“Ku si ntolo kwazo, ta ka be ti singa kumbule kuti ti nga amuchila tshambiso dze namato ne zila ye electronic.” A no dumilana ne matama iyawa? Matama iyawa ya ka be a li mangwe ye ndebo ino kulumbidza ya nzwalani Geoffrey Jackson mu zibiso ye 2020 ye Gubungano li no Laula #6. Wa ka dwilila eti: “Ngono pangwe no zwi buzwa kuti to dwilila chini ti mililana ne bugwele gwa ka wa ti sina dzithuluzi dzi no nga JW Library. Jehova u no dwa kule e ti baakanyila zwi nonga i chechi.”

 Jehova wa ka ti baakanyila chini? Kwa ka be ku shanganyila ini ku thama JW Library app, ngono ko shetekani ku i thokomela ne ku i thabulula.

 Ne May 2013, Gubungano li no Laula la ka kumbila be MEPS Programming be litabi gwe office wulu ye shango yose ku New York, ku thama app ina Baibili ya ka kwagwa buptshwa ye New World Translation. Paul Willies u no shingila mu MEPS Programming a kati: “Ku noti ngwenu ta ka be ti sathu ti ka tongo zhulula mobile app i nga longwa mu dzi app store. Ngono ta ka tangisa team, ti ka misa kwe chibakanyana dzi-project dzi si ngapani ngono ti be shinga ne matabi a mangwe ku dizayina ne thama app ne zwino wangwa muili. Takabe ti tembezela kanjinji, ngono ne batsho ya Jehova app ya ka zhulugwa mu gubungano le gole ne gole, shule koga kwe mingwedzi i li 5.”

 Buthata gungwe ya ka be i li ku shandula app kuti i be library ina dzitshambiso njinji ne ndimi njinji. Ne January 2015, bunji gwe tshambiso dza ti no shingisa dze i khuwa dza ka be dza chi be yapo mu app ngono shule kwe mingwedzi ili 6, bashingisi ba ka be ba nga zwitolela tshambiso i dzedzo dzili dzi-hundred mu ndimi dzingwe.

 Chinga kwa ipapo bazwalani baka thabulula app ne zila njinji, be longa dzividiyo, be kubunganya dzitshambiso dzose ne media dzi no shingisiwa mu zwidiyo zwe gubungano mu tab ingompela, ngono ne thama kuti ku khoneke ku shingisa Research Guide be shingisa ndimana ye Baibili.

 JW Library i no zhugwa mu zwishingisiwa zwili 8 miliyoni zhuba ne zhuba ne muna zwi no pinda15 miliyoni ngwedzi ne ngwedzi! Ngono ini chi no sheteka kuti i dwilile i shinga zwibuyanana mu zwishingisiwa zwe electronic? Nzwalani  Williles uno chenesa: “App ye mobile, ha ito ma ku shinga. To dwilila ti shinga muili, ti longa zwithu zwitshwa ne ku thama kuti bano i shingisa ba i shathile. Ne kuti dzi-operating system dzi no tengwa, zwishingisiwa zwe electronic zo gala zwi thabulugwa, naswibo ta ka fanila thama kuti app i shingidzane ne system e dzedzo. Kakale taka fanila thokomela ne thabulula dzi-software dzedu ha dzitshambiso ne dzi-recording mu JW Library dzi paphidzika.” Ha ti bala ndimi dzose, kuna dzitshambiso dzi li 200,000 ne dzi-recording dze odiyo ne vidiyo dzi no pinda 600,000 mu JW Library!

 Kuti ti dwilile ti batsha kuti app iyeyi i shinge zwibuyanana, ko sheteka ku no pinda computer hardware. Kwaka fanila ku ti ku tengwe dzi-license dze dzi-software dzi njinji. License i ngompela i no ruwelegwa P16 429.49 ne gole. Pezhugwi kwa ikoko MEPS Programming ino shingisa mari a ngapa P109 529.90 ne gole mu zwishingisiwa zwe electronic zwa ka thamiwa ne dzi-company dzi singa fanane, kuti app i dwilile i shinga zwibuyanana mu dzi-computer, dzi-tablet ne founi ptshwa gole ne gole.

