THUTO 25
Ndzimu wa ka Zwimisilani ne Kwedu?
Baibili i no dumana ne kuti, nthu “una mazhuba mashomanana, kakale uzhele mang’oni.” (Jobe 14:1) A dumbu Ndzimu u no shaka kuti ti be ne mathatha mangapa? Ha ku sa ka jalo, ini dumbu cha a no shaka ku ti thamila? A ngono u nowo khona? Bona dabilo dze Baibili dzi no nyaladza.
1. Jehova u no shaka kuti ti chile buchilo gwa ka tini?
Jehova u no shaka kuti ti be ne buchilo gwa ka ti lulwamila. Ha e bumba bathu be kutanga, Adamu na Efa, wa ka ba biga mu gadeni ye Edeni, paradaisi ya ka naka. Ku dwa ipapo “Ndzimu ukabakombolela ukati ku bali, ‘Ibeni ne mbeleko muwande muzhale shango muikulile.’” (Genesisi 1:28) Jehova wa ka be e shaka kuti ba be ne bana, ba thame shango yose paradaisi, ne ku thokomela phuka. Wa ka be e shaka kuti bathu ba shathe ne ku muka zwibuyanana kakale ba chilile chose.
Nenguba zwithu zwi sa ka yenda se kwa Ndzimu a ka be e shaka, a mazwimisilo awe haazo shanduka. (Izaya 46:10, 11) U cha shaka kuti bathu ba no nteedza ba chilile chose mu mamo a ka lulwama kwazo.—Bala Zumbunulo 21:3, 4.
2. Ti nga be ne buchilo gu no shathisa chini ngwenu?
Jehova wa ka ti bumba ti li “bashayi mu meya,” ku no dwa kuti to sheta ku tungamigwa naye, kakale to yemula ku nziba ne ku nnamata. (Bala Matewu 5:3-6.) U no shaka kuti ti be bakhwinya ba pejo naye, ti ‘tobele zila dzidze, ne ku nda,’ kakale ti nshingile “nge moyo [wedu] wose.” (Ditironomi 10:12; Pisalema 25:14) Ha ti nga thama ti jalo, ti nga be ne ku shatha kwe malebeswa nenguba ti na mathatha. Ku namata Jehova ko thama kuti buchilo gwedu gu yende zwibuyanana, ne kuti towo be ti chila ne zila ya a no shaka.
ZWIDIYE KWA KA NGINILILA
Zwidiye se kwa Jehova a ka lakidza ludo gugwe gukulu ha e ti baakanyila shango, kakale ne kwe chi no diyiwa ne Dama lile ne kwe kuti ini ti chila.
3. Jehova u na mazwimisilo a no shathisa ne kwe bathu
Zana VIDIYO, mu be mu lebesana ne kwe buzo i no tobela.
-
Ini Ndzimu a ka bumba shango yedu ya ka naka?
Bala Nreri 3:11, mu be mu lebesana ne kwe buzo i no tobela:
-
Ichechi cho ku diyani ne kwa Jehova?
4. Mazwimisilo a Jehova haazo shanduka
Bala Pisalema 37:11, 29 ne Izaya 55:11, mu be mu lebesana ne kwe buzo i no tobela:
-
To ziba chini kuti mazwimisilo a Jehova haazo shanduka?
Ngumba ya ka kwegula ne ku chinyika i nga baakanyiwa. Ne zila i no fanana, shango ya ka lashiligwa ne bathu i nowo baakanyiwa ne Ndzimu, e i baakanyila ba no nda
5. Ku namata Jehova ko thama kuti ti zibe kuti to chililani
Ku ziba kuti to chililani ku nga ti zhisila ku shatha. Zana VIDIYO, mu be mu lebesana ne kwe buzo i no tobela.
-
Ku zwidiya ne kwe kuti to chililani kwa ka batsha Terumi chini?
Bala Nreri 12:13, mu be mu lebesana ne kwe buzo i no tobela:
-
Ne kuti Jehova wa ka ti thamila kunjinji, ini cha ta ka fanila ku nthamilabo?
UNGWE U NGANA A KATI: “Ini ti chila?”
-
U nga dabila u tini?
CHA WA ZWIDIYA
Jehova u no shaka kuti ti shathile buchilo cha chose mu mamo a ka lulwama mu shango. Ha ti nnamata ne moyo wedu wose, buchilo gwedu gowo yenda zwibuyanana, ne mu chibaka cha ngwenu dumbu.
U Nga Tini?
-
Kutanga, Jehova wa ka be e shaka kuti Adamu na Efa ba be ne buchilo gwa ka tini?
-
To ziba chini kuti mazwimisilo a Jehova ne kwe bathu haazo shanduka?
-
Ini cha u nga thama kuti buchilo gugo gu yende zwibuyanana?
SHAKISISA
Bona bufakazi gwe kuti gadeni ye Edeni ya ka tongo be po dumbu.
“Gadeni ye Edeni—I Malebeswa kene Ha te Ili Malebeswa?” (Thungamakole, January 1, 2011)
Zwidiye kuti ini ti nga duma kuti shango i nowo galila chose.
Bona chi no lebgwa ne Baibili ne kwe kuti u nga thama chini kuti buchilo gugo gu yende zwibuyanana.
Bona se kwa nlume wa ka be e kumbula kuti u na chingwe ne chingwe a ka bona cha ka be chi shakika mu buchilo gugwe.
a Mu thuto i no tobela, u nowo zwidiya kuti kwa ka chinyika poni.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
