Yesu kaawɛ tɛtʋ yɔɔ lɛ, ɛwɩlaa se ɛsɔɔlɩ ɛyaa pɩdɩɩfɛyɩ kɔzɩ kɔzɩ kʋñɔndɩnaa nɛ mba pɛwɛ nɩɣzɛ taa yɔ. (Maatiyee 9:36) Halɩ ɛla e-wezuu se pɩwazɩ ɛyaa. (Maatiyee 20:28; Yohanɛɛsɩ 15:13) Pɩkazɩ pazɩ lɛ, ɛkaɣ tasʋʋ wɩlʋʋ se ɛsɔɔlɩ ɛyaa; ɛkɛ Ɛsɔ Kewiyaɣ Wiyaʋ nɛ ɛkaɣ labɩnʋʋ e-ɖoŋ ɛnʋ tʋmɩyɛ se eyele nɛ kʋñɔŋ sɩɩ tɩnaɣ tɛtʋ kpeekpe yɔɔ.

 Bibl yɔɔdɩ mbʋ Yesu kaɣ labʋ yɔ pɩ-tɔm:

•   «Ɛlʋ samaɣ taa ajamaa yɔɔ, Ɛya kʋñɔndʋ pɩyalaa ñʋʋ.»—Keɣsi 72:4.

 Ɛbɛ ɖɩpɩzɩɣ nɛ ɖɩla nɛ ɖɩwɩlɩ ɛsɩmɩyɛ Yesu mbʋ payɩ ɛlaba nɛ mbʋ payɩ ɛkaɣ-ɖʋ labʋ yɔ pɩ-yɔɔ? Tɔm ndʋ pama Luka 22:19 taa yɔ tɩ-taa, Yesu heyi ɛ-wayɩ tɩŋɩyaa se pɔtɔzɩ ɛ-sɩm yɔɔ. Pʋyɔɔ paa pɩnaɣ ŋga pɩtalɩɣ evemiye nɖɩ Yesu kaasɩba yɔ ɖi-wiye lɛ, Yehowa Aseɣɖe Tɩnaa kpeɣliɣ ɖama. Ðɩyaɣ-ŋ se ŋkɔɔ nɛ ɖa nɛ ŋ ɖɩkpɛndɩ nɛ ɖɩla sɔnzɩ nzɩ Kujuka, 24 mars 2024 wiye.

Ñɩnɩ ɖenɖe palakɩ-sɩ yɔ