 JW Library ya ka tapudza kwazo mari a no shingisiwa ku printa, ku binder ne tumila dzitshambiso. Ha ti lakidzila, bukana ye Examining the Scriptures Daily. Ta ka printa dzi-Examining the Scriptures dzi ngabe 12 miliyoni—ne 2013. Ngono ne 2020 taka printa dzi ngabe, 5 miliyoni—nenguba ta ka paphidzika ne bareri ba ngabe 700,000 mu shango yose. Ini chaka shanduka? Bunji gwe bazwalani ne dzihazwadzi ba no bala ndimana ye zhuba mu JW Library. a

 JW Library ya ka tapudza kwazo mari ano shingisiwa ku printa, kakale ino batsha ba no i shingisa ne zila dzili njinjii. Geneviève, uno gala ku Canada uno duma kuti app ya ka thama kuti a sitongo chuludza ku zwidiya. A kati; “Ku leba malebeswa ha ndi tobona kuti nda be ndinga dwilila ndi zwidiya ndi shingisa tshambiso dzi li njinji mangwana ne mangwanana.” Uno dwilila eti: “Ngono ha ndi shingisa app, chingwe ne chingwe cha ndi no sheta chi pathu pathu pa ngompela mu tablet yangu. Ku zwidiya misiyose kwaka simisa kugalamoyo ne wanana kwangu na Jehova.”

 Kwaka boneka zwibuyanana kuti app ino batsha ne zila yaka shalulika mu chibaka ichechi che bugwele gwaka wa gwe COVID-19. Charlyn, we United States, uno chenesa: “Ha COVID-19 e dwilila i tshwenya mu shango yose, ha kuna tshambiso ptshwa dza ka zhulugwa ne printiwa dza nda ka bona mu chibaka chi nopinda gole. Ne kwaka jalo JW Library ya ka dwilila i ti batsha ne zwa ti no sheta mu namato, ngono ndo bokela Jehova batsho iyeyi ye ludo.”

 Faye, uno gala ku the Philippines, uno leba mazwiwo e banjinji. A kati “Ndo shingisa app i yeyi i na masimba ku dwilila ndili pejo na Jehova. Ndo tangisa bala muili mangwanana a nngwe ne a nngwe. Ndo i teedza ha ndi shinga mishingo ye nsha. Ndo baakanyila zwidiyo zwe gubungano nayo. Ndo baakanyila thuto yangu ye Baibili nayo. Ndo lingilila dzi vidiyo ha ndi na chibaka. Ndo bala zwidiyo kene bala Baibili muili.”

 App yaka zwilakidza ha i batsha kwazo mu nshingo we ku rera. Ha ti lakidzila, hazwadzi ungwe we Cameroon, wa ka be e shaka ku shingisa ndimana ya a ka bona u nngwe hazwadzi e i shingisa mu viki dza ka pinda. Ne kwa ka jalo wa ka be a chi kangangwa kuti wka i bona ngayi. Uno chenesa: “Chi no shathisa ndaka alakana matama a nngwe a yo. Ndaka zhula app ndibe ndi pobedza Baibili ku dwapo ndibe ndi shaka matama iyawo. Chinyolocho ha bona ndimana. A ndi shingisa app ndo khona ku bona dzindimana njinji dza ndi no kangangwa muzwibaka zwingwe.”

 Zwipo zwa mu no dusa ne ku da mu shingisa zila dzi no chenesiwa mu donate.dan124.com dzaka thama kuti ti thamile, ne thokomelela ne thabululila bazwalani ne dzihazwadzi dzedu mu shango yose JW Library app. To mu bokela meya yenyu ye bumoyo nchena.

1. October 2013—App ino zhulugwa ina Baibili ya ka kwagwa butshwa ye New World Translation

2. January 2015—Ku longwa Tshambiso dzingwe dze Ikhuwa ne ndimi dzingwe dzili dzi-hundred

3. November 2015—Ku longwa Bukhoni gwe ku Highlight

4. May 2016—Ku longwa Tab ye Zwidiyo zwe Gubungano

5. May 2017—Ku longwa bukhoni gwe tola dzi-notes

6. December 2017—Ku longwa Batsho ye ku Zwidiya Baibili

7. March 2019—Ku longwa bukhoni gwe ku zwi tolela dzi odiyo recording ne streamer dzividiyo, ne zhula tshambiso dze Research Guide

8. January 2021—Ku longwa kwe zwa ka thabulugwa zwe Shathila Buchilo Cha Chose!