A Phipiti i no Tshusa inowo Pela?
Shule kwe thasegwa ne phipiti i no tshusa u nga zwibuzwa kuti: A Ndzimu u no khathedzeka? Ini zwithu izwezwi zwi shingikala? A phipiti a i no tshusa i nowo pela? Ndi nga chila chini ndi na mazwiwo e cha zwingapa?’ Baibili i na dabilo dze buzo idzedzi dzi no shathisa.
Ndzimu uno zwihwa chini ne phipiti i no tshusa?
Ndzimu uno benga phipiti ne phipiti i no tshusa. (Pisalema 11:5; Zwiani 6:16, 17) Ngono Jesu mmilili we Ndzimu wa ka chemela badiyiwana babe ha be shingisa phipiti. (Matewu 26:50-52) Nenguba bangwe beti bano shingisa phipiti muzina le Ndzimu, malebeswa wuti Ndzimu ha to dumilila mishingo ya ka jalo. Dumbu ha to hwa naiyo metebezelo yabo.—Izaya 1:15.
Ndzimu uno khathedzekela ibabo ba no dzidziyila kushanganyila ne bano amiwa ne kwe dzi thaselo dze phipiti i no tshusa. (Pisalema 31:7; 1 Pita 5:7) Baibili i no lakidza kuti unowo tola thambo ku pedzisa phipiti.—Izaya 60:18.
Ndzi we phipiti i no tshusa
Baibili ino senula libaka gwe kube kuna phipiti ino tshusa: “Bathu bakabhatisana kunolema behwisana zogwadza.” (Nreri 8:9) Ku palama histori, bathu ba na masimba ba shingisa ku tshusila bangwe ku ba tshambilidza.Ngono mu ku zwidabilila mu ku tshambilidzigwa be be shingisa phipiti i no tshusa ku zwigwila.—Nreri 7:7.
Bupelo gwe phipiti i no tshusa
Ndzimu uno thembesa ku pedzisa ku cha ne phipiti ngono u nowo thama kuti kube ne mbakiso mu shango. (Izaya 32:18; Mika 4:3, 4) Unowo:
Dusa ndzi we phipiti ino tshusa. Ndzimu u nowo misila mbuso we bathu ne mbuso (hurumente) uwe mu shango yose. Jesu Kirisiti, Mbusi we mbuso uwe uno bata bathu ne lizana ne pedzisa ku dziyidza ne phipiti. (Pisalema 72:2, 14) Mu chibaka ichecho ha ku towo shingikala phipiti ino tshusa. “Bathu banowo shatha mu kubhudilila kwakawanda.”—Pisalema 37:10, 11.
Pedzisa belelo lose le phipiti ino tshusa. Ndzimu unowo podza bathu mu belelo lose le phipiti i no tshusa, i nga dwa i li mu mbili kene mu mazwiwo. (Izaya 65:17; Zumbunulo 21:3, 4) Uno thembesa dumbu ne ku musa ba kafa kuti be chile mu shango ina mbakiso.—Johani 5:28, 29.
Baibili ino ti pa mabaka a no hwika ku duma kuti Ndzimu uno dwa e tola thambo chinyolocho. Ne kwaka jalo ungana u ka zwibuzwa uti, ‘Ini Ndzimu a singa pedzisa phipiti i no tshusa ngwenu?’ Ku bona dabilo lingilila vidiyo inoti, Ini Ndzimu e Dumilila ku Ngongola?
a “Phipiti” ka njinji ko dwiwa ku tshusila ku shingisiwa phipti—kwazo mu bathu basi masole—ku longa litshugo ne shandula zwithu mu chipolotiki, mu budumili kene mazwimisilo e zila ye chila. Ne kwaka jalo bathu ba ngana baka si dumilane kuti thambo ipi inga togwa ili ku tshusa ku na phipiti.
Kakale u Nga Shathila ku Bona
BUZO DZE BAIBILI DZO DABIGWA
Bushe Gwe Ndzimu Ini?
Kumbulila kuti ini hurumente we Ndzimu ali pezhugwi kwe bo hurumente bangwe bose.
MISHOLO MINGWE
A Kowobe ne Ndulamo mu Shango Kene?
Baibili i no lakidza kuti ndulamo ye malebeswa i no dwa ku Ndzimu, U no tolela buchilo gwe bathu bose pezhugwi.
ZWIDIYO ZWE BAIBILI ZWI NO SHETEKA
Ini Ndzimu e Dumilila ku Ngongola?
Baibili i no pa dabilo i no hwika kakale i nyaladza.
