɛ se ɖise wɛtʋ ndʋ tɩpɩzɩɣ tiyele nɛ ɖɩtɔlɩ sʋlʋm kpaŋʋʋ kpaca taa yɔ?