23 mai 2023 wiye, Etaazuunii ɛjaɖɛ taa fɛɖʋ sɔsɔ nɔɔyʋ paɣ samaɣ se réseaux sociaux waa wɛnɩ ɖoŋ kɩdɛkɛdɩŋ piya evelisi sakɩyɛ yɔɔ.

•   «Paa réseaux sociaux waa ɩwazɩɣ piya nɛ piya evelisi nasɩyɩ yɔ, yʋsasɩ sakɩyɛ wɩlɩɣ se papɩzɩɣ nɛ pɛwɛɛnɩ ɖoŋ kɩdɛkɛdɩŋ sɩ-yɔɔ siŋŋ. Papɩzɩɣ nɛ paha-sɩ maɣzɩm taa kʋdɔŋ nɛ pacamɩ si-tomnaɣ taa alaafɩya ɖɔɖɔ.»—Social Media and Youth Mental Health: The U.S. Surgeon General’s Advisory, 2023.

 Fɛɖʋ ɛnʋ ɛyɔɔdɩ tɔm ndʋ tɩ-yɔɔ ñɩnɩyaa nabɛyɛ lɩwa nɛ tɩwɩlɩɣ se pɩwɛɛ se ɖɩkpa ɖa-tɩ nɛ réseaux sociaux waa yɔ.

•   Piya nzɩ sɩwɛnɩ kpaɣnɩ pɩnzɩ 12 piwolo 15 nɛ ‘sɩlakɩnɩ tʋmɩyɛ réseaux sociaux waa paa evemiye nɖɩ nɛ pɩcɛzɩɣ ñɩɣtʋ 3 yɔ, pɩwɛ kɛlɛʋ nɛ pɩkɩlɩ se lɩmaɣza taa kʋdɔŋ ɛkpa-sɩ nɛ sɩnɩɣzɩɣ kadadayaɣ.’

•   Piya nzɩ sɩwɛnɩ pɩnzɩ 14 yɔ, ‘sɩ-taa lɛ nzɩ sɩkɩlɩɣ wobu réseaux sociaux waa yɔɔ yɔ, ɖoŋ ɛnɛ pɩwɛɣnɩ sɩ-yɔɔ: Siiɖou camɩyɛ, pacaɣ-sɩ tɔm intɛrnɛɛtɩ yɔɔ, sɩɩwɛɣnɩ lɩmaɣza kɩbana si-tomnaɣ wɛtʋ yɔɔ, siniŋ sɩ-tɩ nɛ pɩwɛ kɛlɛʋ se lɩmaɣza taa kʋdɔŋ ɛkpa-sɩ. Halɩbiya yɔɔ réseaux sociaux waa kɩlɩ wɛnʋʋ ɖoŋ ɛnɩ.’

 Ɛzɩma lʋlɩyaa pɩzɩɣ nɛ pakandɩyɩ pe-piya yɔɔ nɛ tɩlasɩ nzɩ sɩtaatalɩ-sɩ? Bibl tasɩɣ-wɛ lɔŋ kɩbaŋ.

 Itaasu yem nɛ ɩcɔŋnɩ mi-piya. Pɩwɛɛ se lʋlɩyaa ɩtazɩ nɛ pana tɩlasɩ nzɩ piya pɩzɩɣ nɛ sɩkatɩ réseaux sociaux waa yɔɔ yɔ, nɛ pakpaɣ lɩmaɣzɩyɛ se pahaɣ-sɩ waɖɛ nɛ siwolo pɔ-yɔɔ yaa paahaɣ-sɩ.

•   Bibl paɣtʋ kiɖe: «Kpɛlɩkɩ pɩɣa nʋmɔʋ ŋgʋ pɩpɔzʋʋ se katɩŋ yɔ.»—Aduwa 22:6, pɩ-tɛɛ tɔm.

•   Pɩsa nɛ ŋtɩlɩ pɩkpaɖɩ lɛ, kalɩ tɔm ñʋʋ «Mon enfant devrait-il utiliser les réseaux sociaux?»

 Ye ŋha ña-pɩɣa waɖɛ se kowolo réseaux sociaux waa yɔɔ yɔ, ñɩnɩ nɛ ŋna tɩlasɩ nzɩ kapɩzɩɣ nɛ kakatɩ yɔ nɛ ŋwɛɛ nɛ ŋcɔŋnɩ tʋma wena kalakɩ intɛrnɛɛtɩ yɔɔ yɔ. Ɛbɛ ŋpɩzɩɣ nɛ ŋla?

 Sɩnɩ ña-pɩɣa nɛ tɔm ñʋŋ kɩdɛkɛdɩŋ ɩtaawɛɛnɩ ɖoŋ kɔ-yɔɔ. Sɩnɩ-kɛ nɛ katɩlɩ tɔm ñʋŋ weyi ɩkɛ kɩdɛkɛdɩŋ yɔ nɛ kese-i.

•   Bibl paɣtʋ kiɖe: «Pataatɩɩyɔɔdʋʋ kʋzʋʋ kɩdɛkɛdʋʋ nɛ paa azuluma wena yaa ɛsa naɣ naɣ tɔm mɩ-hɛkʋ taa, . . . yaa lakasɩ nzɩ sɩwɛ fɛyɛ yɔ yaa kɩmɛlɛndʋ tɔm yaa ɛzaɣtʋ tanaʋ.»—Efɛɛzɩ mba 5:3, 4.

•   Pɩsa nɛ ŋtɩlɩ mbʋ ɖeyi ɖeyi ŋpɩzɩɣ nɛ ŋla yɔ lɛ, kalɩ tɔm ñʋʋ «Protégez votre adolescent des dangers des réseaux sociaux.»

 Ðʋ kamasɩ. Ŋpɩzɩɣ nɛ ŋɖʋ ña-pɩɣa paɣtʋ alɩwaatʋ ndʋ tɩ-yɔɔ pɩwɛɛ se kowolo réseaux sociaux waa yɔɔ yɔ nɛ alɩwaatʋ ɛzɩma kapɩzɩɣ nɛ kalabɩnɩ-wɛ tʋmɩyɛ yɔ.

•   Bibl paɣtʋ kiɖe: «Ɩcɔnɩ ɛzɩma ɩɖɔŋ yɔ pɩ-yɔɔ camɩyɛ . . . [nɛ ɩɖɔ] ɛzɩ lɔŋsɩnɖaa yɔ; ɩlabɩnɩ mɩ-alɩwaatʋ tʋmɩyɛ camɩyɛ.»—Efɛɛzɩ mba 5:15, 16.

•   Labɩnɩ tʋmɩyɛ wondu lɩzʋʋ nɛ nesi video Taatɔlɩ réseaux sociaux waa kpacanaa taa nɛ ŋsɩnɩ ña-pɩɣa nɛ katɩlɩ mbʋ pʋyɔɔ kamasɩ tɔm cɛyɩ réseaux sociaux waa yɔɔ wobu hɔɔlʋʋ taa yɔ.