Gubungano li no Laula i ithopa chi shomanana che Bakirisiti ba na maitemogelo ba no pa ndaelo Bafakazi ba Jehova mu shango yose. Nshingo wabo u kabili:

•   Ba no lingilila ku baakanyiwa kwe ndailo ya ka teiwa mu Baibili i mu dzitshambiso, zwidiyo, ne zwikwele zwe Bafakazi ba Jehova.​—Luka 12:42.

•   Ba no lingilila nshingo wose we shango yose we Bafakazi ba Jehova, be pa ndaulo dze nshingo wedu we ku rera, ne lingilila ku shingisiwa kwe zwipo zwa dusiwa.

 Gubungano li no Laula lo tobela zila ya ka bigwa ne ‘baapostoloi ne badala ku Jerusalema’ mu century ye kutanga, ba ka be tolela gubungano lose le Bukirisiti thambo hwulu. (Mishingo 15:2) Se balume ibabo ba ka be thembeka, be Gubungano li no Laula ate batungamili be gubungano ledu. Ba no linga mu Baibili kuti ba ka fanila thamani, be duma kuti Jehova Ndzimu ba ka biga Jesu Kirisiti se Nsholo we Gubungano.​—1 Bakorinta 11:3; Baefeso 5:23.

 Ba mu Gubungano li no Laula ndi bo Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane, na Jeffrey Winder. Ba no shingila ku ofisi hwulu ye shango yose ku Warwick, New York, U.S.A.

 Gubungano li no Laula li na dzikomiti dzili 6 ku lingilila zwa ka siyasiyana zwe nshingo wedu, ngono nngwe ne nngwe u mu lili u no shinga muna ili ngompela kene ku pinda mu dzikomiti idzedzi.

•   Coordinators’ Committee: I no lingilia khani dze nlawo ne dzingozi, zwingwe zwi no amana ne ku dziyidziwa kwe Bafakazi ba Jehova nekwe budumili gwabo, ne khani dzingwe dza ka fanila tolegwa thambo chinyolocho dzi no amana ne Bafakazi ba Jehova.

•   Personnel Committee: I no lingilila ndongoloso dzi no amana ne be nsha we Bethele.

•   Publishing Committee: I no lingilila ku thamiwa ne ku tumigwa kwe dzitshambiso dze Baibili ne ku bakiwa kwe dzindawo dze zwidiyo zwe gubungano, ofisi dze ku shandulila, ne mbako dze litabi.

•   Service Committee: I no lingilila nshingo wedu we ku rera ‘ndebo mbuya ye Bushe.’​—Matewu 24:14.

•   Teaching Committee: I no pa ndaulo ye kuti ku baakanyiwe zwidiyo zwe Baibili zwi no shingisiwa ku zwidiyo, zwikwele, ne mu ndongoloso ye mahwi ne dzividiyo.

•   Writing Committee: I no pa ndaulo ye kuti ku baakanyiwe zwidiyo zwe Baibili ne zila ya ka kwagwa ne mu website yedu, kakale i no lingilila nshingo we ku shandulila.

 Pezhugwi kwe nshingo wa ba nawo mu dzikomiti idzedzi, Gubungano li no Laula lo shangana viki ne viki ku lingilila zwi no sheteka mu gubungano. Ha be shangana, be Gubungano li no Laula li no Laula ba no lebeleka ne chi no lebgwa ne Hwalo, ne ku duma ku sendedzegwa ne meya ya ka yengemala ye Ndzimu, ne ku gwisa kwazo kuti ba dumane bose ha be tola thambo.​—Mishingo 15:25.

 Bakirisiti ba no thembeka ba no batsha mu dzikomiti dze Gubungano li no Laula. (1 Bakorinta 4:2) Ba na bukhoni ne maitemogelo mu nshingo wa ka lingiligwa ne dzikomiti dza ba no shingila mu dzili, ngono ba no be yapo bo ha ku shanganiwa viki ne viki. Ne ba singa be ne gobe ha ku togwa thambo, babatshi ba no pa gumbuludzo la ka lulwama ne ntewo we khani, be shingikadza thambo dza togwa ne komiti, ne ku bona belelo ne shingikadziwa kwadzo. Kakale ba nga na ba ka piwa gobe ne Gubungano li no Laula ku kumba bazwalani bedu mu ndawo dza ka siyasiyana dze shango kene ku pa ndebo mu mishangano i nonga ye gole kene ye Gilead graduation.